ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ແຂວງວຽງຈັນ

ດານພຣະເມືອງໂພນໂຮງ

ດານພະ ເປັນແຫຼ່ງທ່ອງທ່ຽແຫ່ງໃໝ່ລ່າສຸດຂອງເມືອງໂພນໂຮງ ຄວາມງາມຂອງພະລານຫີນອັນມະຫືມາ ເປັນຕາອັດສະຈັນ ບໍ່ຄິດວ່າຊິມີສະຖານທີ່ແບບນີຢູ່ໃນເມືອງໂພນໂຮງ ນອກນັ້ນຍັງມີຮູບແກະສະລັກພຣະຢູ່ພະລານຫີນອັນເປັນທີ່ມາຂອງຄຳວ່າດານພຣະ ມີຮອຍພຣະພຸດພຣະບາດ ແລະ ຍັງມີຖ້ຳພຣະພຸດທະຮູບອີກ ນີ້ມັນສະຫວັນແຫ່ງໃໝ່ຂອງນັກທ່ອງທ່ຽວທີ່ມັກທຳມະຊາດ ແລະ ມັກການຖ່າຍພາບ ສະຖານທີ່ຕ້ງຢູ່ບ້ານ ຫ້ວຍປຸ່ງ ເມືອງໂພນໂຮງ ແຂວງວຽງຈັນ

u1-696x522 u2

ຕາດຊ້າງ ນ້ຳຕົກຕາດທຳມະຊາດທີ່ສວຍງາມ ຂອງພູເຂົາຄວາຍ

ນ້ຳຕົກຕາດຊ້າງແມ່ນໜຶ່ງ ໃນບັນດາແຫລ່ງທ່ອງທ່ຽວທີ່ມີຊື່ສຽງຂອງເມືອງທຸລະຄົມ ແຂວງວຽງຈັນ, ຕາດຊ້າງຕັ້ງຢູ່ຕີນພູເຂົາຄວາຍ ຫ່າງຈາກທາງເລກ10(ທາງແບ່ງຂົວບ້ານນາແພງ)ເຂົ້າໄປປະ ມານ ກວ່າ4ກິໂລແມັດ; ຖ້າອອກຈາກນະຄອນຫລວງວຽງຈັນໄປຕາມທາງເລກ 10 ຜ່ານຂົວທ່າງ່ອນ ຢູ່ຫລັກກິໂລແມັດທີ 58 ມີທາງແວ່ເຂົ້າເບື້ອງຂວາມື ເປັນທາງປູຢາງຈົນຮອດ ສະຖານທີ່ພັກຜ່ອນ ເລີຍ.
ເສັ້ນທາງກວ່າ 4 ກິໂລແມັດ ເຂົ້າໄປຫານ້ຳຕົກຕາດຈະຜ່ານໝູ່ບ້ານນາຫວ້າ ແລະ ບ້ານໂພນມ່ວງ, ເມື່ອໃກ້ຈະຮອດຕີນພູມີເສັ້ນທາງຜ່ານ ຄູດິນສູງໃຫຍ່ທີ່ເປັນເຂື່ອນຕັນນ້ຳ ໃນເນື້ອທີ່ຫລາຍສິບເຮັກຕາ ເພື່ອເກັບກັກນ້ຳເອົາໄວ້ໃຊ້ເຂົ້າ ໃນຊົນລະປະທານແລະ ກໍເປັນແຫລ່ງທ່ອງທ່ຽວເຊັ່ນດຽວກັນ. ນອກຈາກນີ້ ຍັງມີຕາດຫ້ວຍຫີນລັບ, ຫີນລາຍ ແລະ ຕາດຊາວວາ.

