ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງບໍ່ແກ້ວ ຈູດທຳລາຍຢາເສບຕິດຂະໜາດໃຫຍ່

ເນື່ອງໃນໂອກາດ ສະເຫຼີມສະຫຼອງວັນແຫ່ງຊາດຕ້ານຢາເສບຕິດ ຄົບຮອບ 19 ປີ (12 ຕຸລາ 2001-12 ຕຸລາ 2020) ກອງບັນຊາການ ປກສ ແຂວງບໍ່ແກ້ວ ພະແນກສະກັດກັ້ນ ແລະຕ້ານຢາເສບຕິດ ພ້ອມດ້ວຍພາກສ່ວນທີ່ກ່ຽວຂ້ອງ ໄດ້ຈັດພິທີທໍາລາຍຢາເສບຕິດຢູ່ເດີນສະໜາມບິນແຂວງ ໃນຕອນເຊົ້າຂອງ ວັນທີ 12 ຕຸລາ 2020 ໂດຍການເຂົ້າຮ່ວມຂອງທ່ານ ຈອມສີ ລັດຕະນະປັນ ຮອງເລຂາພັກແຂວງບໍ່ແກ້ວ.

ພັອ ອິນສົມ ທໍາລະສິນ ເລຂາຄະນະພັກ ຫົວໜ້າກອງບັນຊາການ ປກສ ແຂວງ, ຄະນະກໍາມະການກວດກາ, ຄຸ້ມຄອງ ແລະ ທໍາລາຍຢາເສບຕິດແຂວງ ບໍ່ແກ້ວ ໃຫ້ຮູ້ວ່າ: ໃນໄລຍະ 01 ປີຜ່ານມາ ແຂວງບໍ່ແກ້ວ ສາມາດມ້າງຄະດີຢາເສບຕິດໄດ້ຈຳນວນ: 165 ເລື່ອງ; ກັກຜູ້ຕ້ອງຫາຈໍານວນ: 235 ຄົນ, ຍີງ: 32 ຄົນ, ຕ່າງປະເທດ 38 ຄົນ ແລະ ຍືດເຄື່ອງຂອງກາງໄດ້ຢາບ້າຈໍານວນ: 1.242.042 ເມັດ. ເຮໂລອິນຈໍານວນ: 82 ແທ່ງ. ຢາໄອສ໌ຈໍານວນ: 622 ຫໍ່. ຢາຝິ່ນຈໍານວນ: 2 kg. ສານເຄມີ ຈໍານວນ: 30 ໂຕນ. ປະເພດແປ້ງຝຸ່ນຕ່າງໆ ຈໍານວນ: 07 ຖົງ. ລົດໃຫຍ່ ຈໍານວນ: 14 ຄັນ,ຝຸ່ນແປ້ງສີຂາວ ຈໍານວນ 400 ເປົ່າ, ໜັກ: 10 ໂຕນ, ລົດຈັກ 46 ຄັນ. ໄດ້ລົງທໍາລາຍໄຮຝົນຈຳນວນ: 32 ເຮັກຕາ.

ສໍາລັບຢາເສບຕິດທີ່ນໍາມາຈູດທໍາລາຍໃນຄັ້ງນີ້ ປະກອບມີ: ຢາບ້າຈໍານວນ: 6.579.131 ເມັດ, ເຮໂລອິນຈໍານວນ: 260 ແທ່ງ ແລະ 12 ຖົງນ້ອຍ, ຢາໄອສ໌ 362 ຫໍ່ ແລະ 25 ຫຼອດນ້ອຍ, ເຄຕາມິນຈໍານວນ: 11 ຖົງນ້ອຍ, ຢາເສບຕິດທີ່ບໍ່ມີເຈົ້າກໍາປະກອບມີ: ຢາບ້າຈໍານວນ 4.982.845 ເມັດ, ຢາໄອສ໌ຈໍານວນ: 643 ຫໍ່ ແລະ 01 ຖົງນ້ອຍ, ເຮໂລອີນຈໍານວນ: 04 ແທ່ງ, ຝຸ່ນແປ້ງສີຂາວ ຈໍານວນ 400 ເປົ່າ, ໜັກ: 10 ໂຕນ. ລວມທັງໝົດ: ຢາບ້າ ຈໍານວນ: 11.561.975 ເມັດ, ເຮໂລອິນ 264 ແທ່ງ, ຢາໄອສ 1.005 ຫໍ່ ແລະເຄຕາມີນ 11 ຖົງນ້ອຍ.

Cr: ນາຊູ ປກສ ແຂວງບໍ່ແກ້ວ