ແຂວງສະຫວັນນະເຂດ ປະຕິບັດວິໄນສະມາຊິກພັກ 69 ສະຫາຍ

ກອງປະຊຸມສະຫຼຸບວຽກງານ ກວດກາທົ່ວແຂວງສະຫວັນນະ ເຂດ ປະຈໍາປີ 2023 ແລະ ວາງທິດທາງແຜນການປີ 2024 ຈັດຂຶ້ນເມື່ອບໍ່ດົນມານີ້ ທີ່ຫ້ອງປະຊຸມຂອງຫ້ອງວ່າການປົກຄອງແຂວງ ໂດຍການເຂົ້າຮ່ວມຂອງ ສະຫາຍ ບຸນໂຈມ ອຸບົນປະເສີດ ກໍາມະການສູນ ກາງພັກ ເລຂາພັກ ແຂວງ ເຈົ້າແຂວງສະຫວັນນະ ເຂດ.

ໃນໂອກາດນີ້, ສະຫາຍ ນາງ ກິນນາລອນ ວົງຄໍາໂສພາ ຮອງປະ ທານກວດກາລັດແຂວງກໍ່ໄດ້ຂຶ້ນ ຜ່ານບົດສະຫຼຸບການຕີລາຄາການ ເຄື່ອນໄຫວວຽກງານກວດກາ ປະຈໍາປີ 2023 ແລະທິດທາງ ແຜນການ ປິີ 2024 ເຊິ່ງໃຫ້ຮູ້ວ່າ: ທົ່ວແຂວງມີສະມາຊິກພັກທັງໝົດ 33.837 ສະຫາຍ, ຍິງ 9.949 ສະຫາຍ, ໃນນີ້ ສະມາ ຊິກພັກສໍາຮອງ 2.076 ສະຫາຍ; ສະມາຊິກພັກທີ່ມີເງື່ອນໄຂສາມາດຈັດແບ່ງປະເພດແຂງມີ 27.085 ສະຫາຍ, ປະເພດກາງ 3.287 ສະຫາຍ, ປະເພດອ່ອນ 44 ສະ ຫາຍ, ບໍ່ໄດ້ຈັດປະເພດມີ 3.417 ສະຫາຍ. ເງິນສະຕິພັກທົ່ວແຂວງ ທີ່ເກັບໄດ້ໃນປີ 2023 ຈໍານວນ 926 ລ້ານກວ່າກີບ, ມອບໃຫ້ຈັດຕັ້ງແຂວງ 117 ລ້ານກວ່າກີບ, ຍັງຄ້າງມອບ 123 ລ້ານກວ່າກີບ.

ສໍາລັບການປະຕິບັດວິໄນພາຍໃນພັກ ໄດ້ປະຕິບັດວິໄນຕໍ່ສະມາ ຊິກພັກລວມທັງໝົດ 69 ສະຫາຍ, ຍິງ 12 ສະຫາຍ, ໃນນີ້ ປະຕິ ບັດຂັ້ນກ່າວເຕືອນ 13 ສະຫາຍ, ຂັ້ນຕິຕຽນ 15 ສະຫາຍ, ໂຈະຮ່ວມຊີວິດພັກ 28 ສະຫາຍ, ລຶບຊື່ອອກຈາກພັກ 17 ສະຫາຍ, ປົດຕໍາແໜ່ງພາຍໃນພັກ 1 ສະຫາຍ. ການປະຕິບັດວິໄນຄະນະ ພັກ-ສະມາຊິກພັກ ນີ້ແມ່ນໄດ້ຈັດຕັ້ງປະ ຕິບັດໂດຍອີງໃສ່ກົດລະ ບຽບຂອງພັກເປັນຕົ້ນຕໍໃນການຄົ້ນຄວ້າ ພິຈາລະນາຕົວຈິງ.

ກອງປະຊຸມ ຍັງໄດ້ປະກອບຄໍາເຫັນໃສ່ການຕິດຕາມ ກວດກາການຈັດຕັ້ງປະຕິບັດ ວຽກງານກວດກາພັກ, ການເກັບສະຖິຕິພັກ ແລະແຈ້ງການຕ່າງໆ ຢູ່ນະຄອນໄກສອນພົມວິຫານ; ແກ້ໄຂປະ ກົດການຫຍໍ້ທໍ້ຕ່າງໆ ກ່ຽວກັບການລັກລອບຄ້າຂາຍບໍ່ຖືກກົດ ໝາຍລຽບຕາມຊາຍແດນຢູ່ເມືອງເຊໂປນ; ລາຍງານການຕິດ ຕາມກວດກາແກ້ໄຂການຄຸ້ມຄອງ ແລະປັບປຸງໂຮງງານປຸງ ແຕ່່ງໄມ້ຢູ່ເມືອງທ່າປາງທອງ; ຕິດຕາມກວດກາຄົ້ນຄວ້າການ ແກ້ໄຂຄໍາຮ້ອງ-ຄໍາສະເໜີຂໍ້ຂັດ ແຍ່ງກ່ຽວກັບທີ່ດິນຢູ່ເມືອງໄຊບູລີແລະອື່ນໆ.

ທີ່ມາ: ສະຫວັນພັດທະນາ ຂ່າວ