ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງຜົ້ງສາລີສຸມໃສ່ຈັດຕັ້ງປະຕິບັດ 6 ບູລິມະສິດສຳຄັນເພື່ອແກ້ໄຂຄວາມທຸກຍາກໃຫ້ປະຊາຊົນແນໃສ່ເຮັດໃຫ້ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 8 ນັບແຕ່ 2016 ຫາ 2020 ບັນລຸຜົນ ສຳເລັດຕາມລະດັບຄາດໝາຍ.

ໃນໂອກາດເຂົ້າຮ່ວມກອງປະຊຸມລັດຖະບານເປີດກ້ວາງ ຄັ້ງທີ 2 ປີ 2019 ຈັດຂື້ນລະຫວ່າງວັນທີ 19ຫາ 20 ທັນວານີ້, ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ ທ່ານ ຄຳຜອຍ ວັນນະສານ, ເຈົ້າແຂວງໆຜົ້ງສາລີ ໃຫ້ສຳພາດວ່າ: ບູລິມະສິດສຳຄັນເພື່ອແກ້ໄຂຄວາມທຸກຍາກຂອງປະຊາຊົນພາຍໃນແຂວງແມ່ນຫັນສູ່ການຜະລິດກະສິກຳເນີນສູງ ໂດຍ​ ສະເພາະການປູກ, ການລ້ຽງເນັ້ນໜັກໃສ່ບັນດາໂຄງການຜະລິດເປັນສິນຄ້າສ້າງລາຍຮັບໃຫ້ປະຊາຊົນ ເປັນຕົ້ນການປູກຊາເພື່ອຂະຫຍາຍຕະຫລາດອອກສູ່ຕ່າງປະເທດເຊັ່ນ: ຈີນ ແລະເຢຍລະມັນ, ການປູກຢາງພາລາ, ໝາກແໜ່ງ, ກາເຟ, ກ້ວຍ ແລະອ້ອຍ ບັນລຸຫລາຍກວ່າ 3.000 ຫາ 4.000 ເຮັກຕາ ສ້າງລາຍຮັບໃຫ້ປະຊາຊົນໄດ້ 30 ຫາ 35 ຕື້ຕໍ່ປີ, ນອກຈາກນີ້ຍັງເນັ້ນໃສ່ການບໍລິການເຮືອນພັກໂຮມແຮມ, ການທ່ອງທ່ຽວ ລວມເຖິງຫັນສູ່ການຄ້າຊາຍແດນທີ່ແຂວງມີທ່າແຮງ.

ເຈົ້າແຂວງຜົ້ງສາລີ ໃຫ້ຮູ້ຕື່ມວ່າ: ເຖິງວ່າຈະມີທ່າແຮງສຳຄັນຫລາຍດ້ານ ແຕ່ຜົ້ງສາລີຍັງມີສີ່ງທ້າທາຍ ແລະ ຂໍ້ຫຍຸ້ງຍາກທີ່ກົດໜ່ວງເຮັດໃຫ້ການພັດທະນາແຂວງບໍ່ຕໍ່ເນື່ອງເທົ່າທີ່ຄວນ ເປັນຕົ້ນທີ່ຕັ້ງພູມສັນ ຖານເປັນເຂດພູດອຍ, ຄ້ອຍຊັນເຫວເລິກ ເປັນອຸປະສັກຕໍ່ການພັດທະນາພື້ນຖານໂຄງລ່າງເຮັດໃຫ້ຈຳ ນວນບ້ານທຸກຍາກກວມຫລາຍກວ່າ 70 ສ່ວນຮ້ອຍ, ຄອບຄົວທຸກຍາກກວມເອົາ 60 ສ່ວນຮ້ອຍໃນທົ່ວແຂວງ ນອກຈາກນີ້ທືນຮອນໃນການພັດທະນາມີຈຳກັດ ຊື່ງທັງໝົດເຫລົ່ານີ້ຍັງຮຽກຮ້ອງໃຫ້ອົງ ການປົກຄອງແຂວງທຸກຂັ້ນຕ້ອງສືບຕໍ່ປັບປຸງແກ້ໄຂ ເພື່ອສູ້ຊົນໃຫ້ປະຊາຊົນພາຍແຂວງຫລຸດພົ້ນອອກຈາກຄວາມທຸກຍາກເທື່ອລະກ້າວ.

ຂ່າວ,​ພາບ: ຈັນທະສອນ ສີຫານາດ