ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ອົງການປົກຄອງ ແຂວງອັດຕະປື ໄດ້ອະນຸຍາດໃຫ້ບໍລິສັດ ແປ້ງມັນຕົ້ນ ລາວ-ຫວຽດ ຈໍາກັດຜູ້ດຽວ ລົງທຶນສ້າງຕັ້ງໂຮງງານຜະລິດແປ້ງມັນຕົ້ນ ຢູ່ເຂດດິນອຸດສະຫະກຳ ຫລັກ 17 ບ້ານທາດພະໄຊ ເມືອງໄຊເສດຖາ ໃນເນື້ອທີ່ 19 ເຮັກຕາ ເພື່ອຜະລິດແປ້ງມັນຕົ້ນ ສົ່ງຂາຍພາຍໃນ ແລະ ຕ່າງປະເທດ.
ພິທີເຊັນສັນຍາໄດ້ຈັດຂຶ້ນ ໃນວັນທີ 14 ພຶດສະພາ 2024 ທີ່ພະແນກແຜນການ ແລະ ການລົງທຶນ ແຂວງອັດຕະປື, ຕາງໜ້າລົງນາມຄັ້ງນີ້ໂດຍທ່ານ ສູນນະຄອນ ແກ້ວວຽງຄຳ ຫົວໜ້າພະແນກແຜນການ ແລະ ການລົງທຶນ ແຂວງອັດຕະປື ແລະ ທ່ານ ຫງວຽນ ວັນ ຮຸ່ງ ບຸນປະເສີດ ສີລິວັດ ອຳນວຍການບໍລິສັດ ແປ້ງມັນຕົ້ນລາວ-ຫວຽດ ຈໍາກັດຜູ້ດຽວ ໂດຍມີຄະນະນໍາຂອງແຂວງ ແລະ ພາກສ່ວນກ່ຽວຂ້ອງທັງສອງຝ່່າຍເຂົ້າຮ່ວມເປັນສັກຂີພິຍານ.
ການເຊັນສັນຍາພັດທະນາໂຄງການລົງທຶນ ສ້າງຕັ້ງໂຮງງານຜະລິດແປ້ງມັນຕົ້ນ ຄັ້ງນີ້ ກໍເພື່ອຢາກພັດທະນາເສດຖະກິດຂອງແຂວງ ໃຫ້ມີການຂະຫຍາຍຕົວ ແລະ ເພື່ອສົ່ງເສີມການພັດທະນາວຽກງານກະສິກຳ ຢູ່ແຂວງອັດຕະປື ໃຫ້ມີການເຕີບໃຫຍ່ຂະຫຍາຍຕົວຂຶ້ນໄປເລື້ອຍໆ. ພ້ອມກັນນີ້, ກໍເພື່ອຜະລິດແປ້ງມັນຕົ້ນ ສົ່ງຂາຍພາຍໃນ ແລະ ຕ່າງປະເທດ. ນອກຈາກນີ້, ໂຄງການດັ່ງກ່າວ ຍັງເປັນບ່ອນສ້າງວຽກເຮັດງານທຳ ໃຫ້ປະຊາຊົນ ຢູ່ເຂດບ້ານທາດພະໄຊ ກໍຄືປະຊາຊົນ ເມືອງໄຊເສດຖາ ແລະ ທັງສາມາດສ້າງແຫລ່ງລາຍຮັບໃຫ້ພາກລັດໄດ້ອີກທາງໜຶ່ງ.
ຂ່າວ: ວັດທະນາ
May be an image of 12 people, dais and text