ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງອຸດົມໄຊ ຈັດກິດຈະກຳປູກຕົ້ນໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ

ເພື່ອເປັນການປູກຝັງຈິດສຳນຶກ ແລະ ສ້າງສະຕິຊາດ ຮ່ວມກັນຢ່າງເປັນຂະບວນການໃນຂອບເຂດທົ່ວປະເທດ ເວົ້າລວມ ເວົ້າສະເພາະແມ່ນພາຍໃນແຂວງອຸດົມໄຊ ໃຫ້ຮູ້ເຖິງຄວາມສຳຄັນ ຂອງວັນປູກຕົ້ນໄມ້ແຫ່ງຊາດ ເຊິ່ງເປັນວັນດຽວກັນກັບວັນເດັກນ້ອຍສາກົນ ທັງເປັນການເປີດລະດູການປູກໄມ້ປະຈຳປີ 2020 ແລະ ເປັນການປົກປັກຮັກສາປ່າໄມ້ ປົກປັກຮັກສາທາງດ້ານສິ່ງແວດລ້ອມ ແລະ ຄືນຄວາມອຸດົມສົມບູນ ໃຫ້ແກ່ທຳມະຊາດ ສະນັ້ນໃນວັນທີ 1 ມີຖຸນາ 2020 ທີ່ສຸສານນັກຮົບປະຕິວັດແຂວງອຸດົມໄຊ ຈຶ່ງໄດ້ຈັດພິທີປູກຕົ້ນໄມ້ຂຶ້ນ ໂດຍການເຂົ້າຮ່ວມຂອງທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ມີຄະນະພັກຄະນະບັນຊາການທະຫານ ຕຳຫຼວດ, ຄະນະພັກອົງການປົກຄອງແຂວງ, ຫົວໜ້າ-ຮອງຫົວໜ້າພະແນກການ ອົງການ, ພະນັກງານທະຫານ ຕຳຫຼວດ ອົງການປົກຄອງບ້ານ ພໍ່ແມ່ປະຊາຊົນ ແລະ ນ້ອງນ້ອຍເຍົາວະຊົນເຂົ້າຮ່ວມ. ໄມ້ທີ່ນຳມາປູກໃນຄັ້ງນີ້ມີ ຕົ້ນໄມ້ ແລະ ເບ້ຍໄມ້ທັງໝົດ 850 ຕົ້ນ ໃນນີ້ມີຕົ້ນໄມ້ຝາງແດງ 50 ຕົ້ນ, ເບ້ຍໄມ້ດູ່ລາຍ 300 ເບ້ຍ ແລະ ເບ້ຍໄມ້ແຕ້ຂ່າ 500 ເບ້ຍ.


ທ່ານ ຄຳພອນ ມຸນລະໄມ ຫົວໜ້າພະແນກກະສິກຳ ປ່າໄມ້ ແລະ ພັດທະນາຊົນນະບົດ ແຂວງອຸດົມໄຊ ໄດ້ໃຫ້ຮູ້ວ່າ: ການປູກຕົ້ນໄມ້ແມ່ນມີຄວາມໝາຍສຳຄັນຢ່າງຍິ່ງ ເພື່ອເຮັດປວງຊົນທຸກຊັ້ນຄົນຮັບຮູ້ ເຂົ້າໃຈ ກ່ຽວກັບຄວາມໝາຍ ຄວາມສຳຄັນຂອງການປູກໄມ້ ພ້ອມທັງໄດ້ຮຽກຮ້ອງມາທົ່ວສັງຄົມ ໃຫ້ມີນ້ຳໃຈປົກປັກຮັກສາປ່າໄມ້, ສ້າງຂະບວນການໃນການຄຸ້ມຄອງ ປັກປັກຮັກສາຊັບພະຍາກອນປ່າໄມ້ ອັນເປັນມໍລະດົກຂອງຊາດ ໃຫ້ມີຄວາມອຸດົມສົມບູນ ແລະ ສາມາດຕອບສະໜອງຄວາມຮຽກຮ້ອງຕ້ອງການ ວັດຖຸດິບດ້ານໄມ້ ແລະ ຜະລິດຕະພັນປ່າໄມ້ ໄດ້ຢ່າງຍືນນານ ພ້ອມກັນປູກຕົ້ນໄມ້ໃສ່ພື້ນທີ່ຂອງຕົນຕາມເງື່ອນໄຂ ເພື່ອໃຫ້ບັນລຸຄາດໝາຍສູ້ຊົນຂອງແຂວງໃນປີ 2020 ປູກໄມ້ໃຫ້ໄດ້ໃນເນື້ອທີ່ 256 ເຮັກຕາ ແລະ ຟື້ນຟູປ່າໄມ້ທຳມະຊາດໃຫ້ໄດ້ 3 ພັນກ່ວາເຮັກຕາ ເຮັດໃຫ້ຊັບພະຍາກອນປ່າໄມ້ ກາຍເປັນສ່ວນປະກອບອັນສຳຄັນໃນການພັດທະນາເສດຖະກິດຂອງຊາດ ກໍຄືຂອງແຂວງອຸດົມໄຊ.

ຂ່າວ: ສີຈັນ ເກດວົງສາ