ໃນໂອກາດວັນອະນຸລັກສັດນໍ້າ-ສັດປ່າແຫ່ງຊາດ ວັນທີ 13 ກໍລະກົດ, ພະແນກກະສິກໍາ ແລະ ປ່າໄມ້ແຂວງຫົວພັນໃຫ້ຮູ້ວ່າ: ເພື່ອເປັນການອະນຸລັກສັດນໍ້າ-ສັດປ່າໃຫ້ມີຄວາມຢືນຢົງແລະອຸດົມສົມບູນໄປດ້ວຍຊັບພະຍາກອນທໍາມະຊາດໂດຍສະເພາະແມ່ນສັດນໍ້າ-ສັດປ່າ ໃຫ້ມີຄວາມຍືນຍົງຕະຫຼອດ, ໃນປີ 2024ນີ້ ແຂວງຫົວພັນຈະສູ້ຊົນປ່ອຍປາຕ່າງໆລົງສູ່ແຫຼ່ງນໍ້າ ໃນ 10 ເມືອງທົ່ວແຂວງໃຫ້ໄດ້ປະມານ 2 ແສນ 70 ພັນກວ່າໂຕ, ໃນນີ້ ເມືອງຊໍາເໜືອຈະປ່ອຍປາໃຫ້ໄດ້ 6 ພັນກວ່າໂຕ, ເມືອງຊໍາໃຕ້ 19ພັນກວ່າໂຕ,ເມືອງແອດ 27 ພັນໂຕ,ວຽງໄຊ 13 ພັນກວ່າໂຕ, ຊຽງຄໍ້ 11 ພັນກວ່າໂຕ, ເມືອງຊ່ອນ 11 ພັນ 5ຮ້ອຍກວ່າໂຕ, ຫົວເມືອງ 15 ພັນໂຕ, ເມືອງສົບເບົາ 1 ແສນ 60 ພັນກວ່າໂຕ, ເມືອງຮ້ຽມ 3 ພັນ 500ກວ່າໂຕ ,ເມືອງກວັນ 3 ພັນ 500 ໂຕ, ປາທີ່ນໍາມາປ່ອຍໃນປີນີ້ ສ່ວນຫຼາຍແມ່ນ ປານີນ, ປາໄນ, ປາກິນຫຍ້າ, ປາແມ ແລະ ປາປາກ, ເພື່ອຈັດຕັ້ງປະຕິບັດໃຫ້ໄດ້ຕາມແຜນການ ພະແນກກະສິກໍາ ແລະ ປ່າໄມ້ແຂວງ ໄດ້ມອບຄວາມຮັບຜິດຊອບໃຫ້ແຕ່ລະເມືອງເປັນຜູ້ຈັດຕັ້ງປະຕິບັດ.
ຂ່າວ: ວັນແສງ
