ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງສະຫວັນນະເຂດໄຂກອງປະຊຸມເປີດກ້ວາງຄົບຄະນະບໍລິຫານງານພັກແຂວງ ຄັ້ງທີ 8 ສະໄໝທີ 8.

ກອງປະຊຸມເປີດກ້ວາງຄົບຄະນະບໍລິຫານງານພັກແຂວງສະຫວັນນະເຂດ ຄັ້ງທີ 8 ສະໄໝທີ VIII ໄດ້ໄຂຂື້ນຕອນ​ເຊົ້າວັນທີ 23 ທັນວາ2019​ ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງ​ ໂດຍການ ເປັນປະທານ ຂອງ​ ທ່ານ ສັນຕິພາບ ພົມວິຫານ,​ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງສະຫວັນນະເຂດ, ມີບັນດາ ສະຫາຍ ຮອງເລຂາພັກແຂວງ, ຄະນະປະຈໍາພັກແຂວງ ກຳມະການພັກແຂວງ, ເລຂາພັກເມືອງຈາກ 14 ເມືອງ 1ນະຄອນ ແລະ ຫົວໜ້າພະແນກການຕ່າງໆອ້ອມຂ້າງແຂວງພ້ອມພາກສ່ວນທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ ທ່ານ ສັນຕິພາບ ພົມວິຫານ ກໍາມະການສູນກາງພັກ, ເລຂາພັກແຂວງ, ເຈົ້າແຂວງສະຫວັນນະເຂດ, ໄດ້ກ່າວເປີດກອງປະຊຸມວ່າ: ກອງປະຊຸມຄັ້ງນີ້ໄດ້ໄຂ ຂຶ້ນທາມກາງບັນຍາກາດທີ່ທົ່ວພັກ, ທົ່ວກອງທັບ ກໍ່ຄືປະ​ຊາຊົນລາວທັງຊາດທີ່ກໍາລັງເອກອ້າງທະນົງໃຈສະເຫຼີມສະຫຼອງວັນຊາດທີ 2 ທັນວາ ຄົບຮອບ 44 ປີ ແລະ ວັນຄ້າຍວັນເກີດ ປະທານໄກສສອນ ພົມວິຫານ ຄົບຮອບ 99 ປີ ພ້ອມດຽວກັນນັ້ນກໍ່ໄດ້ຂຸ້ນຂ້ຽວອອກແຮງແຂ່ງຂັນກັນສ້າງຂະບວນການຈັດຕັ້ງປະຕິບັດປີມ້ວນທ້າຍຂອງການຈັດຕັ້ງມະຕິກອງປະຊຸມໃຫຍ່ຄັ້ງທີ 10 ຂອງພັກກໍ່ຄືການພັດທະນາເສດຖະກິດສັງຄົມຄັ້ງທີ 8 ແລະ ແນ່ໃສ່ຜົນງານການຮັບຕ້ອນ ກອງປະຊຸມໃຫຍ່ 3 ຂັ້ນຂອງພັກຢ່າງເປັນຂະບວນຟົດຟື້ນ, ເຖິງແມ່ນວ່າໃນປີ 2019ນີ້ໄດ້ມີຫຼາຍດ້ານຍັງບໍ່ເອື້ອອໍານວຍທີ່ແຂວງພວກເຮົາໄດ້ຮັບຜົນກະທົບທາງໄພທຳມະຊາດ ທັງແຫຼ້ງ ແລະ ຖ້ວມ ໜັກໜ່ວງ,ລວມທັງພະຍາດລະບາດໄຂ້ເລືອດອອກທີ່ມີອັດຕາສູງພໍສົມຄວນ ແລະ ພະຍາລະບາດ ອະຫິວາໝູອາຟຣິກກາ ເຊິ່ງໄດ້ສົ່ງຜົນກະທົບຕໍ່ການຜະລິດ ແລະ ການດໍາລົງຊີວິດຂອງປະຊາຊົນ,ພື້ນຖານໂຄງລ່າງໄດ້ຮັບຜົນເສຍຫາຍພໍສົມຄວນ ແຕ່ເຖິງຢ່າງໃດກໍ່ຕາມໄລຍະເກືອບ 1 ປີຜ່ານມາ ພາຍໃຕ້ການຊີ້ນໍາໆພາຂອງຄະນະພັກແຂວງ, ຄະນະພັກແຕ່ລະຂັ້ນໄດ້ພ້ອມກັນຈັດຕັ້ງປະຕິບັດ,ຈົນໄດ້ຮັບຜົນສຳເລັດໃນຫຼາຍດ້ານເປັນຕົ້ນແມ່ນສາດມາດຮັກສາໄດ້ຄວາມສະຫງົບ, ຄວາມເປັນລະບຽບຮຽບຮ້ອຍເປັນຢ່າງດີ ແລະ ເຮັດໃຫ້ເສດຖະກິດມີການຂະຍາຍາຕົວຕໍ່ເນື່ອງຖ້າທຽບໃສ່ປີຜ່ານມາ,ນອກນັ້ນກໍ່ໄດ້ເອົາໃຈໃສ່ຍົກສູງຄວາມສາດມາດການນໍາພາຂອງພັກ, ມີການດໍາເນີນຊີວິດການເມືອງປັບປຸງປົວແປງພັກ , ປັບປຸງການຈັດຕັ້ງຕິດພັນກັບການກະກຽມກອງປະຊຸມໃຫຍ່ 3ຂັ້ນຂອງພັກ ເຊິ່ງມາຮອດປະຈຸບັນແມ່ນໄດ້ດໍາເນີນສໍາເລັດ 6 ເມືອງ ແລະ ມີແຜນສືບຕໍ່ຈັດປະຕິບັດໃຫ້ສຳເລັດ ຕາມທີ່ໄດ້ກໍານົດໄວ້.


