ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ຕາງໜ້າຄະນະປະຈຳສະພາແຫ່ງຊາດເຂົ້າວາງພວງມະລາ ແລະ ເຊັນປື້ມໄຫວ້ອາໄລ ສະຫາຍ ຫວູ ມາວ

ຕອນ​ເຊົ້າ​ ວັນ​ທີ 03/06/2020 ຄະນະ​ນຳ​ສະຖານ​ເອກອັກຄະ​ລັດຖະທູດ, ນຳ​ໂດຍ​ສະຫາຍ​ ແສງ​ເພັດ  ຮຸ່ງ​ບຸນ​ຍວງ ເອກອັກຄະ​ລັດຖະທູດ ວິສາມັນ ຜູ້​ມີ​ອຳນາດ​ເຕັມ ​ແຫ່ງ ສປປ ລາວ ປະຈຳ ສສ ຫວຽດນາມ ​ໄດ້ ​ເຂົ້າ​ໄຫວ້​ອາ​ໄລ ​ແລະ ​ເຊັນ​ປື້​ມ​ ​ເພື່ອ ອາ​ໄລ​ຮັກ​ເຖິງ​ດວງ​ວິນຍານ​ຂອງ ສະຫາຍ ຫວູ ມາວ, ອະດິດກຳມະການ​ສູນ​ກາງ​ພັກ,ອະ​ດິດຫົວ ໜ້າ​ຫ້ອງ​ວ່າການ​ສະພາ​ແຫ່ງ​ຊາດ, ອະ​ດິດປະ​ທານ​ກຳມາ​ທິການ​ຕ່າງປະ​ເທດ​ສະພາ​ແຫ່ງ​ຊາດ ​ແຫ່ງ ສສ ຫວຽດນາມ.

ສະຫາຍ ​ແສງ​ເພັດ ຮຸ່ງ​ບຸນ​ຍວງ ​ໄດ້ ສະ​ແດງ​ຄວາມ​ໂສກ​ເສົ້າ​ເສຍດາຍ ​ແລະ ອາ​ໄລ​ອາວ​ອນຢ່າງ​ສຸດ​ຊື້​ງຕໍ່​ ການຈາກໄປຂອງ ສະຫາຍ ຫວູ ມາວ, ​ການ​ຈາກ​ໄປ​ຂອງ​ສະຫາຍບໍ່ພຽງແຕ່​ເປັນການສູນເສຍອາດີດຜູ້ນໍາທາງການເມືອງ ຜູ້ ປີຊາສາມາດ ແລະ ສະມາຊິກສະພາແຫ່ງຊາດຫວຽດນາມ ຜູ້ທີ່ປ່ຽມລົ້ນໄປດ້ວຍປະສົບການ ຂອງ​ພັກ, ລັດ ​ແລະ​ປະຊາຊົນ​ຫວຽດນາມ​ແຕ່​ຍັງ​ເປັນ​ການ​ສູນເສຍເພື່ອນ ມິດຜູ້ໃກ້ຊິດສະໜິດສະໜົມຂອງພັກ, ສະພາແຫ່ງຊາດ ແລະ ປະ ຊາຊົນລາວ,  ສະຫາຍ ຫວູ ມາວ ​ໄດ້ປະກອບສ່ວນອັນສຳຄັນໃນການເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ   ແລະ ປະຊາຊົນສອງຊາດ ລາວ – ຫວຽດນາມ.

ໂອກາດແຫ່ງຄວາມໂສກເສົ້າເສຍດາຍນີ້, ສະຖານເອກອັກຄະລັດຖະທູດ ສປປ ລາວ ປະຈຳ ສສ ຫວຽດນາມ ກໍ່ຄືໃນນາມຕາງໜ້າຄະນະປະຈຳສະພາແຫ່ງຊາດ ​ແລະ ໃນນາມສ່ວນຕົວ, ພວກຂ້າພະເຈົ້າ ຂໍແບ່ງເບົາຄວາມ ທຸກໂສກ, ຄວາມອາໄລອາວອນຢ່າງສຸດຊື້ງຮ່ວມກັບສະພາແຫ່ງຊາດຫວຽດ ນາມ ແລະ ປະຊາຊົນຫວຽດນາມ ຕະຫຼອດຮອດ ຄອບຄົວ, ຍາດພີ່ນ້ອງ ແລະ ເພື່ອນມິດຂອງ ສະຫາຍ ຫວູ ມາວ ທຸກທົ່ວໜ້າ.

 

(ຂ່າວ,ຮູບ​ພາບ: ​ໂອລຳ ຈັນທະ​ວິ​ໄລ)