ເມື່ອບໍ່ດົນມານີ້, ແນວພັນຜັກກາດນໍ້າມັນ “ຢຸນໂຢຈາ 15” ຊື່ງເລືອກເພາະປູກໂດຍສູນຄົ້ນຄວ້າພືດເສດຖະກິດຂອງສະຖາບັນວິທະຍາສາດກະສິກໍາແຂວງຢຸນນານ ໄດ້ຖືກຈັດເຂົ້າໃນບັນຊີລາຍຊື່ແນວພັນຫຼັກ ແລະ ເຕັກໂນໂລຊີສົ່ງເສີມຫຼັກ ໃນການຜະລິດ ນໍ້າມັນພືດ ແລະ ທັນຍາຫານປີ 2022 ຂອງ ກະຊວງກະສິກໍາ ແລະ ຊົນນະບົດ ສປ ຈີນ.
ໄລຍະ ສະເລ່ຍໃນການປູກຜັກກາດນໍ້າມັນ “ຢຸນໂຢຈາ 15” ແມ່ນ 174,9 ວັນ, ມັນເປັນແນວພັນປະສົມຂອງຜັກກາດນໍ້າມັນທີ່ມີໄລຍະການປູກສັ້ນທີ່ສຸດທີ່ ເພາະປູກຢູ່ແຂວງຢຸນນານ. ອັດຕາມີນໍ້າມັນຂອງແນວພັນນີ້ໄດ້ບັນລຸເຖິງ 45,53%, ຜົນຜະລິດສະເລ່ຍຕໍ່ມູ່(ມູ່ເປັນຫົວໜ່ວຍເນື້ອທີ່ຂອງຈີນ, 1 ເຮັກຕາ = 15 ມູ່ )ແມ່ນ 239,68 ກິໂລ, ມີຈຸດພິເສດຄື: ຜົນຜະລິດສູງ ແລະ ອັດຕາມີນໍ້າມັນສູງ, ພ້ອມດຽວກັນນັ້ນ, ມັນຍັງສາມາດທົນທານຕໍ່ອາກາດແຫ້ງແລ້ງ ແລະ ດິນຈືດໄດ້, ມີຜົນຜະລິດສູງ ແລະ ໝັ້ນຄົງ, ເໝາະສຳລັບປູກຢູ່ທ້ອງຖິ່ນຕ່າງໆໄດ້ຢ່າງກວ້າງຂວາງ, ສາມາດປູກຕາມໄຮ່ທີ່ມີເນື້ອທີ່ກວ້າງຂວາງຢູ່ດິນຂີ້ຊາຍ ແລະ ເຂດກາສະເຕີໄດ້. (ໜັງສືພິມລາຍວັນຢຸນນານ)
