ສະຫະພັນແມ່ຍິງແຂວງຈະປະສັກຈັດພິທີປາຖະກະຖາວັນສ້າງຕັ້ງສະຫະພັນແມ່ຍິງລາວຄົບຮອບ 66 ປີ ຄືວັນທີ 20 ກໍລະ ກົດ ປີ 1955 – ວັນທີ 20 ກໍລະກົດ 2021.ຢູ່ທີ່ສະໂມສອນຫຼັກ 4 ໃນຕອນ ເຊົ້າວັນທີ 19 ກໍລະກົດ 2021 ໂດຍພາຍ ໃຕ້ການເປັນປະທານຂອງທ່ານ ສາຍທອງ ໄຊຍະວົງ ຮອງເລຂາພັກແຂວງ,ປະທານສະພາປະຊາຊົນແຂວງຈໍາປາສັກ ,ມີທ່ານ ນາງ ເຕດາວັນ ແກ້ວພິລາວັນ ປະທານສະຫະພັນແມ່ຍິງແຂວງຈໍາປາສັກ ພ້ອມດ້ວຍຄະນະ, ມີການນໍາແຂວງ,ຄະນະສະຫະພັນແມ່ຍິງແຂວງ,ຄະນະສະຫະ ພັນແມ່ຍິງຮາກຖານ,ພະແນກການກົມກອງອ້ອມຂ້າງແຂວງ ເຂົ້າຮ່ວມ.
ໃນພິທີ ທ່ານ ສາຍທອງ ໄຊຍະວົງ ຮອງເລຂາພັກແຂວງ,ປະທານສະພາປະຊາຊົນແຂວງຈໍາປາສັກ, ໄດ້ເປັນກຽດປາຖະ ກະຖາ ວັນສ້າງຕັ້ງສະຫະພັນແມ່ຍິງລາວຄົບຮອບ 66 ປີ ຄືວັນທີ 20 ກໍລະກົດ ປີ 1955 – ວັນທີ 20 ກໍລະກົດ 2021. ຍົກໃຫ້ເຫັນປະຫວັດການກຳເນີດ ແລະເຕີບໃຫຍ່ຂະຫຍາຍຕົວຂອງສະຫະພັນແມ່ຍິງລາວ ວັນທີ 22 ມີນາ 1955 ພັກປະຊາ ຊົນລາວ ກໍ່ໄດ້ຮັບການສ້າງຕັ້ງຂຶ້ນ ເພື່ອຮັບຜິດຊອບໂດຍກົງ ຕໍ່ພາລະກໍາ ປະ ຫວັດສາດຂອງການປະຕິວັດລາວ, ນັບແຕ່ຫົວທີ ທີ່ພັກປະຊາຊົນລາວ ໄດ້ຮັບການສ້າງຕັ້ງ, ພັກກໍ່ໄດ້ເອົາໃຈໃສ່ ຢ່າງຈົດຈໍ່ຕໍ່ການປຸກລະດົມຂົນຂວາຍ, ກໍ່ສ້າງແມ່ຍິງໃຫ້ມີຄວາມຕື່ນຕົວປະກອບສ່ວນໃນພາລະກິດປະຕິວັດ ແລະ ຖື ແມ່ຍິງເປັນພາກສ່ວນຫນຶ່ງໃນກໍາລັງແຮງທີ່ສໍາຄັນຂອງພັກ.
– ພາຍໃຕ້ການນໍາພາຂອງພັກ ແລະ ໄດ້ຮັບຜົນສະທ້ອນຈາກຂະບວນການຕໍ່ສູ້ປະຕິວັດຂອງແມ່ຍິງໃນໂລກ ທີ່ ເລັ່ງທວງໃຫ້ປະຕິບັດສິດເສລີພາບ, ຄວາມສະເຫມີພາບລະຫວ່າງຍິງ-ຊາຍ ທາງດ້ານການເມືອງ-ເສດຖະກິດ, ວັດທະ ນະທໍາ-ສັງຄົມ ເທື່ອລະກ້າວ, ອົງການຈັດຕັ້ງແມ່ຍິງຂັ້ນຮາກຖານຈຶ່ງໄດ້ເກີດຂຶ້ນໂດຍເລີ່ມຈາກການຈັດຕັ້ງຫນ່ວຍ ” ແມ່ນັກຮົບຢູ່ຊົນນະບົດ, ຫນ່ວຍຍຸວັນນາລີ ຢູ່ຕາມຕົວເມືອງ, ການຈັດຕັ້ງດັ່ງກ່າວໄດ້ເຄື່ອນໄຫວ ແລະ ເຕີບໃຫຍ່ຂະຫຍາຍຕົວນັບມື້ນັບກວ້າງຂວາງ.
