ຕອນເຊົ້າວັນທີ 21 ກັນຍາ 2023 ນີ້ ທີ່ຫໍປະຊຸມຫ້ອງວ່າການປົກຄອງເມືອງປາກລາຍ ແຂວງໄຊຍະບູລີ ໄດ້ຈັດກອງປະຊຸມພົບປະແລກປຽ່ນບົດຮຽນກຽ່ວກັບການຄຸ້ມຄອງແຮງງານລາວ ໂດຍສະເພາະແຮງງານລາວຈາກເມືອງປາກລາຍ ແລະ ເມືອງທົ່ງມີໄຊ ແຂວງໄຊຍະບູລີ ທີ່ໄປອອກແຮງງານຢູ່ເມືອງອັນດອງ ແຂວງ ແກ່ງຊັງບຸກໂດ ສ.ເກົາຫຼີ
ເຂົ້າຮວ່ມໃນກອງປະຊຸມຄັ້ງນີ້ ມີທ່ານ ໜູເກນ ພັນລັກ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງໄຊຍະບູລີ ມີຮອງເຈົ້າເມືອງປາກລາຍ, ເມືອງທົ່ງມີໄຊ ຂະແໜງການທີ່ກຽ່ວຂ້ອງທັງສອງເມືອງ, ຝ່າຍ ສ.ເກົາຫຼີ ມີທ່ານນາງ ຄິມ ຫູຈາ ຫົວໜ້າສູນເທັກໂນໂລຊີ ກະສິກໍາເມືອງອັນດອງ ສ.ເກົ້າຫຼີ ພ້ອມດວ້ຍຂະແໜງທີ່ກຽ່ວຂ້ອງຂອງເມືອງອັນດອງພ້ອມດວ້ຍບໍລິສັດຈັດຫາງານເຂົ້າຮວ່ມ.
ການພົບປະແລກປຽ່ນບົດຮຽນໃນຄັງນີ້ທັງສອງຝ່າຍ ໄດ້ລາຍງານສະພາບການຈັດສົ່ງ ແລະ ການຄຸ້ມຄອງແຮງງານທີ່ໄປອອກແຮງງານຢູ່ເມືອງອັນດອງ ແລະ ບັນຫາອື່່ນໆ ທີ່ສຳຄັນຈຳນວນໜຶ່ງ; ຜ່ານການປຶກສາຫາລືກັນຄັ້ງນີ້ໄດ້ມີຄວາມເປັນເອກະພາບ ແລະ ສາມາດຊອກຫາທາງອອກ, ໃນການສົ່ງແຮງງານລາວໄປອອກແຮງງານຢູ່ ສ. ເກົາຫລີໃຫ້ດີຂຶ້ນເທື່ອລະກ້າວ ປະກອບສ່ວນເຂົ້າໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ, ການເງິນ-ເງິນຕາ ແນໃສ່ຫຼຸດຜ່ອນ ອັດຕາການຫວ່າງງານ, ຊ່ວຍຍົກລະດັບໃຫ້ແຮງງານເປັນມືອາຊີບ, ມີລາຍຮັບ ໃຫ້ຄອບຄົວ ພ້ອມທັງຊ່ວຍ ໃຫ້ແຮງງານ ມີທັກສະ ທີ່ມີຄຸນນະພາບ .
ສໍາລັບແຮງງານເມືອງປາກລາຍໄປອອກແຮງງານຕາມລະດູການຢູ່ເມືອງ ອັນດອງ ສ.ເກົ້າຫຼີມີຈໍານວນ52ຄົນ,ຍິງ30ຄົນ ສະເໜີໄປໃໝ່ອີກ 85ຄົນ,ຍິງ 54ຄົນ, ເມືອງທົ່ງມີໄຊ ມີ145ຄົນ,ຍິງ18ຄົນ ສະເໜີໄປໃໝ່136ຄົນ,ຍິງ85ຄົນ.
ນັກຂ່າວ: ເມືອງປາກລາຍ
