ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງອັດຕະປື ໄຂກອງປະຊຸມໃຫຍ່ ຜູ້ແທນອົງຄະນະພັກແຂວງ ຄັ້ງທີ XI

ກອງປະຊຸມໃຫຍ່ຜູ້ແທນອົງຄະນະພັກ ແຂວງ ອັດຕະປື ຄັ້ງທີ XI ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 17 ກັນຍາ 2020 ທີ່ຫໍປະຊຸມໃຫຍ່ຂອງແຂວງ ພາຍໃຕ້ການເປັນປະທານ ຂອງ ສະຫາຍ ເລັດ ໄຊຍະພອນ ເລຂາພັກແຂວງ,ເຈົ້າແຂວງແຂວງ ອັດຕະປື, ໃຫ້ກຽດເຂົ້າຮ່ວມມີສະຫາຍ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີບັນດາສະຫາຍການນໍາຂັ້ນສູນກາງ, ບັນດາສະຫາຍໃນຄະນະປະຈໍາພັກ,ກໍາມະການພັກ, ພະນັກງານອາວຸໂສບໍານານ, ພາກສ່ວນທຸລະກິດ, ແຂກເຊື້ອເຊີນແລະ ຜູ້ແທນສົມບູນເຂົ້າຮ່ວມທັງຫມົດ 242ສະຫາຍ,ຍິງ 42 ສະຫາຍ
ສະຫາຍ ເລັດ ໄຊຍະພອນ ເລຂາພັກແຂວງ,ເຈົ້າແຂວງໆ ອັດຕະປື ໄດ້ໃຫ້ກຽດກ່າວໄຂກອງປະຊຸມ ແລະ ຜ່ານບົດລາຍງານການເມືອງທັງສອງພາກຄື: ການຕີລາຄາຜົນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນ ອົງຄະນະພັກແຂວງ ຄັ້ງທີ XI (2016-2020) ແລະ ທິດທາງແຜນການ 5ປີ 2021-2025) ໂດຍໄດ້ຍົກໃຫ້ເຫັນຜົນສໍາເລັດຕົວຈິງໃນທຸກຂົງເຂດວຽກງານເຊັ່ນ: ຂົງເຂດປ້ອງກັນຊາດ-ປ້ອງກັນຄວາມສະຫງົບ, ຂົງເຂດເສດຖະກິດ, ຂົງເຂດວັດທະນາທໍາ-ສັງຄົມ,ຂົງເຂດນິຕິບັນຍັດ, ຂົງເຂດຕຸລາການ ແລະວຽກງານຍຸຕິທໍາ, ຂົງເຂດແນວລາວສ້າງຊາດ,ອົງການຈັດຕັ້ງມະຫາຊົນ ແລະວຽກງານອື່ນໆ ສິ່ງທີ່ພົ້ນເດັ່ນຕະຫລອດໄລຍະ 5ປີຜ່ານມາ ທົ່ວແຂວງ ມີຄວາມສະຫງົບແລະ ຄວາມເປັນລະບຽບຮຽບຮ້ອຍດີ, ປະຊາຊົນບັນດາເຜົ່າມີຄວາມວາມັກຄີປອງດອງ, ເສດຖະກິດ-ສັງຄົມໄດ້ຮັບການພັດນາຢ່າງຕໍ່ເນື່ອງ GDP ເພີ່ມຂຶ້ນ 7,5%ຕໍ່ປີ, ສະເລ່ຍຕໍ່ຫົວຄົນບັນລຸໄດ້ 2.011ໂດລາ, ທຽບໃສ່ປີ 2015 ເພີ່ມຂຶ້ນ 13,6% ແລະວຽກງານອື່ນໆກໍໄດ້ບັນລຸຕາມລະດັບຄາດຫມາຍທີ່ວາງໄວ້ ກອງປະຊຸມໄດ້ດໍາເນີນເຖິງວັນທີ 18ກັນຍາ 2020 ຈຶ່ງໄດ້ອັດລົງ.

 

ຂ່າວ: ຊິບພະໄຊ