– ວັນທີ 20 ກໍລະກົດ 1955 ພັກໄດ້ຈັດຕັ້ງຫນ່ວຍຄົ້ນຄວ້າວຽກງານແມ່ຍິງ ຂຶ້ນຢ່າງເປັນທາງການ (ເຊິ່ງເປັນ ຕົ້ນກໍາເນີດຂອງອົງການຈັດຕັ້ງສະຫະພັນແມ່ຍິງລາວປະຈຸບັນ)ແຕ່ງຕັ້ງຄະນະຫນ່ວຍ ຊຶ່ງປະກອບມີ 3 ທ່ານ ຄື:
1. ທ່ານ ນາງ ຄໍາຫລ້າ ວົງສັກ ເປັນຫົວຫນ້າ
2. ທ່ານ ນາງ ຄໍາສຸກ ວົງວິຈິດ ເປັນຮອງ
3. ທ່ານ ນາງ ຄໍາແພງ ບຸບຜາ ເປັນກໍາມະການ
ເພື່ອສືບຕໍ່ນໍາພາອົງການຈັດຕັ້ງແມ່ຍິງ ແລະ ຂົນຂວາຍຂະບວນການ ແມ່ຍິງທົ່ວປະເທດ, ຈາກນັ້ນມາສະຫະພັນະແມ່ຍິງລາວກໍມີຄວາມເຕີບໃຫຍ່ເຂັ້ມແຂງຈາກໃນໄລຍະຕໍ່ສູ້ກູ້ຊາດຈົນມາຮອດໄລຍະປົກປັກຮັກສາ ແລະສ້າງສາພັດທະນາປະເທດຊາດໃນປະຈຸບັນ.
ຈຸດປະສົງປະສົງໃນການປາຖະກະຖາຄັ້ງນີ້ແນໃສ່ເຊື່ອມຊຶມຄືນມູນເຊື້ອອັນດີງາມ, ຜົນງານອັນໂດດເດັ່ນຂອງແມ່ຍິງລາວ ກໍຄືສະຫະພັນແມ່ຍິງແຂວງ,ເຊີດຊູບົດບາດຂອງແມ່ຍິງສູງເດັ່ນຂື້ນໃນເວທີສາກົນ ແລະພາກພື້ນ ຄຽງບ່າຄຽງໄລ່ເທົ່າທຽມກັບເພດຊາຍ.
ໃນພິທີຍັງມີການສະຫຼຸບຜົນການເຄື່ອນໄຫວວຽກງານຂອງສະຫະພັນແມ່ຍິງແຂວງຈໍາປາສັກໃນໄລຍະ 1 ປີທີ່ຜ່ານມາ,ທິດທາງແຜນການໃນຕໍ່ໜ້າ,ມີການອ່ານສານອວຍພອນວັນສ້າງຕັ້ງສະຫະ ພັນແມ່ຍິງລາວຄົບຮອບ 66 ປີ.ມີການມອບຂອງຂັວນ ແກ່ການນໍາ ແລະປະ ທານສະຫະພັນແມ່ຍິງ,ພິເສດມີສະແດງສິລະວັນນະຄະດີ ຢ່າງມີບັນຍາກາດຟົດຟື້ນ ແລະ ຄວາມໝາຍສໍາຄັນເລິກເຊິ່ງ.
ເກດສະໜາ ແກ້ວສຸວັນນະແສງ
May be an image of 1 person
Loading...