ວັນທີ 4 ມີນາ 2021 ນີ້ ທີ່ສະໂມສອນໃຫຍ່ຂອງຫ້ອງວ່າການແຂວງຫຼວງພະບາງ ໄດ້ຈັດພິທີປາຖະກະຖາວັນແມ່ຍິງສາກົນ ວັນທີ່ 8 ມີນາ ຄົບຮອບ 111 ປີ, ໂດຍເປັນປະທານຂອງ ທ່ານ ວົງສະຫວັນ ເທບພະຈັນ ຮອງເລຂາພັກແຂວງ, ມີການນຳຂອງແຂວງ, ພັນລະຍາການນຳ, ຄະນະບໍລິຫານງານສະຫະພັນແມ່ຍີງແຂວງ ແລະສະມາຊິກແມ່ຍິງແຕ່ລະຮາກຖານເຂົ້າຮ່ວມ. ພິທີ ທ່ານ ວົງສະຫວັນ ເທບພະຈັນ ໄດ້ຍົກໃຫ້ເຫັນປະຫວັດຄວາມເປັນມາ ຂອງວັນແມ່ຍີງສາກົນ ວັນທີ 8 ມີນາ ປີ 1907, ບັນດາອົງການຈັດຕັ້ງ, ສົນທິສັນຍາ, ຖະແຫຼງການ ແລະກອງປະຊຸມ ກ່ຽວກັບແມ່ຍີງ ໃນລະດັບສາກົນ, ພາກພື້ນ ແລະອາຊຽນ, ລວມທັງນະໂຍບາຍ ແລະກົນໄກການສົ່ງເສີມຄວາມກ້າວໜ້າຂອງແມ່ຍີງ ໃນ ສປປ ລາວ ແລະວຽກງານການພົວພັນ-ຮ່ວມມືກັບຕ່າງປະເທດ ໃນປີ 2020 ຜ່ານມາ ທ່ານກ່າວວ່າ: ວັນທີ່ 8 ມີນາ ປີ 1908 ມີແມ່ຍິງ ຈຳນວນ 15.000 ຄົນ ໄດ້ເດີນຂະບວນຢູ່ຕົວເມືອງນີບຢອກ ເພື່ອທວງໃຫ້ນາຍທືນປະຕິບັດນະໂຍບາຍຕແມ່ຍີງ ແລະເດັກນ້ອຍ ພາຍໃຕ້ຄຳຂັວນ ເຂົ້າຈີ່ ແລະດອກກູຫຼາບ ເຂົ້າຈີ່ ໝາຍເຖີງເສດຖະກິດດີຂື້ນ ແລະດອກກູຫຼາບໝາຍເຖີງ ຄຸນນະພາບຊີວິດດີຂື້ນ, ມາເຖີງປີ 1910 ຂະບວນການຕໍ່ສູ້ຂອງແມ່ຍີງ ໄດ້ຂະຫຍາຍຕົວໄປສູ່ປະເທດນາຍທືນ ແລະໃນປີດຽວກັນນີ້ ກອງປະຊຸມກ່ຽວກັບແມ່ຍີງຄັ້ງທຳອິດ ໄດ້ຈັດຂື້ນທີ່ເມືອງໂກເປັນຮາກ ປະເທດດານມາກ, ມີຜູ້ແທນຈາກ 17 ປະເທດເຂົ້າຮ່ວມ 100 ກ່ວາຄົນ ເຊີ່ງໄດ້ຕົກລົງເອົາວັນທີ່ 8 ມີນາ ເປັນວັນແມ່ຍີງສາກົນ.
ໂອກາດນີ້ ຮອງເລຂາພັກແຂວງໄດ້ຮຽກຮ້ອງ ໃຫ້ສະມາຊິກສະຫະພັນແມ່ຍີງ ກໍ່ຄືແມ່ຍີງລາວບັນດາເຜົ່າ ຈົ່ງພ້ອມກັນເສີມຂະຫຍາຍ ມູນເຊື້ອຂອງວັນແມ່ຍີງສາກົນ ເຂົ້າສູ່ຊີວິດຕົວຈີງ ພ້ອມທັງຮັກສາມູູນເຊື້ອອັນດີງາມຂອງແມ່ຍີງລາວບັນດາເຜົ່າ ເຂົ້າໃນການປະຕິບັດໜ້າທີ່ວຽກງານ ແລະການດຳລົງຊີວິດ ເພື່ອໃຫ້ແມ່ຍີງ ໄດ້ມີບົດບາດສູງຂື້ນໃນສັງຄົມ.
Loading...