ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງຈຳປະສັກແຕ່ງຕັ້ງການນຳສູງສຸດຊຸດໃໝ່:

ໃນຕອນເຊົ້າມື້ນີ້ ວັນທີ 3 ເມສາ 2020, ແຂວງຈຳປາສັກ ໄດ້ຈັດພິທີປະກາດໃຫ້ ພະນັກງານການນຳແຂວງ 6 ສະຫາຍ ອອກພັກການ-ຮັບອຸດໜູນບໍານານ ຄື:

  1. ສະຫາຍ ບຸນຖອງ ດີວິໄຊ, ກໍາມະການສູນກາງພັກ, ເລຂາອົງຄະນະພັກແຂວງ ແລະ ເຈົ້າແຂວງໆຈຳປາສັກ
  2. ສະຫາຍ​ ສົມສະໜິດ​ ບຸດຕິວົງ, ຮອງເລຂາອົງຄະນະພັກແຂວງ, ຮອງເຈົ້າແຂວງໆຈຳປາສັກ
  3. ສະຫາຍ ນິພອນ ວຽງປະເສີດ, ຮອງເລຂາອົງຄະນະພັກແຂວງ, ຫົວໜ້າຄະນະຈັດຕັ້ງແຂວງ​
  4. ສະຫາຍ​ ບົວສອນ ວົງສອງຄອນ, ກຳມະການຄະນະປະຈຳອົງຄະນະພັກແຂວງ, ຮອງເຈົ້າແຂວງໆຈຳປາສັກ
  5. ສະຫາຍ ສຸລິວັນ ສະຫວັດທະສິນ , ກຳມະການຄະນະປະຈຳອົງຄະນະພັກແຂວງ
  6. ສະຫາຍ ບຸນມາກ ວິລະວົງ, ກຳມະການຄະນະປະຈຳອົງຄະນະພັກແຂວງ.

ພ້ອມນີ້, ຍັງໄດ້ປະກາດແຕ່ງຕັ້ງພະນັກງານນຳພາຂັ້ນສູງຂອງແຂວງ ຄື: ແຕ່ງຕັ້ງ ສະຫາຍ ວິໄລວົງ ບຸດດາຄໍາ, ກຳມະການ​ສູນກາງ​ພັກ​, ກຳມະການ​ຄະນະປະຈຳສະພາແຫ່ງຊາດ ແລະ ປະທານຄະນະກໍາມາທິການແຜນການ-ການເງິນ ແລະ ກວດສອບ ສະພາແຫ່ງຊາດ ເປັນເລຂາອົງຄະນະພັກແຂວງ ແລະ ຮັກສາການເຈົ້າແຂວງໆຈຳປາສັກ, ແລະ ແຕ່ງຕັ້ງ ສະຫາຍມະໄລທອງ ກົມມະສິດ, ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ເປັນກຳມະການປະຈຳອົງຄະນະພັກແຂວງ ຈຳປາສັກ.​

 

ພິທີປະກາດການແຕ່ງຕັ້ງສັບຊ້ອນການຈັດຕັ້ງແຂວງຈຳປະສັກໃນຄັ້ງນີ້ ຖືກຈັດຂຶ້ນຢູ່ສະໂມສອນແຂວງ ໂດຍການເຂົ້າຮ່ວມຂອງ ສະຫາຍ​ ພັນຄໍາ ວິພາວັນ, ກໍາມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ., ໂດຍມີຮອງລັດຖະມົນຕີ,​ ຮອງຫົວໜ້າຄະນະຈັດຕັ້ງສູນກາງພັກ,​ ພ້ອມດ້ວຍ ບັນດາສະຫາຍການນໍາແຂວງ,​ ການນຳພະແນກການອ້ອມຂ້າງແຂວງ,​ ການນໍາ 9 ເມືອງ,​ 1 ນະຄອນ ແລະ ການນໍາຈາກພາກຈາກສ່ວນກ່ຽວຂ້ອງ ເຂົ້າຮ່ວມ.

 

 

ຂ່າວ;ພາບ: ເກດສະໜາ