ໃນຕອນບ່າຍຂອງວັນທີ 21 ມິຖຸນາ 2024, ທ່ານ ກິ່ງໂພແກ້ວ ພົມມະຫາໄຊ ໄດ້ຍື່ນສານຕາຕັ້ງຕໍ່ ທ່ານ ນ. Ursula von de Leyen, ປະທານຄະນະກຳມາທິການເອີຣົບ ເພື່ອດຳລົງຕໍ່າແໜ່ງເປັນຜູ້ຕາງໜ້າຖາວອນ ແຫ່ງ ສປປ ລາວ ປະຈຳ ສະຫະ ພາບເອີຣົບ ທີ່ມີສຳນັກງານໃຫຍ່ຕັ້ງຢູ່ ນະຄອນຫຼວງ ບຣຸກແຊນ, ປະເທດ ແບນຊິກ.
ເນື່ອງໂອກາດດັ່ງກ່າວ, ທ່ານເອກອັກຄະລັດຖະທູດ ກິ່ງໂພແກ້ວ ພົມມະຫາໄຊ ກໍໄດ້ສະແດງຄວາມຂອບໃຈຕໍ່ ທ່ານ ນ. Ursula von de Leyen, ປະທານຄະນະກຳມາທິການເອີຣົບ ທີ່ໄດ້ໃຫ້ການຮ່ວມມື ແລະ ຊ່ວຍເຫລືອແກ່ ສປປ ລາວ ໃນດ້ານວິຊາການ ແລະ ທຶນຮອນ ເຊິ່ງເຮັດໃຫ້ເຈົ້າໜ້າທີ່ຈາກພາກສ່ວນກ່ຽວຂ້ອງຂອງ ສປປ ລາວ ໄດ້ມີໂອກາດ ເຂົ້າຮ່ວມເຄື່ອນໄຫວໃນວຽກງານຕ່າງໆ ຂອງອີຢູ ຢ່າງເປັນປົກກະຕິ.
ໃນພິທີ, ທ່ານເອກອັກຄະລັດຖະທູດ ກິ່ງໂພແກ້ວ ພົມມະຫາໄຊ ໄດ້ກ່າວວ່າໃນ ນາມ ສປປ ລາວ ເປັນປະທານອາຊຽນ ສຳລັບ ປີ 2024, ສປປ ລາວ ພ້ອມແລ້ວຈະໃຫ້ການຮ່ວມມື ແລະ ເຮັດວຽກຮ່ວມກັບ ອີຢູ ຢ່າງເຕັມທີ່ ເພື່ອຜົນປະໂຫຍດຮ່ວມ ກັນ. ຫຼັງຈາກນັ້ນ, ທ່ານ ນ. Ursula von de Leyen ໄດ້ສະແດງຄວາມຊົມເຊີຍຕໍ່ການເປັນປະທານອາຊຽນຂອງ ສປປ ລາວ ແລະ ອີຢູພ້ອມຈະໃຫ້ການສະໜັບສະ ໜູນໃນບັນດາແຜນງານໂຄງການຕ່າງໆ ລະຫວ່າງ ອີຢູ ແລະ ສປປ ລາວ ຢ່າງຕໍ່ ເນື່ອງ.
ທ້າຍສຸດ, ທັງສອງຝ່າຍໄດ້ສະແດງຄວາມຫວັງໃນການຮ່ວມມືໃນອະນາຄົດ ແລະ ການພົວພັນຄູ່ຮ່ວມມືທີ່ໜັກແໜ້ນທີ່ຈະເປັນຜົນດີໃຫ້ແກ່ປະຊາຊົນທັງສອງປະເທດລາວ ແລະ ປະເທດສະມາຊິກ ອີຢູ.
