ງານສັບປະດາແຫ່ງຊາດ ດ້ານຄວາມປອດໄພທາງຫຼວງປະຈຳປີ 2021 ໄດ້ຈັດຂື້ນໃນວັນທີ 9 ເມສາ 2021 ນີ້ທີ່ເດີນທາດຫຼວງ ນະຄອນ ຫຼວງພະບາງ ມີ ທ່ານ ນາງ ສີລິພອນ ສຸພັນທອງ ຮອງເຈົ້າແຂວງຫຼວງພະບາງ, ທ່ານ ບຼຼົ່ງວ່າງ ຫວ່າງເຈ່ຍຊ່າ ຫົວໜ້າພະແນກໂຍທາທິການ ແລະຂົນສົ່ງແຂວງ, ພ້ອມດ້ວຍແຂກຮັບເຊີນຕາງໜ້າຈາກພະແນກການທີກ່ຽວຂ້ອງ ແລະນັກຮຽນຈາກໂຮງຮຽນ ມສ ສັນຕິພາບ ແລະຫົວໜ່ວຍທຸກິດເອກະຊົນເຂົ້າຮ່ວມ.
ປະຈຸບັນອັດຕາການເກີດອຸບັດຕິເຫດໃນທົ່ວໂລກ ໄດ້ເພີ້ມຂື້ນຢ່າງໄວວາ, ໂດຍສະເພາະບັນດາປະເທດທີ່ກຳລັງພັດທະນາ, ເຊິ່ງສ້າງຄວາມເສຍຫາຍທັງຊີວິດ ແລະຊັບສີນຂອງສັງຄົມເປັນຈຳນວນຫຼວງຫຼາຍ, ທົ່ວໂລກມີຜູ້ເສຍຊີວິດຈາກອຸບັດຕິເຫດຫຼາຍກ່ວາ 1 ລ້ານຄົນ, ບາດເຈັບ 20 ລ້ານຄົນ, ມູນຄ່າຄວາມເສຍປະມານ 2,500 ຕື້ ໂດລາສະຫະລັດ ຕໍ່ ປີ, ສະເພາະ ສປປ ລາວ ມີຜູ້ເສຍຊີິວິດຈາກອຸປະຕິເຫດ 1 ພັນ ຄົນ, ບາດເຈັບ 8 ພັນຄົນ, ມູນຄ່າຄວາມເສຍຫາຍ 500 ກວ່າລ້ານ ໂດລາສະຫະລັດຕໍ່ປີ, ສຳລັບແຂວງຫຼວງພະບາງ ນັບແຕ່ປີ 2018-2020 ມີ ຜູ້ເສຍຊີິວິດຈາກອຸບັດຕິເຫດ 224 ຄົນ, ບາດເຈັບຫຼາຍກ່ວາ 1 ພັນຄົນ, ມູນຄ່າຄວາມເສຍຫາຍ 80 ລ້ານ ໂດລາສະຫະລັດ. ໂອກາດກາດນີ້ ທ່ານຮອງເຈົ້າແຂວງຫຼວງພະບາງ, ພ້ອມດ້ວຍຫົວໜ້າພະແນກ-ຂະແໜງການກ່ຽວຂ້ອງ ໄດ້ຮ່ວມກັນຂື້ນຕັດແທບຜ້າ ແລະປ່ອຍປ້າຍພິທີ ຂື້ນສູ່ທອງຟ້າເພື່ອເປັນການເປີດງານຢ່າງເປັນທາງການ. ຈາກນັ້ນ ໄດ້ມີຂະບວນຂັບຂີ່ລົດແບບປອດໄພ ພາຍໃນເທດສະບານນະຄອນ ຫຼວງພະບາງ ແລະຈັດງານຖາມຕອບ ຄວາມຮູ້ກ່ຽວກັບການຂັບຂີ່ ເພື່ອຮັບຂອງຂັວນລາງວັນ ຕື່ມອີກ.
ຂ່າວ: ວັນຄຳ ດວງໃຈ
Loading...