ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງຫຼວງພະບາງ ພ້ອມແລ້ວທີ່ຈະດຳເນີນກອງປະຊຸມຄັ້ງທີ VIII ຂອງຜູ້ແທນອົງຄະນະພັກແຂວງ

ການກະກຽມດຳເນີນກອງປະຊຸມໃຫຍ່ ຜູ້ແທນອົງຄະ ນະພັກແຂວງຫຼວງພະບາງຄັ້ງທີ່ VIII ມາຮອດປະຈຸບັນແມ່ນມີຄວາມພ້ອມໂດຍພື້ນຖານ ໂດຍໄດ້ສຳເລັດການກະກຽມເນື້ອໃນເອກະສານຂອງກອງປະຊຸມ ແລະດຳເນີນການທາບທາມບຸກຄະລາກອນ ຕາມກົດລະບຽບຂອງພັກ, ໃນນັ້ນ ໄດ້ດຳເນີນການທາບທາມບຸກຄະລາກອນ ຄວບຄູູ່ກັບການທາບທາມ ແລະປະກອບຄຳເຫັນ ຕໍ່ເນື້ອໃນເອກະ ສານແຕ່ລະສະບັບ, ພ້ອມທັງໄດ້ຈັດຂະບວນການຮອບດ້ານ ແຕ່ຂັ້ນຮາກຖານບ້ານ ຂື້ນມາຮອດສຳນັກງານ-ອົງການຂອງເມືອງ-ນະຄອນ ແລະແຂວງ.

ທ່ານ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງໄດ້ໃຫ້ສຳພາດວ່າ: ການກະກຽມດຳເນີນກອງປະຊຸມໃຫຍ່ ຜູ້ແທນອົງຄນະພັກແຂວງຫຼວງພະບາງ ຄັ້ງທີ່ VIII ແມ່ນມີຄວາມພ້ອມແລ້ວທຸກດ້ານ, ມາຮອດປະຈຸບັນ ທຸກອະນຸກຳມະການທີ່ຮັບຜິດຊອບ ໄດ້ສັງລວມຄືນ ບັນດາໜ້າວຽກຂອງຕົນ ຢ່າງຮອບດ້ານ ເພື່ອເຮັດໃຫ້ການດຳເນີນກອງປະຊຸມໃຫຍ່ ຜູ້ແທນອົງຄະນະພັກແຂວງຫຼວງພະບາງ ຄັ້ງທີ່ 8 ບັນລຸຜົນສຳເລັດຕາມລະດັບຄາດໝາຍທີີ່ວາງໄວ້. ເລຂາພັກແຂວງ ເຈົ້າແຂວງຫຼວງພະບາງກ່າວຕື່ມວ່າ: ສຳລັບຜົນສຳເລັດໃນການຈັດຕັ້ງປະຕິບັດມະຕິ ກອງປະຊຸມໃຫຍ່ຄັ້ງທີ່ VII ຂອງອົງຄະນະພັກແຂວງໃນ 5 ປີຜ່ານມາ ແຂວງຫຼວງພະບາງ ຍັງສືບຕໍ່ມີສະຖຽນລະພາບທາງດ້ານການເມືອງ ສັງຄົມມີຄວາມສະຫງົບ ແລະຄວາມເປັນລະບຽບຮຽບຮ້ອຍໂດຍພື້ນຖານ ສ້າງເງື່ອນໄຂອຳນວຍຄວາມສະດວກໃຫ້ແກ່ເສດຖະກິດຂະຫຍາຍຕົວຕໍ່ເນື່ອງ ແລະຖືກທິດ ພື້ນຖານໂໂຄງລ່າງ ແລະວຽກງານແຕ່ລະຂົງເຂດໄດ້ຮັບການພັດທະນາດີຂື້ນ ຊີວິດການເປັນຢູ່ຂອງປະຊາຊົນໄດ້ຮັບການຍົກສູງ ແລະພັດທະນາຫຼາຍກ່ວາເກົ່າ.

ທ່ານ ຄໍາຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ ໄດ້ຮຽກຮ້ອງໃຫ້ທຸກພາກສ່ວນໃນທົ່ວແຂວງ ຈົ່ງພ້ອມກັນປະກອບສ່ວນວຽກງານຮອບດ້ານຢ່າງຕັ້ງໜ້າ ເພື່ອເຮັດໃຫ້ການດຳເນີນກອງປະຊຸມໃຫຍ່ຄັ້ງນີ້ ບັນລຸຜຜົນສຳເລັດຕາມຄາດໝາຍທີ່ວາງໄວ້ທຸກປະການ.

Cr: ອາພຸດເດດ ບຸບຜາ