ຈາກນັ້ນ ທ່ານ ໂພໄຊ ໄຊຍະສອນ ກຳມະການສຳຮອງສູນກາງພັກ ຮອງເລຂາຄະນະບໍລິຫານງານພັກແຂວງ ຮອງເຈົ້າແຂວງສະຫວັນນະເຂດ ກໍ່ໄດ້ຜ່ານບົດລາຍງານການຈັດຕັ້ງປະຕິບັດວຽກງານ ຮອບດ້ານປະຈຳປີ 2019 ແລະ ທິດທາງວຽກງານຈຸດສຸມ ປະຈຳປີ 2020 ເຊິ່ງໄດ້ໃຫ້ຮູ້ວ່າ: ສະພາບການຈັດຕັ້ງແຜນພັດທະນາເສດຖະກິດສັງຄົມຢູ່ແຂວງສະຫວັັນະເຂດເຖີງແມ່ນວ່າຍັງມີຫຼາຍດ້ານຍັງບໍ່ເອື້ອອໍານວຍໂດຍສະເພາະໃນປີ 2019 ຂອງແຂວງພວກເຮົາໄດ້ປະເຊີນກັບຄວາມຫຍຸ້ງຍາກຫຼາຍປະການ,ເປັນຕົ້ນສະພາບຄວາມຫຍຸ້ງຍາກດ້ານເສດຖະກິດການເງິນ, ການຂາດດຸນງົບປະມານ, ພະຍາລະບາດ(ອະຫິວາໝູອາຟຣິກກາ ແລະ ໄຂ້ຍຸງລາຍ), ເກີດໄພພິບັດທາງທຳມະຊາດ ທັງແຫ້ງແລ້ງ ແລະ ນໍ້າຖ້ວມຮ້າຍແຮງ ແລະ ໜັກສຸດຢູ່ໃນ 4 ເມືອງຄື: ເມືອງຈໍາພອນ, ຊົນນະບູລີ, ສອງຄອນແລະ ເມືອງໄຊບູລີ ເຊິ່ງໄດ້ສົ່ງຜົນເສຍຫາຍຢ່າງໜັກໜ່ວງຕໍ່ເນື້ອທີ່ການຜະລິດເຂົ້ານາປີ, ຖະໜົນຫົນທາງ, ຂົວ, ຊົນລະປະທານຖືກຕັດຂາດ ແລະ ເປ້ເພ ,ບ້ານເຮືອນ ແລະ ຊັບສິນຈໍານວນໜຶ່ງຂອງປະຊາຊົນກໍ່ໄດ້ຮັບຜົນເສຍຫາຍ. ຕໍ່ກັບສະພາບການທີ່ກ່າວມານັ້ນມັນໄດ້ສົ່ງຜົນກະທົບທັງທາງກົງແລະທາງອ້ອມຕໍ່ກັບການຈັດຕັ້ງປະຕິບັດແຜນພັດທະນາເສດ​ຖະກິດ-ສັງຄົມປີ 2019ຢ່າງຫຼີກລ້ຽງບໍ່ໄດ້ຕໍ່ສະພາບການຄືດັ່ງກ່າວ ຄະນະພັກ ແລະອໍານາດການປົກຄອງແຕ່ລະຂັ້ນກໍ່ໄດ້ເອົາໃຈໃສ່ຕິດຕາມຢ່າງໃກ້ສິດແລະໄດ້ມີມາດຕະການຢ່າງທັນການໃນການແກ້ໄຂໄພພິບັດສຸກເສີນ ແລະ ຟຶື້ນຟູຫຼັງໄພພິບັດ ເຮັດໃຫ້ບັນດາພື້ນຖານໂຄງລ່າງການຜະລິດ,ການດໍາລົງຊີວິດຂອງປະຊາຊົນກັບມາສູ່ສະພາບປົກກະຕິໂດຍ ການມີສ່ວນຮ່ວມຂອງທຸກພາກສ່ວນ ແລະ ປະຊາຊົນພາຍໃນແຂວງ, ພາຍໃນປະເທດ ແລະ ປະເທດເພື່ອມິດໃກ້ຄຽງ, ຫຼືອົງການຈັດຕັ້ງສາກົນຕ່າງໆ, ໂດຍລວມແລ້ວການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2019ກໍ່ຍັງສືບຕໍ່ຂະຫຍາຍຕົວ ແລະ ມີຄວາມຄືບໜ້າດີ ພໍສົມຄວນ ສະແດງອອກຢູ່ບ່ອນວ່າ: ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ ທົວປວງຊົນຮອບດ້ານ, ສາມາດຮັກສາຄວາມສະຫງົບ, ຄວາມເປັນລະບຽບຮຽບຮ້ອຍຂອງສັງຄົມ ໂດຍພື້ນຖານ ແລະ ມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສ້າງເງື່ອນໄຂອໍານວຍຄວາມສະດວກໃຫ້ແກ່ການພັດທະນາໂດຍໄດ້ປັບປຸງກໍາລັງພົນ, ກໍາລັງປະກອບອາວຸດ ໃຫ້ມີຄວາມເຂັ້ມແຂງ ແລະ ທັນສະໄໝເທື່ອລະກ້າວ. ໄດ້ປະກອບສ່ວນຊ່ວຍ​ເຫຼືອສັງຄົມ ແລະ ປະຊາຊົນບັດາດາເຜົ່າໃນເຫດການສຸກເສີນຕ່າງໆເປັນຕົ້ນໄພທໍາມະຊາດ ນໍ້າຖ້ວມຢູ່ບັນດາເມືອງໃນປີ 2019 ໃນນັ້ນຫັນເອົາກໍາລັງກໍ່ສ້າງຮາກຖານການເມືອງແບບທາງເລິກ ແລະ ທາງກ້ວາງຕາມ 4 ເນື້ອໃນ 4 ຄາດໝາຍສ້າງທ່າ ສະໜາມປ້ອງກັນຊາດ-ປ້ອງກັນຄວາມສະຫງົບ 3 ຂັ້ນຄື ຂັ້ນບ້ານ, ຂັ້ນເມືອງ ແລະ ຂັ້ນແຂວງ ຕິດພັນກັບການພັດທະນາ ສ້າງບ້ານປ້ອງກັນຊາດເຂັ້ມແຂງໄດ້ 73 ບ້ານ , ສ້າງບ້ານປ້ອງກັນຄວາມສະຫງົບດີເພີ່ມ 68 ບ້ານ ຂອງຈໍນວນບ້ານໃນທົ່ວແຂວງ, ສ້າງບ້ານປ້ອມໝັ້ນ ແລະ ກຸ່ມບ້ານສູ້ຮົບຕິດລຽນໄດ້ 4 ກຸ່ມ, ຢູ່ໃນຈຸດຫຼໍ່ແຫຼມຕ່າງໆໃນທົ່ວແຂວງ, ນອກຈາກນັ້ນກໍ່ໄດ້ເອົາໃຈໃສ່ຕໍ່ການແກ້ໄຂບັນຫາຢາເສບຕິດ, ອຸປະຕິດເຫດຕາມທ້ອງຖະໜົນ ແລະ ປະກົດການຫຍໍ້ທໍ້ຕ່າງໆທາງສັງຄົມໄດ້ເປັນຢ່າງດີ ເອົາໃຈໃສ່ຊຸກຍູ້ການສ້າງບ້ານພັດທະນາ, ການສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍຢ່າງຕັ້ງໜ້າ, ສຸມໃສ່ການຊີ້ນໍາວຽກງານຈັດສັນພູມລໍາເນົາ ແລະ ແກ້ໄຂອາຊີບຄົງທີ່ໃຫ້ປະຊາຊົນ ແລະ ຊຸກຍູ້ຕິດຕາມໂຄງການພັດທະນາເຂດຈຸດສຸມຕ່າງໆຂອງແຂວງ,ເມືອງ, ຢ່າງເປັນປົກກະຕິໂດຍສະເພາະແມ່ນສຸມໃສ່ສ້າງໃຫ້ເມືອງ, ແຂວງກາຍເປັນເມືອງພົ້ນທຸກ ໂດຍສະເພາະແມ່ນເມືອງນອງກາຍເປັນເມືອງພົ້ນທຸກໃນປີ 2020.
ກອງປະຊຸມເປີດກ້ວາງຄົບຄະນະບໍລິຫານງານພັກແຂວງຄັ້ງນີ້ແມ່ນຈະດໍາເນີນໄປເປັນເວລາ 3ວັນເລີ່ມແຕ່ວັນທີ 23-25ທັນວາ ຈຶ່ງຈະສໍາເລັດ.