ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ແຂວງວຽງຈັນ ຈູດທຳລາຍຢາເສບຕິດຈຳນວນຫລາຍ
ແຂວງວຽງຈັນ ຈັດພິທີຈູດທໍາລາຍຢາເສບຕິດໃນວັນທີ 5 ກໍລະກົດ 2024 ຢູ່ທີ່ຫ້ອງວ່າການແຂວງວຽງຈັນ ໂດຍການເຂົ້າຮ່ວມຂອງ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ.
ທ່ານ ພັອ ຄຳຟອງ ວົງດາລາແສນ ຮອງ ຫົວຫນ້າກອງບັນຊາ ການ ປກສ ແຂວງວຽງຈັນ ໄດ້ຂຶ້ນລາຍງານຜົນການຈັດຕັ້ງປະຕິບັດວຽກງານໃນໄລຍະຜ່ານມາ ວຽກງານສະກັດກັ້ນ ແລະ ຕ້ານຢາເສບຕິດ ໃນ 06 ເດືອນທ້າຍປີ 20223 ຫາ 06 ເດືອນ ຕົ້ນປີ 2024 ສາມາດແກ້ໄຂຄະດີໄດ້ທັງໝົດ 482ເລື່ອງ, ມີຜູ້ຖືກຫາທັງໝົດ 780 ຄົນຍິງ 70 ຄົນ ແລະ ສາມາດຍຶດຂອງກາງປະເພດຕ່າງໆ ໄດ້ຄື: ຢາບ້າ 3.005,895 ເມັດ,ຢາໄອສ໌ 5,6 kg,ຄັນຊາອັດແທ່ງ 27 g, ເຮໂຣອິນ 458,71 g, ຢາຝິ່ນ 181,36 g,ໂທລະສັບ 554 ເຄື່ອງ,ເງິນກີບ 297.331.000 ກີບ,ເງິນບາດ 49.490 ບາດ,ເງິນໂດລາ 302 ໂດລາ, ລົດຈັກ 148 ຄັນ,ລົດໃຫຍ່ 02 ຄັນ ແລະ ອື່ນໆ.
ໃນພິທີຄັ້ງນີ້ເຊິ່ງຈັດຂຶ້ນໃນໂອກາສະເຫຼີມສະຫຼອງວັນສາກົນຕ້ານຢາເສບຕິດວັນທີ 26 ມິຖຸນາ 2024 ຄົບຮອບ 37 ປີ. ກອງບັນຊາການ ປກສ ແຂວງສົມທົບກັບພາກສ່ວນກ່ຽວຂ້ອງໄດ້ນໍາເອົາຢາເສບຕິດທີ່ສານຕັດ ສິນ ໃຊ້ໄດ້ຢ່າງເດັດຂາດ ແລະ ຂອງ ກາງທີ່ດຳເນີນສໍາເລັດຢູ່ຂັ້ນກອງບັນຊາການ ປກສ 11 ເມືອງມາທຳລາຍນັບຕັ້ງແຕ່ 06 ເດືອນທ້າຍປີ 2023 ຫາ 06 ເດືອນຕົ້ນປີ 2024 ລວມມືທັງໝົດຄື:ຢາບ້າມີ ຈໍານວນ 215,499 ເມັດ ນໍ້າໜັກ 19.39 kg, ຢາໄອສໍຈໍານວນ 502,10 kg. ຢາອີມີ 33 ເມັດ ນໍ້າໜັກ 12,47 ແລະ ຄໍລາເຈນ 03 ຊອງ ນໍ້າໜັກ 198,81 g. ໃບກະທ້ອມມີ 34.7 ກິໂລກຣາມ (ສະເພາະແຂວງມ້າງ), ຢາດີໄອຈໍານວນ 605 ແກ້ວ ແລະ ຢາສູບໄຟຟ້າ 288 ອັນ (ກອກ).