ແຂວງຈໍາປາສັກ ພ້ອມຈັດງານມະຫາກຳກິລາມວຍລາວ ຄັ້ງທີ 2 ໃຫຍ່ທີ່ສຸດໃນພາກໃຕ້
ທ່ານ ໄກຄຳ ສຸວັນນະເມທີ ປະທານສະຫະພັນກິລາມວຍແຂວງ ຈໍາປາສັກ ໃຫ້ສໍາພາດໃນວັນທີ 16 ກຸມພາ 2024 ນີ້ວ່າ: ປັດຈຸບັນແຂວງຈໍາປາສັກ ພ້ອມ 100% ໃນການຈັດງານມະຫາກຳກິລາມວຍລາວ ຄັ້ງທີ 2 ໃຫຍ່ທີ່ສຸດໃນພາກໃຕ້ ເພື່ອຍົກລະດັບນັກມວຍລາວໃຫ້ນັບມື້ທຽບເທົ່າກັບສາກົນ, ລວມທັງເປັນສົ່ງເສີມການທ່ອງທ່ຽວພາຍໃນແຂວງຈຳປາສັກ ໃຫ້ມີຄວາມຄືກຄື້ນ ລວມທັງເປັນການສ້າງລາຍຮັບໃຫ້ແກ່ອີກດ້ວຍ.
ຄະນະສະຫະພັນມວຍລາວແຫ່ງຊາດ ຮວມກັບ ຄະນະສະພັນມວຍແຂວງຈຳປາສັກ ໄດ້ແບ່ງຄວາມຮັບຜິດຊອບໃນການຈັດຕັ້ງປະຕິບັດກິດຈະກຳການການແຂ່ງຂັນ ໂດຍຈະຈັດຢູ່ສະໜາມກິລາແຂວງ ຫຼັກ 2 ນະຄອນປາກເຊ.
ການແຂ່ງຂັນໃນລາຍການນີ້ ຈະມີມວຍຮອບເຂົ້າຮ່ວມແຂ່ງຂັນທັງໝົດ 8 ຄູ່ ລວມມີ 3 ຮຸ່ນ ຄື: ຮຸ່ນ 51 ກິໂລກຼາມ, ຮຸ່ນ 57 ກິໂລກຼາມ ແລະ ຮຸ່ນ 65 ກິໂລກຼາມ ແລະ ມວຍຄູ່ພິເສດ ນັກກິລາມວຍລາວ ພົບກັບນັກມວຍຕ່າງຊາດ ນຳທັບມາຈາກລາຍການມວຍລະດັບສາກົນ Thai Fight ເຊິ່ງມີນັກມວຍຈາກປະເທດໄທ, ມາລົກ, ອີຣ່ານ, ອອູການດາ ແລະ ອື່ນໆ.
ສຳລັບງານມະຫາກຳກິລາມວຍລາວ ຄັ້ງທີ 2 ນີ້ ຈະໄດ້ຮັບຊົມຟຣີ. ມວຍປະກອບລາຍການ ລວມຫລາຍກວ່າ 10 ຄູ່ ໂດຍຈະຈັດຂື້ນໃນວັນທີ 23 ກຸມພາ 2024.
Cr: ນ. ປະພິດ ສີສົມບູນ
