ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

   ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຕົວຈິງ

ແຂວງຈໍາປາສັກສັກວັກຊິນກັນພະ ຍາດ ໂຄວິດ 19 ໄດ້ແລ້ວ 1 ຫມື່ນ ກ່ວາຄົນ.

ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງຈໍາປາສັກໃຫ້ສໍາພາດໃນວັນທີ 3 ພຶດສະພາ 2021 ວ່າ: ມາຮອດປະຈຸບັນທົວແຂວງສາມາດສັກຢາວັກຊິນກັນພະຍາດໂຄວິດ 19 ໄດ້ແລ້ວ 1 ຫມື່ນ 708 ຄົນ.ໃນນັ້ນຜູ້ຮັບການສັກວັກຊິນສ່ວນຫຼາຍແມ່ນຢູ່ໃນເຂດນະຄອນປາກເຊ ເຊິ່ງແມ່ນສູນກາງການລະບາດຂອງແຂວງຈໍາປາສັກ,ວັກຊິນທີ່ສັກແມ່ນ ຊີໂນຟາມ ຊຶ່ງລາວເຮົາໄດ້ຮັບການຊ່ວຍເຫຼືອຈາກ ສາທາລະນະລັດປະຊາຊົນຈີນ,ແລະ ແອັດຕຣາ ເຊເນກ້າ ຈາກສາທາລະນະລັດອິນເດຍ.
ປະຈຸບັນພະນັກງານແພດໝໍໄດ້ສືບຕໍ່ສັກໃຫ້ປະຊາຊົນຢູ່ໃນກຸ່ມສຽງພາຍໃນນະຄອນປາກເຊ,ຖ້າສໍາເລັດຈະຂະຫຍາຍໄປເມືອງອື່ນໆ ຄາດວ່າຈະສັກໃຫ້ໄດ້ຕາມເປົ້າໝາຍຂອງຈໍານວນວັກຊິນທີ່ມີ 2 ໝື່ນຄົນ.
ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງຈໍາປາສັກ ຍັງໄດ້ກ່າວຮຽກຮ້ອງໃຫ້ປະຊົນໄປສັກວັກຊິນກັນພະຍາດໂຄວິດ-19 ເນື່ອງຈາກຜູ້ສັກວັກຊິນສາມາດມີພູມຄຸ້ມກັນປ້ອງກັນຈາກການຕິດເຊື້ອພະຍາດໂຄວິດໄດ້,ຖ້າກໍລະຊບນີຕິດເຊື້ອໂຄວິດກໍບໍເປັນອັນຕະລາຍ ແລະບໍ່ສາມາດກະຈາຍເຊື້ອໄປຕິດຕໍ່ໃສ່ບຸກຄົນອື່ນໄດ້.
ສະຖານທີບໍລິການສັກຢາວັກຊິນມີດັ່ງນີ້:
1.ສະໂມສອນຫລັກ4ຂອງແຂວງຈໍາປາສັກ
2.ສະໂມສອນວິທະຍາໄລຄູປາກເຊ
3.ສະໂມສອນນະຄອນປາກເຊ
4.ມສ ໂພນໃຊ
5.ມສ ຂົວຕະພາບ
6.ວິທະຍາໄລແຕັກນິກວິຊາຊີບແຂວງຈຳປາສັກ
8. ທິມແພດເຄື່ອນທີ່ລົງແຕ່ລະບ້ານຕື່ມອີກ2ທິມ
ເປົ້າໜາຍຜູ້ຮັບວັກຊີນມີດັ່ງນີ່:
– ຜູ້ທີ່ມີອາຍຸ18ປີຂື້ນໄປ ທັງຍິງແລະຊາຍ
ທີ່ມີສຸຂະພາບແຮງ ແລະ ມີພະຍາດຊໍ້າເຮື້ອ ກໍ່ສາມາດສັກໄດ້(ແຕ່ຕ້ອງໄດ້ຜ່ານການກວດກາຈາກແພດໝໍຕື່ມອີກ)
ສໍາລັບການສັກຢາວັກຊິນກັນພະຍາດໂຄວິດ 19 ຮອບທໍາອິດຜ່ານມາແມ່ນ ສັກໃຫ້ພະນັກງານ,ປະຊາຊົນກຸ່ມສ່ຽງໄດ້ແລ້ວ 1 ມື່ນ 6 ພັນຄົນ.ລວມກັບຮອບທີ 2 ທີ່ຍັງສືບຕໍ່ສັກໃນປະຈຸບັນເປັນ 2 ຫມື່ນ 6 ພັນກ່ວາຄົນ.
ເກດສະໜາ ແກ້ວສຸວັນນະແສງ