ແຂວງຈໍາປາສັກ ໄດ້ ໄຂສົກຮຽນໃໝ່ ໃນວັນທີ 2 ກັນຍາ 2024, ທີ່ ໂຮງຮຽນມັດທະຍົມສົມບູນ ປາກເຊ, ໂດຍການຮ່ວມ ເປັນປະທານຂອງຂອງທ່ານ ອາລຸນໄຊ ສຸນນະລາດ ເຈົ້າແຂວງຈໍາປາສັກ ພ້ອມຄະນະນໍາ ພະແນກການສຶກສາທິການ ແລະ ກິລາ, ບັນດາ ຄູອາຈານ – ນັກຮຽນ, ປັນຍາຊົນ ເຂົ້າຮ່ວມ ຢ່າງຟົດຟື້ນ ແລະ ມີຄວາມໝາຍ.
ໃນພິທີດັ່ງກ່າວ ທ່ານ ອາລຸນໄຊ ສຸນນະລາດ ໄດ້ກ່າວໃນບາງຕອນວ່າ : ການສຶກສາ ແມ່ນພື້ນຖານໃນການພັດທະນາ ຊັບພະຍາຍກອນມະນຸດ ໃຫ້ມີຄວາມຮູ້, ຄວາມສາມາດ ມີຄຸນສົມບັດສິນທໍາປະຕິວັດ, ມີ ສຸຂະພາບແຂງແຮງທາງດ້ານຮ່າງກາຍ ແລະ ຈິດ ໃຈ, ຮັກຄວາມກ້າວໜ້າ ຮັກການອອກແຮງງານ ເພື່ອກາຍເປັນກໍາ ລັງແຮງ ທີ່ມີຄຸນນະພາບ ຕອບສະໜອງຄວາມຮຽກຮ້ອງຮ້ອງຕ້ອງການຂອງການພັດທະນາປະເທດຊາດໃນໄລຍະໃໝ່, ຈົົ່ງເພີ່ມທະວີຄວາມຮັບຜິດຊອບຕໍໍ່ໜ້າທີ່ວຽກງານຂອງຕົນໃນການຄຸ້ມ ຄອງບໍລິຫານການສຶກສາໃຫ້ສູງຂຶ້ນ, ເອົາໃຈໃສ່ພັດທະນາຊັບພະ ຍາກອນມະນຸດໃຫ້ມີຄຸນນະພາບ ແລະ ໄດ້ມາດຕະຖານຕາມ 3 ລັກສະນະ ແລະ 5 ຫຼັກມູນຂອງການສຶກສາ ຕ້ານປະກົດການຫຍໍໍ້ທໍໍ້ຕ່າງໆ ສະກັດກັ້ນ ແລະ ຕ້ານບັນຫາ ຢາເສບຕິດທີ່ຕິດພັນກັບວາລະແຫ່ງຊາດໃຫ້ເຂັ້ມງວດ ແລະ ເດັດຂາດ.
ທ່ານໄດ້ຮຽກຮ້ອງມາຍັງ ບັນດາຄູອາຈານ ຈົ່ງເອົາໃຈໃສ່ໃນການ ສຶກສາຄົ້ນຄວ້າການຈັດການຮຽນການໃຫ້ມີຄຸນນະພາບ, ໃຊ້ເຕັກໂນໂລຊີຂໍໍ້ມູນຂ່າວສານປະກອບການສອນ, ຈັດຕັ້ງທົບທວນ-ສໍາມະນາກັນຄືນກ່ຽວກັບຮູບແບບ, ເຕັກນິກ, ວິທີການສອນ ແລະ ການວັດປະເມີນຜົນຜູ້ຮຽນໃຫ້ສອດຄ່ອງກັບສະພາບວິຖີການດໍາລົງຊີວິດແບບໃໝ່, ເພີ່ມທະວີຄວາມຮັບຜິດຊອບຕໍໍ່ໜ້າທີ່ວຽກງານຂອງຕົນ ໃຫ້ສົມກັບເປັນແມ່ພິມທີ່ດີຂອງຊາດ ມີຄວາມ ສັດຊື່ບໍລິສຸດ ແລະ ມີຈັນຍາບັນ, ຝຶກຝົນ ແລະ ພັດທະນາຕົນເອງທາງດ້ານວິຊາສະເພາະ ແລະ ເຕັກນິກວິທີການສອນ ໃຫ້ທັນກັບສະພາບການ ປ່ຽນແປງທາງດ້ານເຕັກໂນໂລຊີສະໄໝໃໝ່ ເພື່ອສົົ່ງຄວາມຮູ້ໃຫ້ແກ່ນັກຮຽນ ນັກສຶກສາໃຫ້ມີປະສິດທິຜົນສູງຂຶ້ນ, ພໍໍ່ແມ່ຜູ້ປົກຄອງນັກຮຽນ ຈົົ່ງພ້ອມກັນຊຸກຍູ້ສົົ່ງເສີມໃຫ້ລູກຫຼານທີີ່ຢູ່ໃນເກນອາຍຸໄດ້ເຂົ້າເຖິງການສຶກສາຕາມໄວອາຍຸ, ການຮຽນພາບໃນໂຮງຮຽນ ແລະ ນອກໂຮງຮຽນ ໃຫ້ລູກຫຼານເຫັນຄວາມສໍາຄັນຂອງການສຶກສາ.
