ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ເອກອັກຄະລັດຖະທູດ ແຫ່ງ ສປປ ລາວ ປະຈຳ ສສ ຫວຽດນາມ ຮ່ວມພິທີໄຕ້ທູບທຽນເນື່ອງໃນວັນເສຍອົງຄະ-ວິລະຊົນແຫ່ງຊາດຫວຽດນາມ ຄົບຮອບ 73 ປີ 

ລະຫວ່າງວັນທີ 18-19 ກໍລະກົດ 2020 ທ່ານແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມດ້ວຍຄະນະນຳ ແລະ ພະນັກງານສະຖານທູດຈຳນວນໜຶ່ງໄດ້ ເຂົ້າຮ່ວມພິທີໄຕ້ທູບທຽນເນື່ອງໃນວັນເສຍອົງຄະ-ວິລະຊົນແຫ່ງຊາດຫວຽດນາມ ຄົບຮອບ 73 ປີ ຢູ່ສຸສານສາກົນ ຫວຽດ-ລາວ ເມືອງ ແອງເຊິນ, ແຂວງ ເຫງະອານ.

ໃນພິທີ ທ່ານ ແສງເພັດ ຮຸ່ງບຸນຍວງ ໄດ້ໄຕ້ທູບທຽນສະແດງຄວາມເຄົາລົບ ແລະຮູ້ບຸນຄຸນອັນເລິກເຊິ່ງ ຕໍ່ນັກຮົບຜູ້ເສຍສະຫຼະຊີວິດເພຶ່ອພາລະກິດປະຕິວັດຂອງປະຊາຊົນລາວ ແລະ ຫວຽດນາມ ແລະກ່າວວ່າ: ໃນປະຫວັດສາດການພົວພັນສາກົນ, ແຕ່ອະດິດມາເຖິງປະຈຸບັນ, ສາຍພົວພັນພິເສດລາວ-ຫວຽດນາມ ແລະ ຫວຽດນາມ-ລາວ ແມ່ນ ສາຍພົວພັນລະຫວ່າງສອງປະເທດແບບພິເສດມີໜຶ່ງດຽວໃນໂລກ ເປັນການພົວພັນທີ່ສະໜິດແໜ້ນໝັ້ນຄົງ, ບໍລິສຸດຜຸດຜ່ອງ, ໃສແຈ້ງ ແລະ ມີປະສິດທິຜົນ ລະຫວ່າງສອງຊາດ ຖຶກສ້າງຂື້ນ ຜ່ານຂະບວນການຮ່ວມສຳພັນສູ້ຮົບທີ່ເສຍສະຫຼະເລືອດເນື້ອ ບໍ່ຮູ້ຈັກວ່າເທົ່າໃດລຸ້ນຄົນຮ່ວມຕໍ່ສູ້ເພື່ອຄວາມເປັນເອກະລາດ, ເສລີພາບ ແລະ ສັງຄົມທີ່ກ້າວໜ້າຂອງສອງປະເທດ. ດ້ວຍຜົນງານ ແລະ ຄຸນງາມຄວາມດີທີ່ບັນດານັກຮົບໄດ້ສ້າງມານັ້ນ, ພວກເຮົາເປັນຄົນຮຸ້ນຫຼັງຂໍຈາລຶກບຸນຄຸນ, ຜົນງານຄຸນງາມຄວາມດີທີ່ບັນດານັກຮົບໄດ້ສ້າງໄວ້ໃຫ້ຍືນຍົງຕະຫຼອດໄປ ແລະ ຈະສືບຕໍ່ເພີ່ມທະວີສົ່ງເສີມສາຍພົວພັນມິດຕະພາບອັນຍິ່ງໃຫຍ່ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນຂອງສອງປະເທດ ລາວ – ຫວຽດນາມ, ຫວຽດນາມ – ລາວ, ໃຫ້ນັບມື້ແຕກດອກອອກຜົນຍິ່ງໆຂຶ້ນ.