ເຮືອຊ່ວງນະຄອນຫຼວງວຽງຈັນ ໄດ້ຄອງຊະນະເລີດ ງານຊ່ວງເຮືອປະຈຳປີ ພສ 2565 ຢູ່ເມືອງມໍລະດົກໂລກຫຼວງພະບາງ

ຊ່ວງເຮືອທີ່ນະຄອນ ຫຼວງພະບາງ ເມືອງມໍລະດົກໂລກ ໄດ້ຈັດຂື້ນເປັນປະຈໍາທຸກປີພໍເຖີງມື້ແຮມ 14 ຂອງເດືອນ 9 ຄືມື້ບຸນຫໍ່ເຂົ້າປະດັບດີນ ອັນເປັນເອກະລັກສະເພາະທີ່ສືບທອດກັນມາຫຼາຍເຊັ່ນຄົນ ສຳລັບປີນີ້ກົງກັບວັນທີ່ 26 ສີງຫາ ບັນຍາກາດໂດຍລວມເຫັນວ່າ ມີຄວາມຄືກຄື້ນມ່ວນຊື່ນ ກວ່າ 2 ປີຜ່ານມາ ເພາະໄລຍະທີ່ມີການລະບາດຂອງພະຍາດໂຄວິດ 19 ແມ່ນບໍ່ໄດ້ຈັດ ເຮັດພຽງຮີດຄອງປະເພນີເທົ່ານັ້ນ. ໃນປີນີ້ ເຮືອຊ່ວງເຂົ້າຮ່ວມແຂ່ງຂັນ 23 ລໍາ ໂດຍມາຈາກບັນດາບ້ານ, ສຳນັກງານອ້ອມຂ້າງແຂວງ ແລະແຂວງໃກ້ຄຽງຈຳນວນໜື່ງ. ຜ່ານການແຂ່ງຂັນ ທ່າມກາງສຽງຊົມສຽງເຊຍເຕັມສອງຟາກຟັ່ງນໍ້າຄານ ຜົນປະກົດວ່າ ທີ່ 1 ແມ່ນນະຄອນຫຼວງວຽງຈັນ ບໍລິສັດແສງເພັດ ເກັບກູ້ລະເບີດ ໄດ້ຮັບຮັບຂັນຄອງແຊ້ມ 3 ປີ ເປັນຂັນເງີນນ້ຳໜັກ 1.500 ກຣາມ, ປະຈຳປີ ເປັນຂັນເງີນສົດ 1.000 ກຣາມ ແລະເງີນສົດ 17.000.000ກີບ, ທີ 2 ແຂວງໄຊຍະບູລີ ບໍລິສັດພັນທະມິດກຣຸບ ໄດ້ຮັບຮັບຂັນເງີນນ້ຳໜັກ 800 ກຣາມ ແລະເງີນສົດ 16.000.000 ກີບ, ທີ 3 ທະນາຄານພັດທະນາລາວ LDB, ໄດ້ຮັບຂັນເງີນສົດນ້ຳໜັກ 500 ກຣາມ ແລະເງີນສົດ 15.000.000 ກີບ, ທີ 4 ເຮືອຊ່ວງ ວັດຊຽງທອງ 2 ໄດ້ຮັບເງີນສົດ 14.000.000 ກີບ, ທີ 5 ເມືອງຊຽງເງີນ (ທະເລປາກຂັນ) ໄດ້ຮັບເງີນສົດ 13.000.000 ກີບ, ທີ 6 ບ້ານນູນສະຫວາດ ໄດ້ຮັບເງີນສົດ 12.500.000 ກີບ, ທີ 7 ເມືອງປາກອູນາວາຜານາກ ໄດ້ຮັບເງີນສົດ 12.000.000 ກີບ, ທີ 8 ບ້ານສັງຄະໂລກ (ລາວແກັສ) ໄດ້ຮັບເງີນສົດ 11.500.000 ກີບ, ທີ 9 ຮ່ວມມີ 4 ລາງວັນໄດ້ຮັບເງີນສົດລາງວັນລະ 11.000.000 ກີບ, ທີ 13 ຮ່ວມ ມີ 4 ລາງວັນໄດ້ຮັບເງີນສົດ ລາງວັນລະ 10.500.000 ກີບ, ທີ 17 ຮ່ວມ ມີ 7 ລາງວັນ ໄດ້ຮັບເງີນສົດ ລາງວັນລະ 10.000.000 ກີບ, ພິເສດມີລາງວັນເຮືອງາມ ທີ 1 ແມ່ນເຮືອຊ່ວງ ວັດຊຽງທອງ 2 ຮັບເງີນສົດ 3.500.000 ກີບ, ທີ 2 ເຮືອຊ່ວງ ວັດໃຫມ່-ສວນລາດແລງ ບ້ານປ່າຂາມ ໄດ້ຮັບບເງີນສົດ 2.500.000 ກີບ, ທີ 3 ເຮືອຊ່ວງ ພະທາດຫມາກໂມ ກຸ່ມວິຊຸນ ໄດ້ຮັບເງີນສົດ 1.500.000ກີບ, ສ່ວນເຮືອນາງດຳ-ນາງດ່ອນ ໄດ້ຮັບລາງວັນເງີນສົດລາງວັນລະ 3.500.000 ກີບ. ໃຫ້ກຽດຂື້ນມອບລາງວັນໂດຍ ທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ປະທານຈັດງານບຸນຊ່ວງເຮືອເດືອນເກົ້າຫໍ່ເຂົ້າປະດັບດີນ ພ້ອມດ້ວຍ ທ່ານຮອງເຈົ້າຄອງນະຄອນຫຼວງວຽງຈັນ ແລະການນຳຂອງແຂວງຫຼວງພະບາງ.

ຂ່າວ;ພາບ: ສື່ມວນຊົນແຂວງຫລວງພະບາງ