ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງຈຳປາສັກປະກາດແຕ່ງຕັ້ງ, ສັບຊ້ອນ ແລະຍົກຍ້າຍພະນັກງານຕໍາແໜ່ງບໍລິຫານພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.

ຕອນເຊົ້າວັນທີ 4 ກັນຍາ 2020 ນີ້, ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ ໄດ້ຈັດພິທີປະກາດແຕ່ງຕັ້ງ, ສັບຊ້ອນ ແລະຍົກຍ້າຍພະນັກງານລັດຖະກອນຕໍາແໜ່ງບໍລິຫານ ໂດຍ ພາຍໃຕ້ການເປັນປະທານຂອງທ່ານ ໂສມ ບຸດຕະກຸນ ກໍາມະການພັກແຂວງ, ຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ມີຄະນະພະແນກ, ພະນັກງານນໍາພາ, ຄຸ້ມຄອງ ແລະ ວິຊາການເຂົ້າຮ່ວມ.
ໃນພິທີຕາງໜ້າຄະນະຈັດຕັ້ງແຂວງຈໍາປາສັກ ໄດ້ຜ່ານຂໍ້ຕົກລົງເຈົ້າແຂວງຈຳປາສັກ ວ່າດ້ວຍການຕົກລົງເຫັນດີແຕ່ຕັ້ງ ແລະ ສັບຊ້ອນ ພະນັກງານ-ລັດຖະກອນ ຕໍາແຫນ່ງບໍລິຫານ ພາຍໃນພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກສະບັບເລກທີ 871 ຈຂ.ຈສ ລົງວັນທີ 24 ສິງຫາ 2020 ດັ່ງນີ້:
1. ສັບຊ້ອນ ທ່ານ ສົມພະໄທ ເກດມາລາ ຫົວໜ້າຂະແໜງຫ້ອງການບໍລິຫານ ເປັນ ອຳນວຍການສະຖານີໂທລະພາບ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ
2. ແຕ່ງຕັ້ງ ທ່ານ ໄພມະນີ ບຸບຜາພັນ ຮອງຫົວໜ້າຂະແໜງຫ້ອງການບໍລິຫານ ເປັນ ຫົວໜ້າກອງສວນວັດທະນະທຳບັນດາເຜົ່າຫຼັກ 7 ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ
3. ແຕ່ງຕັ້ງ ທ່ານ ສາຄອນ ເສດຖະກຸນ ຮັກສາການຫົວໜ້າຂະແໜງກວດກາ ເປັນ ຫົວໜ້າຂະແໜງຫ້ອງການບໍລິຫານ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ
4. ສັບຊ້ອນ ທ່ານ ໄຮທອງ ທຳມະວົງ ອຳນວຍການວິທະຍຸກະຈາຍສຽງ ເປັນ ຫົວໜ້າຂະແໜງກວດກາ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ
5. ແຕ່ຕັ້ງ ທ່ານ ຄຳເປ່ມ ຈັນທິຈັກ ຫົວໜ້າໜ່ວຍງານບໍລິຫານການເງິນວິທະຍຸກະຈາຍສຽງແຂວງຈຳປາສັກ ເປັນຮອງຫົວໜ້າຂະແໜງຫ້ອງການບໍລິຫານ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ
6. ແຕ່ຕັ້ງ ທ່ານ ທະນົງໄຊ ຄັນທະວະດີ ຫົວໜ້າໜ່ວຍງານສະຖານີໂທລະພາບ ເປັນ ຮອງອຳນວຍການສະຖານີໂທລະພາບ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ
7. ສັບຊ້ອນທ່ານ ດວງຈັນ ຂຸນພັກດີ ຫົວໜ້າຫ້ອງການສິລະປະກອນ ເປັນອຳນວຍການສະຖານີວິທະຍຸກະຈາຍສຽງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ
8. ສັບຊ້ອນ ທ່ານ ນາງ ບົວທອງ ບຸບຜາພັນ ຫົວໜ້າກອງສວນວັດທະນະທຳບັນດາເຜົ່າຫຼັກ 7 ເປັນຫົວໜ້າ ກອງສິລະປະກອນ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ.

ຈາກນີ້ອີງຕາມຂໍ້ຕົກລົງຂອງຫົວໜ້າຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄດ້ຍົກຍ້າຍ ທ່ານ ອຸດອນ ແກ້ວນະຄອນ ຮອງຫົວໜ້າກອງສວນວັດທະນະທຳບັນດາເຜົ່າຫຼັກ 7 ເປັນ ຮອງຫົວໜ້າສູນຝຶກອົບຮົມ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ.