ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ແຂວງຫລວງນໍ້າທາມີຄວາມພ້ອມແລ້ວໃນການເປັນເຈົ້າພາບຈັດກອງປະຊຸມ 4 ປະເທດ 9 ຝ່າຍ ເຂດຊາຍແດນ ຄັ້ງທີ IX.
ທ່ານ ອ່ອນຈັນ ຄໍາພາວົງ, ຮອງເຈົ້າແຂວງໆຫລວງນໍ້າທາ ທັງເປັນຫົວໜ້າຄະນະຮັບຜິດຊອບກະ ກຽມກອງປະຊຸມ 4 ປະເທດ 9 ຝ່າຍ ເຂດຊາຍແດນ ຄັ້ງທີ IX ໃຫ້ສໍາພາດວ່າ: ຜ່ານການກະກຽມຂອງຄະນະຮັບຜິດຊອບແຕ່ລະອານຸກຳມະການ ມາຮອດປັດຈຸບັນນີ້ແຂວງຫລວງນໍ້າທາມີຄວາມພ້ອມແລ້ວ ໃນການເປັນເຈົ້າພາບຈັດກອງປະຊຸມຄັ້ງສໍານີ້ ເພື່ອທົບທວນຄືນການຈັດຕັ້ງປະຕິບັດບົດບັນທຶກຄວາມເຂົ້າໃຈກອງປະຊຸມຄັ້ງທີ 8 ຊື່ງຈັດຂື້ນໃນປີ 2019 ຜ່ານມາ ທີ່ແຂວງອຸດົມໄຊ ຕີລາຄາຜົນໄດ້ຮັບຈາກການຈັດຕັ້ງປະຕິບັດຕົວຈິງ ເພື່ອຖອດ ຖອນບົດຮຽນດ້ານດີ, ຂໍ້ຄົງຄ້າງກໍ່ຄືສີ່ງທ້າທາຍດ້ານຕ່າງໆ ເພື່ອວາງທິດທາງແຜນການໃນຕໍ່ໜ້າ ນອກຈາກນີ້ຕົວແທນພາກທຸລະກິດຍັງຈະໄດ້ຮ່ວມກັນປຶກ ສາຫາລື ແລະແລກປ່ຽນຄໍາຄິດເຫັນ ເພື່ອສ້າງເງື່ອນໄຂອຳນວຍຄວາມສະດວກດ້ານການຄ້າ, ການລົງ ທືນ ແລະ ການຮ່ວມມືດ້ານການຂົນສົ່ງໂລຈິດສຕິກ, ການຜະລິດກະສິກຳເປັນສິນຄ້າ ແລະ ການທ່ອງ ທ່ຽວຕື່ມອີກ.
ຄາດວ່າພາຍຫລັງກອງປະຊຸມຄັ້ງນີ້ ຈະຊ່ວຍຊຸກຍູ້ການພົວພັນຮ່ວມມື ລະຫວ່າງບັນດາຝ່າຍຂອງ 4ປະເທດມີຄວາມແໜ້ນແຟ້ນຍີ່ງຂື້ນ ເພື່ອນໍາເອົາຜົນປະໂຫຍດຕົວຈິງມາສູ່ປະກອບການກໍ່ຄືປະຊາຊົນ ບັນດາເຜົ່າ ຜ່ານເສັ້ນທາງລົດໄຟລາວ-ຈີນ ຊື່ງເປັນທ່າແຮງຂອງແຂວງຫລວງນໍ້າທາ ກໍ່ຄືປະເທດ ຊື່ງມາຮອດປັດຈຸບັນເຫັນວ່າບັນຍາກາດຂົນສົ່ງສິນຄ້າປະເພດຕ່າງໆ ຜ່ານດ່ານສາກົນບໍ່ເຕ່ນ ແຂວງຫລວງນໍ້າທາມີທ່າອ່ຽງເພີ່ມຂື້ນ.
ກອງປະຊຸມ 4 ປະເທດ 9 ຝ່າຍ ປະກອບມີແຂວງ ຫລວງນໍ້າທາ, ບໍ່ແກ້ວ, ອຸດົມໄຊ ແລະ ແຂວງຫລວງພະບາງຂອງລາວ, ກີ່ງແຂວງສິບສອງປັນນາຂອງຈີນ, ແຂວງຊຽງໃໝ່ ແລະຊຽງລາຍຂອງໄທ, ເມືອງຊຽງຕຸງ ແລະ ຊຽງແສນຂອງມຽນມາ