ໃນໂອກາດໃຫ້ສໍາພາດຕໍ່ສື່ມວນຊົນທີ່ມາຈາກສໍານັກຂ່າວຕ່າງໆຂອງສູນກາງ, ວິຊາ ການທີ່ມາຈາກສູນສື່ສານເພື່ອສຸຂະພາບແລະສຸຂະສຶກສາກະຊວງສາທາລະນະ ສຸກ,ອົງການຢູ່ນີເຊັຟປະຈໍາລາວເຄື່ອນ ໄຫວເຮັດວຽກກ່ຽວກັບການຕ້ານແລະສັກວັກ ຊີນປ້ອງກັນພະຍາດໂຄວິດ19ຢູ່ແຂວງຈໍາປາສັກລະຫວ່າງວັນທີ 27 ຫາ 28 ກໍລະກົດ 2021ທ່ານວິໄລວົງບຸດດາຄໍາເຈົ້າແຂວງໆຈໍາປາສັກໃຫ້ຮູ້ວ່າ:ມາດຕະການກວດກາບັນດາ ແຮງ ງານລາວທີ່ເດີນທາງກັບມາຈາກປະເທດໄທຜ່ານດ່ານສາກົນວັງເຕົ່າຊ່ອງເມັກເປັນຫນື່ງໃນ 6 ມາດ ຕະການສໍາຄັນທີ່ຄະນະສະເພາະກິດຂັ້ນແຂວງຈໍາປາສັກກໍາລັງຈັດຕັ້ງປະຕິບັດເພື້ອປ້ອງກັນບໍ່ໃຫ້ ພະຍາດໂຄວິດ 19 ກັບເຂົ້າມາລະບາດໃນຊຸມຊົນໂດຍເເນະນໍາໃຫ້ເຈົ້າຫນ້າທີ່ກ່ຽວຂ້ອງກັ່ນກອງກວດຫາ ເຊື້ອພະຍາດໂຄວິດ19ນໍາແຮງງານດັ່ງກ່າວຢ່າງລະອຽດແລ້ວນໍາເອົາເຂົາເຈົ້າເຂົ້າໄປຈໍາກັດບໍລິເວນທີ່ທາງຄະນະສະເພາະກິດຂັ້ນແຂວງກໍານົດອອກ ເພື່ອຕິດຕາມອາການຈົນຄົບກໍານົດ14ວັນ.
ທ່ານວິໄລວົງ ບຸດດາຄໍາໃຫ້ຮູ້ຕື່ມວ່າ:ປັດຈຸບັນເຈົາຫນ້າທີ່ກ່ຽວຂ້ອງຂອງເເຂວງນອກຈາກ ເອົາໃຈໃສ່ກວດການຄົນເຂົ້າ- ອອກເມືອງຢູ່ຕາມດ່ານສາກົນວັງເຕົ່າຊ່ອງເມັກແລ້ວເອົາໃຈໃສ່ຈັດວາງກໍາ ລັງປ້ອງ ກັນເວນຍາມຕາມຈຸດຫລໍ່ແຫລມຕ່າງໆຢູ່ພາຍໃນແຂວງຕະຫລອດ24ຊົ່ວໂມງເພື່ອປ້ອງກັນ ການລັກລອບເຂົ້າມາພາຍໃນ ເເຂວງແບບຜິດກົດຫມາຍຂອງບຸກຄົນຕ່າງໆໂດຍສະເພາະບັນດາເເຮງງານ ລາວທີ່ໄປເຮັດວຽກຢູ່ໄທ ເພື່ອຕັດວົງຈອນການລະບາດຂອງພະຍາດໂຄວິດ19ໄວ້ແຕ່ຫົວທີ ຮັບປະກັນເຮັດໃຫ້ການປ້ອງ ກັນຄວບຄຸມແລະແກ້ໄຂການລະບາດຂອງພະຍາດໂຄວິດ19ຢູ່ແຂວງມີປະສິດ ທິພາບແລະປະສິດທິຜົນຫລາຍຂື້ນກວ່າເກົ່າແລະເພື່ອຮອງຮັບແຮງງານທີ່ເດີນ ທາງກັບມາຈາກ ປະເທດໄທຄະນະສະ ເພາະກິດຂັ້ນແຂວງຈໍາປາສັກໄດ້ຂະ ຫຍາຍສູນຈໍາກັດບໍລິເວນທັງຫມົດ12ແຫ່ງ ຈາກເມື່ອກ່ອນມີພຽງ3ແຫ່ງເພື່ອນໍາໃຊ້ເປັນບ່ອນຈໍາກັດບໍລິເວນ14ຂອງບັນດາເເຮງງານລາວທີ່ເດີນທາງກັບມາແຕ່ໄທໃນການຕິດຕາມອາການພະຍາດໂຄວິດ 19 ໃນເບື້ອງຕົ້ນຮັບປະກັນບໍ່ໃຫ້ເຊື້ອພະຍາດ ໂຄວິດ19ເຂົ້າໄປ ລະບາດໃນຊຸມຊົນ ສ່ວນການສັກວັກຊີນປ້ອງກັນພະຍາດໂຄວິດ19ໃຫ້ປະຊາຊົນ ແມ່ນຈັດຕັ້ງປະຕິບັດຢ່າງຕໍ່ເນື່ອງ.
ຂ່າວ,ພາບ: ເດດອາລຸນ ແກ້ວວິໄລວົງ
Loading...