ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ແຂວງແຄັງຮວາ ສສ ຫວຽດນາມ ມອບອຸປະກອນການແພດໃຫ້ແຂວງຈຳປາສັກ ເພື່ອຕ້ານການລະບາດຂອງພະຍາດໂຄວິດ-19

ໃນວັນທີ 24 ເມສາ 2020 ນີ້, ທີ່ ດ່ານສາກົນພູເກືອ, ແຂວງອັດຕະປື ໄດ້ມີພິທີມອບ-ຮັບ ອຸປະກອນການແພດ ເພື່ອຮັບໄຊ້ວຽກງານ ປ້ອງກັນ ແລະ ຄວບຄຸມການລະບາດ ພະຍາດ ໂຄວິດ-19 ໃຫ້ແຂວງ ຈໍາປາສັກ.

ກ່າວມອບອຸປະກອນດັ່ງກ່າວ ແມ່ນສະຫາຍນາງ ຫງວຽນ ທິ ຈຸງ ທູ, ຫົວໜ້າພະແນກການຕ່າງປະເທດແຂວງແຄັງຮວາ, ແລະ ສະຫາຍພັນໂທ ຫງວຽນ ຮຸ່ງ, ຫົວໜ້າພາລາທິການ ກອງບັນຊາການທະຫານແຂວງແຄັງຮວາ, ເຊິ່ງຕາງໜ້າ ຄະນະພັກ, ສະພາປະຊາຊົນ, ແລະຄະນະກໍາມະການປະ ຊາຊົນ ແຂວງແຄັງຮວາ ສສ ຫວຽດນາມ; ແລະກ່າວຮັບ ແມ່ນ ສະຫາຍວັນນະສັກ ຊາດຕະກຸນ, ຫົວໜ້າພະແນກການຕ່າງປະເທດ, ສະຫາຍ ວິຊຽນ ສົມບູນຂັນ, ຮອງຫົວໜ້າຫ້ອງວ່າການແຂວງຈໍາປາສັກ, ຕາງໜ້າໃຫ້ຄະນະພັກ, ຄະນະນໍາ ແລະປະຊາຊົນຊາວແຂວງຈໍາປາສັກ, ໂດຍມີຄະນະນໍາ ແຂວງແຄັງຮວາ-ຈໍາປາສັກ ແລະ ເຈົ້າໜ້າທີ່ປະຈໍາດ່ານສາກົນພູເກືອ ແຂວງອັດຕະປື ເຂົ້າຮ່ວມເປັນສັກຂີພະຍານ. ອຸປະກອນການແພດທີ່ນໍາມາມອບປະກອບມີ: ເຄື່ອງພົ່ນຢາຂ້າພະຍາດ 1 ເຄື່ອງ, ໜ້າກາກອະນາໄມ ຈໍານວນ 5,000 ແຜ່ນ, ຊຸດປ້ອງກັນການຕິດເຊື້ອທາງການແພດ (ຊຸດ PPE) ຈໍານວນ 1,000 ຊຸດ, Cloramin B 150 kg, ຖົງມືການແພດ ຈໍານວນ 50 ກັບ ແລະ ເຈວລ້າງມື ຂະໜາດ 500ml ຈໍານວນ 250 ຕຸກ ລວມມູນຄ່າ 275.200.000 ດົ້ງ (ເງິນສະກຸນຫວຽດນາມ). ສໍາລັບອຸປະກອນການແພດ ທີ່ໄດ້ຮັບໃນເທື່ອນີ້, ແຂວງຈໍາປາສັກ ກໍ່ຄື ຄະນະກຳມະການສະເພາະກິດ ຕ້ານການລະບາດຂອງພະຍາດອັກເສບປອດຈາກເຊື້ອຈຸລະໂລກ ສາຍພັນໃໝ່ ຫຼື ໂຄວິດ-19 ຂັ້ນແຂວງ ຈະນຳໄປແຈກຢາຍໃຫ້ ບັນດາເຈົ້າໜ້າທີ່, ແພດໝໍ ແລະ ຄະນະຊ່ຽວຊານ ທີ່ພວມປະຕິບັດໜ້າທີ່ ໃນຂັ້ນຕໍ່ໄປ.

ຂ່າວ: ທັດຊະນະ ນັກຂ່າວຫ້ອງວ່າການແຂວງ