ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງບໍລິຄຳໄຊ ຮັບຮອງຄອບຄົວສາມັກຄີປອງດອງ ໄດ້ແລ້ວ 44.000 ກວ່າຄອບຄົວ

ໃນໂອກາດເຂົ້າຮ່ວມກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 5 ສະໄໝທີ X ທີ່ນະຄອນຫລວງວຽງຈັນ ໃນວັນທີ 11 ສິງຫາ 2020, ທ່ານ ວັນວິໄລ ແດນພູຫລວງ ປະທານແນວລາວສ້າງຊາດ ແຂວງບໍລິຄຳໄຊ ໄດ້ໃຫ້ສຳພາດວ່າ: ມາຮອດປັດຈຸບັນ ແຂວງບໍລິຄໍາໄຊ ສາມາດປະກາດ ແລະ ຮັບຮອງຄອບຄົວສາມັກຄີປອງດອງ ໄດ້ແລ້ວ 44.000 ກວ່າຄອບຄົວ, ຮັບ ຮອງເອົາບ້ານສາມັກຄີປອງດອງໄດ້ 244 ບ້ານ ແລະ ປະ ກາດຮັບຮອງເມືອງສາມັກຄີປອງດອງໄດ້ 1 ເມືອງ ຄື: ເມືອງທ່າພະບາດ ເຊີ່ງເປັນເມືອງທີ 2 ຂອງປະເທດ. ຕະ ຫລອດໄລຍະຜ່ານມາ, ແນວລາວສ້າງຊາດ ແຂວງບໍລິຄຳໄຊ ໄດ້ເອົາໃຈໃສ່ໃນການສຶກສາອົບຮົມ, ການເຕົ້າໂຮມຄວາມສາມັກຄີພາຍໃນບັນດາເຜົ່າ, ຊັ້ນຄົນຕ່າງໆ ເປັນຢ່າງດີ ເຮັດໃຫ້ສະພາບ ການດຳລົງຊີວິດຂອງພໍ່ແມ່ປະຊາຊົນ ມີຄວາມອຸ່ນອ່ຽງທຸ່ນທ່ຽງ ແລະ ມີຄວາມເຂົ້າໃຈຕໍ່ລະບຽບກົດໝາຍຂອງບ້ານເມືອງສູງຂຶ້ນ.
ປະທານແນວລາວສ້າງຊາດ ແຂວງບໍລິຄຳໄຊ ໃຫ້ຮູ້ຕື່ມວ່າ: ໃນທ້າຍປີ 2020 ແຂວງບໍລິຄໍາໄຊ ຈະສູ້ເຮັດໃຫ້ສາ ມາດປະກາດຄອບຄົວ, ບ້ານ ແລະ ເມືອງສາມັກຄີປອງ ດອງໃຫ້ໄດ້ຕາມແຜນການທີ່ວາງໄວ້, ໃນນີ້ ສະເພາະເມືອງສາມັກຄີປອງດອງ ຈະສູ້ຊົນໃຫ້ໄດ້ຮັບຮອງອີກ 2 ເມືອງ ຄື: ເມືອງປາກຊັນ ແລະ ເມືອງປາກກະດິງ.

ໂດຍ: ບຸນຕຽງ ຈັນທະວົງ