ນ້ຳຕົກຕາດຊ້າງເຖິງມັນຈະຜ່ານມາຫລາຍຮ້ອຍປີແລ້ວກໍຕາມ,ແຕ່ມັນຍັງຮັກສາຄວາມສວຍສົດງົດງາມຂອງທຳມະຊາດ ຢູ່ໃນສະພາບທີ່ບໍ່ມີການປ່ຽນແປງພໍເທົ່າໃດ. ເມື່ອບັນດາທ່ານໄດ້ໄປສຳພັດຕົວຈິງ ຈະມີ ຄວາມຮູ້ສຶກໂລດວ່າ ເຕັມອີ່ມກັບສະພາບແວດລ້ອມທີ່ສວາຍງາມ ແລະ ມີໂງ້ນຫີນເກາະກ່າຍນັ້ນ, ນຳໃສເຢັນໆໄຫລຜ່ານຕະຫລອດ ໃນຊ່ວງລະດູຝົນ, ອ້ອມສອງຝາກຕາດ ຈະເຕັມໄປດ້ວຍຕົ້ນໄມ້ ໃຫຍ່-ນ້ອຍຕັ້ງຢັ້ງຢາຍຢູ່ເປັນແຖວກໍວ່າໄດ້. ເມື່ອທ່ານລອງໄປນັ່ງຫລິ້ນ ຢູ່ໂງ້ນຫີນໃນຍາມບ່າຍ, ແສງແດດຈະສອດສ່ອງມາຕາມຫວ່າງໃບໄມ້ ແລ້ວກະທົບໃສ່ນ້ຳທີ່ເຊາະໂງ້ນຫີນເປັນຟອງສີຂາວ ເຫລື້ອມ ລະຢິບລະຫຍັບ ປະກາຍອອກມາເໝືອນໝູ່ດາວຢູ່ທ້ອງຟ້າ. ນອກຈາກຄວາມສວຍງາມເຫລົ່ານັ້ນແລ້ວ, ອາກາດກໍຍັງເປັນມິດກັບຜູ້ຄົນທີ່ໄປທ່ອງທ່ຽວ, ຍ້ອນວ່າອາກາດສົດຊື່ນເຢັນສະບາຍມີ ລົມພັດຜ່ານເປັນ ຮູດໆ, ເໝາະສຳລັບກັບຜູ້ຄົນທີ່ເຮັດວຽກງານໜັກ ໃນຫ້ອງລ້າຫ້ອງການຢາກໄປພັກຜ່ອນນັ່ງຫລິ້ນ, ກິນເຂົ້າປ່າ, ສູບອາກາດສົດ, ຊົມວິວທິບທັດທຳມະຊາດ ທີ່ຫາບ່ອນອື່ນໃດມາປຽບໄດ້; ເໝືອນດັ່ງ ບົດເພັງ ພູວຽງ ວາດທະລີສັກ ເຄີຍໄດ້ຮ້ອງເອົາໄວ້ວ່າ: ທຳມະຊາດນ້ຳຕົກຕາດຊ້າງ, ຫ້ວຍຫີນລັບ – ລາຍ ຊາວວາ, ພູຜາປ່າໄມ້ທີ່ຂຽວສົດຊື່ນຕະຫລອດປີ.

ວັງວຽງ ເຂດທ່ອງທ່ຽວທຳມະຊາດ ທີ່ດຶງດູດນັກທ່ອງທ່ຽວ ຈຳນວນຫຼວງຫຼາຍ ມາທ່ຽວຊົມພູມ ພາບທຳມະຊາດ ອັນສະ ເໜ່ຫາ ແລະ ພັກຜ່ອນຢ່ອນອາລົມ ກັບສາຍນ້ຳຊອງທີ່ໃສເຢັນ

ຕາດແກ້ງຍຸຍ

%e0%bb%81%e0%ba%81%e0%bb%89%e0%ba%87%e0%ba%8d%e0%ba%b8%e0%ba%8d %e0%bb%81%e0%ba%81%e0%bb%89%e0%ba%87%e0%ba%8d%e0%ba%b8%e0%ba%8d1 %e0%bb%81%e0%ba%81%e0%bb%89%e0%ba%87%e0%ba%8d%e0%ba%b8%e0%ba%8d2 %e0%bb%81%e0%ba%81%e0%bb%89%e0%ba%87%e0%ba%8d%e0%ba%b8%e0%ba%8d3

ວັງວຽງແມ່ນເມືອງທ່ອງທ່ຽວທຳມະຊາດ ອັນດັບໜຶ່ງຂອງລາວ ຕັ້ງຢູ່ທາງເໜືອຂອງແຂວງວຽງຈັນ ຢູ່ວັງວຽງມີແຫຼ່ງທ່ອງທ່ຽວທຳມະຊາດຫຼວງຫຼາຍ ເປັນຕົ້ນແມ່ນຖ້ຳ, ພູ ແລະແມ່ນ້ຳ. ໃນແຕ່ລະປີ ຈະມີແຂກທັງພາຍໃນແລະຕ່າງປະເທດ ໄປທ່ອງທ່ຽວວັງວຽງເປັນຈຳນວນຫຼວງຫຼາຍ ເພາະມີຫຼາຍກິດຈະກຳການທ່ອງທ່ຽວໄດ້ ບໍ່ວ່າຈະເປັນການທ່ຽວຊົມຖ້ຳ, ການປິນພູຊົມວິວ ແລະການລ່ອງເຮືອຄາຍັກ.

ແຕ່ມື້ນີ້ ຢາກພາທ່ານໄປຊົມນ້ຳຕົກຕາດຍຸຍນຳກັນ ຕາດແຫ່ງນີ້ຕັ້ງຢູ່ບ້ານນາດ້ວງ ເມືອງວັງວຽງ ແຂວງວຽງຈັນ ເດິນທາງຈາກຕົວເມືອງໄປບໍ່ໄກປານໃດ ແຕ່ຕ້ອງຜ່ານຫົນທາງດິນແດງ ແລະໄດ້ຍ່າງຜ່ານຫ້ວຍນ້ຳທີ່ແສນເຍືອກເຢັນ, ທຳມະຊາດອຸດົມສວຍງາມ, ມີໂງ່ນຫິນແລະຕົ້ນໄມ້ໃຫຍ່ ໃຫ້ໄດ້ຊົມ, ພືດພັນທີ່່ຫຼວງຫຼາຍ ປະກອບກັບຮູບພາບຂອງນ້ຳຕົກຕາດ ຄວາມອິດເມື່ອຍໃນການເດິນທາງກໍຈາງຫາຍໄປໂດຍບໍ່ຮູ້ເມື່ອຄີງ.

