ມາຮອດປັດຈຸບັນ, ໃນຈຳນວນ 15 ເມືອງຂອງແຂວງສະຫວັນນະເຂດ ມີ 8 ເມືອງທີ່ພົ້ນທຸກແລ້ວ ຄື: ນະຄອນໄກສອນ ພົມວິຫານ, ວິລະບຸລີ, ອາດສະພັງທອງ, ອຸທຸມພອນ, ໄຊບູລີ, ໄຊພູທອງ, ສອງຄອນ ແລະ ເມືອງຈໍາພອນ. ສ່ວນຄອບຄົວທຸກຍາກຍັງເຫລືອຫລາຍກວ່າ 20% ຂອງຄອບ.
ອີງຕາມບົດລາຍງານຕໍ່ກອງປະຊຸມສະໄຫມສາມັນ ເທື່ອທີ 6 ຂອງສະພາປະຊາ ຊົນແຂວງສະຫວັນນະເຂດ ຊຸດທີ 2 ຈັດຂຶ້ນເມື່ອບໍ່ດົນມານີ້ໃຫ້ຮູ້ວ່າ: ໃນການຈັດຕັ້ງປະຕິບັດຄາດໝາຍດ້ານການພັດທະນາຊົນນະບົດ ແລະ ລຶບລ້າງຄວາມທຸກຍາກຂອງແຂວງສະຫວັນນະເຂດ ແມ່ນສາມາດສ້າງບ້ານພົ້ນທຸກໄດ້ເພີ່ມຈໍານວນ 55 ບ້ານ, ເທົ່າກັບ 51,40% ຂອງແຜນການປີ, ລວມເປັນ 775 ບ້ານ, ເທົ່າກັບ 75% ຂອງຈຳນວນບ້ານທັງໝົດທົ່ວແຂວງ ແລະ ສ້າງຄອບຄົວພົ້ນທຸກ 11.060 ຄອບຄົວ, ເທົ່າກັບ 64,15% ຂອງ ແຜນການປີ; ລວມ ເປັນ 151.660 ຄອບຄົວ ກວມ 87,06% ຂອງຄອບຄົວລວມທົ່ວແຂວງ.
ມາຮອດປັດຈຸບັນແຂວງສະຫວັນນະເຂດ ມີເມືອງພົ້ນທຸກເພີ່ມຂຶ້ນຕື່ມ 2 ເມືອງ ຄື: ເມືອງວິລະບູລີ ແລະ ເມືອງອາດສະພັງທອງ, ລວມທົ່ວແຂວງມີເມືອງພົ້ນທຸກ ຕາມມາດຖານດຳລັດ 348/ລບ ແລ້ວ 8 ເມືອງ, ເທົ່າກັບ 55,33% ຂອງຈໍານວນເມືອງທັງໝົດ.
ສ່ວນຄາດໝາຍສ້າງບ້ານພັດທະນາໃນປີ 2023 ໄດ້ 154 ບ້ານ, ເທົ່າກັບ 67,54% ຂອງແຜນການປີ, ລວມເປັນ 301 ບ້ານ, ກວມ 29,14% ຂອງຈໍານວນບ້ານລວມທັງໝົດທົ່ວແຂວງ ແລະ ສາມາດສ້າງຄອບຄົວພັດທະນາໄດ້ 16.801 ຄອບຄົວ, ເທົ່າກັບ 60,45% ຂອງແຜນການປີ, ລວມເປັນ 122.341 ຄອບຄົວ, ກວມ 70,23% ຂອງ ຄອບຄົວລວມທົ່ວແຂວງ.
Cr: BT, ວສລ
