ແຂວງວຽງຈັນ ສ້າງຂະບວນການຫລາຍດ້ານ ເພື່ອຂໍ່ານັບຮັບຕ້ອນກອງປະຊຸມໃຫ່ຍຜູ້ແທນທົ່ວປະເທດຄັ້ງທີ XI ຂອງພັກທີ່ຈະໄຂຂື້ນໃນມໍ່ໆນີ້ ຢ່າງຟົດຟື້ນ ຕິດພັນກັບການພັດທະນາເສດຖະກິດ-ສັງຄົມຂອງແຂວງ ແລະ ການຮັບ ປະກັນຄວາມສະຫງົບປອດໄພພາຍໃນແຂວງໃຫ້ໄດ້ຮ້ອຍສ່ວນຮ້ອຍ.
ໃນໂອກາດເຂົ້າຮ່ວມກອງປະຊຸມລັດຖະບານ ຊຸດທີ VIII ເປີດກ້ວາງທ້າຍສະໄໝ ຈັດຂື້ນລະຫວ່າງວັນທີ 7-8 ມັງກອນ 2021 ທີ່ຫໍປະຊຸມແຫ່ງຊາດ ນະຄອນຫລວງວຽງ ຈັນ ທ່ານ ດາວເຮືອງ ນັນທະວົງ, ຄະນະປະຈໍາພັກແຂວງຮອງເຈົ້າແຂວງວຽງຈັນ ໃຫ້ສຳພາດວ່າ: ການສ້າງຂະບວນ ການເພື່ອຂໍ່ານັບຮັບຕ້ອນກອງປະຊຸມໃຫ່ຍ ຄັ້ງທີ XI ຂອງພັກ ອົງການປົກຄອງແຂວງວຽງຈັນ ໄດ້ເນັ້ນໃສ່ຂະບວນ ການຈັດຕັ້ງປະຕິບັດໄລຍະຍາວ ເປັນຕົ້ນການຜະລິດກະສິ ກຳເປັນສິນຄ້າ, ການເກັບລາຍຮັບເຂົ້າງົບປະມານແຂວງ, ການແກ້ໄຂປະກົດການຫຍໍ້ ທໍ້ທາງສັງຄົມ, ການປ້ອງກັນພະຍາດໂຄວິດ19 ແລະອື່ນໆ ມາຮອດປະຈຸບັນທົ່ວແຂວງພວມມີບັນຍາ ກາດຟົດຟື້ນໃນທົ່ວສັງຄົມ.
ໃນໂອກາດນີ້ຮອງເຈົ້າແຂວງໆວຽງຈັນ ໃຫ້ຮູ້ຕື່ມວ່າ: ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ XI ຂອງພັກ ເປັນເຫດການໆເມືອງທີ່ມີຄວາມໝາຍສຳຄັນຂອງພັກ ເພື່ອກຳນົດຍຸດທະສາດກໍ່ຄືແນວທາງນະໂຍບາຍຂອງພັກໃນໄລຍະໃໝ່ ລວມທັງການເລືອກຕັ້ງເອົາຄະນະບໍລິຫານງານຂອງພັກຊຸດໃໝ່ ເພື່ອຊີ້ນໍາໆພາປະເທດຊາດໃຫ້ຮັ່ງມີ, ເຂັ້ມແຂງ, ປະຊາຊົນລາວບັນດາເຜົ່າມີຊີວິດການເປັນຢູ່ດີຂື້ນ ຕາງໜ້າໃຫ້ອົງການປົກຄອງແຂວງວຽງຈັນ ອວຍ ພອນໃຫ້ກອງປະຊຸມໃຫ່ຍຜູ້ແທນທົ່ວປະເທດຄັ້ງທີ XI ຂອງພັກ ຈະຈັດຂື້ນໃນມໍ່ໆ ນີ້ ບັນລຸຜົນສຳເລັດຢ່າງຈົບງາມ.
Cr: ຈັນທະສອນ ສີຫານາດ
Loading...