ຄົງຈະເປັນຍ້ອນຕາດຍຸຍ ເປັນນ້ຳຕົກຕາດທີ່ສູງ ຈຶ່ງເຮັດໃຫ້ນ້ຳທີ່ຕົກລົງມານັ້ນ ປິວເປັນລະອອງ ເຊິ່ງປະຊາຊົນທາງເໜືອຂອງລາວ ຈະເອີ້ນລະອອງນ້ຳທີ່ຕົກລົງມານັ້ນ ວ່າຍຸຍ ເຊັ່ນ ຝົນຍຸຍ ຫຼືຝົນຫຍຸຍ ເປັນຕົ້ນ.

ຫ່າງຈາກນະຄອນຫຼວງວຽງຈັນປະມານ 150 ກິໂລແມັດ, ເມືອງວັງວຽງ, ແຂວງວຽງຈັນ ຕັ້ງຢູ່ຂ້າງທາງຫຼວງ    ແຫ່ງຊາດ ຖືກປົກຄຸມໄປດ້ວຍສາຍພູ, ປ່າດົງພົງໄພ ແລະ ລຳນ້ຳຊອງ. ປີ 1990, ວັງວຽງໄດ້ສ້າງເປັນເຂດທ່ອງທ່ຽວທຳມະຊາດ ແລະດຶງດູດນັກທ່ອງທ່ຽວຈຳນວນຫຼວງຫຼາຍມາທັດສະນາຈອນ ແລະທ່ຽວຊົມທັດສະນິຍະພາບ ທຳມະຊາດ ອັນ  ສວຍງາມດັ່ງໃນຝັນ ແລະ ເຕັມໄປດ້ວຍສະເໜ່ໃນນ້ຳໃຈຮັກ ພງແຂກຄົນ ຂອງຊາວບ້ານແຫ່ງນີ້.         

ວັງວຽງ ມີສະຖານທີ່ທ່ອງທ່ຽວຫຼາຍແຫ່ງ ເຊັ່ນ: ພູຫີນປູນ, ຖ້ຳ, ໃນນັ້ນທີ່ໜ້າອອນຊອນທີ່ສຸດແມ່ນຖ້ຳພູຄຳທີ່ມີຫີນຍ້ອຍຮູບຊົງ ຄ້າຍໄກ່ປ່າ, ຄັນຄາກ, ມັງກອນ, ຕາດ ນ້ຳ…ຊຶ່ງເຮັດໃຫ້ນຶກເຖິງນິຍາຍບູຮານແຫ່ງໂລກມະຫັດສະຈັນກໍວ່າໄດ້. ນັກທ່ອງທ່ຽວອາດສາມາດ ເລືອກວິທີພັກຜ່ອນໃນຕູບຕັ້ງຢູ່ເທິງໜ້ານ້ຳ ຫຼື ນອນເທິງທຸ່ນລອຍ ຫຼື ຈະນັ່ງເຮືອຈັກ ຫຼື ພາຍເຮືອກາຢັກລ່ອງໄປຕາມລຳນ້ຳຊອງ ຢ່ອນອາລົມໄປກັບຍ່ານເວຫາ, ທິວທັດ ແລະ  ສະພາບແວດລ້ອມທີ່ສົດໃສ, ເຢັນດີ. ນັກທ່ອງທ່ຽວ ກໍ ອາດຈະເຂົ້າຮ່ວມການຜະເຊີນໄພກັບການເລື່ອນໄປຕາມຮາງລິນ ຫຼື ໂຍນຕົວຂຶ້ນສູ່ເວຫາ ແລ້ວປ່ອຍຕົວລົງ ກະແສນ້ຳທີ່ໃສເຢັນ ໄດ້ກັບກາຍເປັນຈັບອົກຈັບໃຈ ຂອງ   ໄວໜູ່ມ ແລະ ນັກທ່ອງທ່ຽວຕ່າງປະເທດ.  ດ້ວຍກຳລັງຄວາມສາມາດບົ່ມຊ້ອນ ແລະ ທ່າແຮງ ທີ່ມີຢູ່ຂອງພູຜາ,ປ່າໄມ້. ວັງວຽງ ບໍ່ຕ່າງຫຍັງກັບ ສວງສະຫວັນ ຂອງ ເມືອງມະນຸດ

1-1-re_re_re 7d364e6d-af4d-417c-a0cc-ee96d08c8b5c_cx0_cy7_cw0_w987_r1_s_r1 0345_4494 545c5721a1721b915f8b45eb-l images