ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສະຖາປະນາ ສປປ ລາວ ຄົບຮອບ 45 ປີ
( 02 ທັນວາ 1975 – 2020 ) ຢ່າງສຸດໃຈ

ແຂວງວຽງຈັນ ກໍານົດເອົາຕົ້ນໄມ້ແຕ້ ຢູ່ບ້ານນາທົ່ວ ເມືອງເຟືອງ ເປັນສະຖານທີ່ຈາລືກຄວາມແຄ້ນ ຂອງນັກປະຕິວັດ

ແຂວງວຽງຈັນ ພວມກະກຽມ ຈັດໂຮມຊຸມນຸມສະເຫລີມສະຫລອງ ຜົນສໍາເລັດຂອງກອງປະຊຸມໃຫ່ຍຜູ້ແທນອົງຄະນະພັກແຂວງ ຄັ້ງທີ vi ຕິດພັນກັບມູນເຊື້ອວັນຊາດທີ 2 ທັນວາ , ວັນເກີດຂອງປະທານໄກສອນ ພົມວິຫານ ເພື່ອເຜີຍແຜ່ ໃຫ້ການນໍາຫລັກແຫ່ລງ, ຕະຫລອດຮອດ ນັກທຸລະກິດ ແລະປະຊາຊົນບັນດາເຜົ່າ ພາຍໃນແຂວງຮັບຮູ້ ,ເຂົ້າໃຈ ໂດຍຈະນໍາເອົາເນື້ອໃນຂອງກອງປະຊຸມ ແລະປະຫວັດສາດຂອງຊາດສ້າງເປັນຄໍາຖາມ, ຄໍາຕອບ ລົງສູ່ແຕ່ລະເມືອງ, ກຸ່ມບ້ານ, ບ້ານຈຸດສຸມ ພາຍໃນແຂວງໃຫ້ເປັນຂະບວນກວ້າງຂວາງ.
ທ່ານຄໍາພັນ ສິດທິດໍາພາ ເຈົ້າແຂວງໆວຽງຈັນ ໃຫ້ສໍາພາດວ່າ:ໂອກາດສະເຫລີມສະຫລອງວັນຊາດ ທີ 2 ທັນວາ ຄົບຮອບ 45ປີ ແລະວັນເກີດຂອງປະທານໄກສອນ ພົມວິຫານ ຄົບຮອບ 100ປີ ແຂວງວຽງຈັນ ຈະຈັດຫລາຍກິດຈະກໍາ ເປັນຕົ້ນ: ປະຖາກະຖາ ເລົ່າຄືນມູນເຊື້ອຊີວິດການເຄື່ອນໄຫວປະຕິວັດປະທານໄກສອນ ພົມວິຫານ, ແລະຈັດພິທີຮັບສະມາຊິກອານຸຊົນ, ເຍົາວະຊົນ ຢູ່ຕໍ່ໜ້າອານຸສອນສະຖານໄກສອນ ພົມວິຫານ ຢູ່ແຂວງ ແລະທຸກໆເມືອງ, ເພາະແຂວງວຽງຈັນມີເມືອງວິລະຊົນ ຄື ເມືອງແມດ ແລະຕາແສງວິລະຊົນ ແມ່ນຢູ່ເມືອງເຟືອງ.
ສະເພາະຢູ່ເມືອງເຟືອງ ມີຕົ້ນໄມ້ແຕ້ຕົ້ນໜຶ່ງ ໂດຍຕັ້ງຊື່ວ່າ ຕົ້ນຈາລຶກຄວາມແຄ້ນ ຢູ່ບ້ານນາທົ່ວ ໂດຍກໍານົດຈັດກິດຈະກໍາຢູ່ສະຖານທີ່ແຫ່ງນັ້ນ ຍ້ອນວ່າໃນສະໄໝຕໍ່ສູ້ກູ້ຊາດ ລູກຫລານຊາວເມືອງເຟືອງຜູ້ພິລະອາດຫານ ໄດ້ເຂົ້າຮ່ວມຂະບວນການປະຕິວັດ ຕໍ່ສູ້ກັບຈັກກະພັດຜູ້ຮຸກຮານ ໃນນີ້ມີນັກຮົບປະຕິວັດຖືກ ພວກເຂົາຈັບກຸມ ເອົາມາຂ້າຖິ້ມດ້ວຍການແຂວນຄໍ ຢູ່ຕົ້ນແຕ້ຕົ້ນນີ້ເຖິງ 17 ສະຫາຍ, ເຊິ່ງປະຈຸບັນອົງການປົກຄອງເມືອງເຟືອງ ແຂວງວຽງຈັນ ພວມປັບປຸງສະຖານທີ່ແຫ່ງນີ້ ໃຫ້ເປັນຫໍມູນເຊື້ອ ໂດຍເອົາວັດຖຸສິນເສິກຂອງສັດຕູທີ່ໃຊ້ເຂັ່ນຂ້ານັກຮົບປະຕິວັດ, ຮູບພາບ ແລະລາຍຊື່ນັກຮົບທີ່ເສຍສະຫລະຊີວິດຢູ່ແຫ່ງນັ້ນ ມາວາງສະແດງໃຫ້ມວນຊົນ ໄດ້ເຂົ້າຊົມ ແລະຮຽນຮູ້ປະຫວັດສາດແຫ່ງການຕໍ່ສູ້ຂອງຊາວເມືອງເຟືອງ, ນອກຈາກນັ້ນ ຍັງປັບປຸງນໍ້າສ້າງແຫ່ງໜຶ່ງ ຢູ່ມືອງທຸລະຄົມ ທີ່ພວກລ່າເມືອງຂຶ້ນແບບເກົ່າ ໄດ້ຈັບເອົານັກຄອມມຸນິດ ຫລືອາສາສະໝັກຊ່ຽວຊານຫວຽດນາມຖິ້ມລົງນໍ້າສ້າງແຫ່ງນັ້ນ.
ພ້ອມກັນນັ້ນ ກໍພວມປະດິດແຕ່ງເພັງຮ້ອງ , ຂັບລໍາ, ບົດຟ້ອນ, ບົດສະແດງຈໍານວນໜຶ່ງເພື່ອຮ່ວມສ້າງ ບັນຍາກາດໃຫ້ມີຄວາມເບີກບານມ່ວນຊື່ນ, ນອກນັ້ນຍັງມີຂະບວນແຂ່ງຂັນກິລາ ບານເຕະ, ເປຕັງ, ດອກປີກໄກ່ ຊິງຂັນທ່ານເຈົ້າແຂວງ, ຂະບວນຂີ່ລົດຖີບເພື່ອຫລຸດຜ່ອນອຸປະຕິເຫດ, ຫລຸດຜ່ອນຜົນກະທົບສິ່ງແວດລ້ອມ

 
ໂດຍ: ເຂີຍຫລ້າ