ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ແຂວງຊຽງຂວາງ ພ້ອມຕ້ອນຮັບນັກທ່ອງທ່ຽວທັງພາຍໃນ ແລະຕ່າງປະເທດໃນໂອກາດປີທ່ອງທ່ຽວ ລາວ 2024 ໂດຍມີຫລາຍກິດຈະກຳທັງໃນລະດັບແຂວງ ແລະເມືອງ ຜັດປ່ຽນກັນຈັດຕາມວາລະທີ່ໄດ້ກຳນົດໄວ້ໃນປະຕິທິນທ່ອງທ່ຽວຂອງແຂວງ.
ທ່ານ ຄອນສະໜຸດ ບຸນແພງພັນ ຫົວໜ້າພະແນກ ຖະແຫລງຂ່າວ, ວັດທະນະທຳ ແລະທ່ອງທ່ຽວແຂວງຊຽງຂວາງ ໃຫ້ສໍາພາດວ່າ: ປີທ່ອງທ່ຽວລາວ 2024 ຢູ່ແຂວງຊວງຂວາງໄດ້ກຳນົດເອົາ 11 ກິດ ຈະກຳ ເພື່ອດຶງດູດນັກທ່ອງທ່ຽວໃຫ້ເຂົ້າໄປທ່ຽວຊຽງຂວາງຫລາຍຂື້ນ ໃນນັ້ນລະດັບຊາດມີ 1 ກິດຈະ ກຳຄື: ງານເທດສະການບຸນເຂົ້າໄກ່ນອ້ຍ ຂັ້ນແຂວງ 3 ກິດຈະກຳຄື: ບຸນປີໃໝ່ລາວ, ບຸນກິນຈຽງຂອງເຜົ່າມົ້ງ ແລະງານໂສກນາກຕະກຳຖໍ້າປິວເມືອງຄໍາ, ສ່ວນຂັ້ນເມືອງມີ 7 ກິດຈະກຳ ເປັນຕົ້ນເທດສະ ການດອກຄາຍບານເມືອງໜອງແຮດ, ການປະກວດງົວງາມເມືອງໝອກ, ບຸນພະທາດແປດຫລ່ຽມມິ່ງຂວັນເມືອງພວນເມືອງຄູນ, ບຸນແຂ່ງມ້າເມືອງຜາໄຊ, ງານສະເຫລີມສະຫລອງໄຫຫີນເຂົ້າເປັນມໍລະດົກໂລກ ແລະອື່ນໆ ໂດຍຈະໄດ້ຜັດປ່ຽນກັນຈັດຢູ່ແຕ່ລະເມືອງ ຕາມວາລະທີ່ໄດ້ກຳນົດໄວ້ໃນປະຕິທິນທ່ອງທ່ຽວຂອງແຂວງ.
ທ່ານ ຄອນສະໜຸດ ບຸນແພງພັນ ໃຫ້ຮູ້ຕື່ມວ່າ: ສໍາລັບແຂວງຊຽງຂວາງໄດ້ເປີດປີທ່ອງທ່ຽວລາວ 2024 ຢ່າງເປັນທາງການໃນວັນທີ 26 ມັງກອນຜ່ານມາ ແລະ ມີຄວາມພ້ອມຮອບດ້ານເພື່ອຮອງຮັບນັກທ່ອງທ່ຽວ ເປັນຕົ້ນໂຮງແຮມ, ເຮືອນພັກ, ຮ້ານອາຫານ ແລະສະຖານທີ່ທ່ອງທ່ຽວທີ່ເປີດໃຫ້ບໍລິ ການ ຈໍານວນ 42 ແຫ່ງ ໃນນີ້ມີສະຖານທີ່ທ່ອງທ່ຽວທາງດ້ານທໍາມະຊາດ 10 ແຫ່ງ, ວັດທະນະທຳ 20 ແຫ່ງ ແລະສະຖານທີ່ທ່ອງທ່ຽວທາງດ້ານປະຫວັດສາດ 12 ແຫ່ງ ນອກຈາກນີ້ຊຽງຂວາງຍັງມີອາກາດທີ່ຊຸ່ມເຢັນເໝາະແກ່ການທ່ອງທ່ຽວຕະຫລອດ. ສະເພາະປີ 2023 ຜ່ານມາ ແຂວງຊຽງຂວາງ ຕ້ອນຮັບນັກທ່ອງທ່ຽວທັງໝົດ 130.000 ຄົນ ທຽບໃສ່ປີ 2022 ມີປະມານ 80.000 ກວ່າຄົນ ເພີ່ມຂື້ນເກືອບຮ້ອຍສ່ວນຮ້ອຍ.
May be an image of Stone Henge
May be an image of stone-fruit tree and flower
May be an image of 6 people, speaker and crowd
May be an image of twilight, cloud, mountain and fog
May be an image of temple
May be an image of body of water
May be an image of fog and twilight
No photo description available.
May be an image of grass and tree
May be an image of 2 people and tree
May be an image of castle and the Aqueduct of Segovia
May be an image of 2 people and stone-fruit tree