ຫວ່າງມໍ່ໆ ມານີ້, ດ່ານສາກົນບໍ່ເຕ່ນ-ບໍ່ຫານ ໄດ້ເຫັນດີຊຸກຍູ້ການຮ່ວມມືຂອງຂົງເຂດພື້ນຖານໂຄງລ່າງພາຍໃນເຂດຮ່ວມມື, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິເວນດ່ານ ແລະ ການ ຮ່ວມມືອຸດສາຫະກໍາການຜະລິດສອງຝ່າຍ, ຊຸກຍູ້ວຽກງານຂອງໂຄງການຕ່າງໆ ໃຫ້ເກີດຜົນເປັນຈິງຢ່າງມີປະສິດ ທິພາບ, ຍົກສູງລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາຢູ່ໃນເຂດຊາຍແດນຂອງສອງປະ ເທດ ລາວ ແລະ ຈີນ.
ໃນລະຫວ່າງວັນທີ 11-13 ພຶດສະພາຜ່ານມານີ້, ທ່ານ ຫລິວ ຫົງ ຈ້ຽນ, ກຳມະການປະຈຳຄະນະປະຈຳພັກ ແຂວງ ຢຸນໜານ ແລະ ເລຂາຄະນະພັກນະຄອນຄຸນໝິງໄດ້ນຳພາຄະນະຜູ້ແທນມາຢ້ຽມຢາມລາວ ເພື່ອເສີມສ້າງສຳພັນໄມຕຣີໃຫ້ເລິກເຊິ່ງຍິ່ງຂື້ນ ແລະ ເພື່ອຮັດແໜ້ນສາຍພົວພັນທາງການທູດໃຫ້ເຂັ້ມແຂງຍິ່ງຂື້ນ, ພ້ອມທັງປະຕິບັດແນວທາງການພັດທະນາທີ່ຕ່າງຝ່າຍຕ່າງມີຜົນປະໂຫຍດ ແລະ ສອດຄ່ອງກັບນະໂຍບາຍການຮ່ວມມືດ້ານການທູດລະຫວ່າງ ສປ ຈີນ ກັບ ປະເທດບ້ານໃກ້ເຮືອນຄຽງ.
ການຢ້ຽມຢາມໃນຄັ້ງນີ້ ໄດ້ເຄື່ອນໄຫວກວດກາບັນດາໂຄງການທີ່ກ່ຽວຂ້ອງ, ເພື່ອເປັນການປະກອບສ່ວນໃນການສືບຕໍ່ເສີມສ້າງ ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືສ້າງ ສາປະຊາຄົມ ຈີນ-ລາວ ໃນອະ ນາຄົດ. ໃນຂະນະທີ່ຢູ່ເຂດເສດຖະ ກິດພິເສດບໍ່ເຕ່ນໃນລາວ, ທ່ານ ຫຼິວ ຫົງ ຈ້ຽນ ພ້ອມດ້ວຍຄະນະ ໄດ້ເຄື່ອນໄຫວກວດກາສະພາບຄວາມຄຶບໜ້າການອອກແບບວາງແຜນຂອງໂຄງການກໍ່ສ້າງສວນບໍ່ເຕ່ນຢູ່ຈຸດດັ່ງກ່າວ, ແລະ ໄດ້ພົບປະກັບ ທ່ານ ວຽງສະຫວັດ ສີພັນດອນ, ເລຂາຄະນະບໍລິ ຫານງານພັກແຂວງ, ເຈົ້າແຂວງຫລວງນ້ຳທາ.
ສອງຝ່າຍ ໄດ້ເຫັນດີເປັນເອກະພາບກັນວ່າ, ພາຍຫຼັງທີ່ນະຄອນຄຸນໝິງໄດ້ຮັບສິດໃນການຄຸ້ມຄອງ ບໍ່ເຕ່ນ, ນະຄອນຄຸນໝິງ ຈະສືບຕໍ່ເພີ່ມທະວີການແລກປ່ຽນ ແລະ ເພີ່ມທະວີການ ຮ່ວມມືກັບ ແຂວງຫລວງນໍ້າທາ ເພື່ອຊຸກຍູ້ການກໍ່ສ້າງເຂດການ ຮ່ວມມື ບໍ່ເຕ່ນ-ບໍ່ຫານ ໃຫ້ບັນລຸໝາກຜົນຢ່າງຕັ້ງໜ້າ ຊຶ່ງໃນບາດ ກ້າວຕໍ່ໄປ ສອງຝ່າຍ ຈະເພີ່ມທະວີການຮ່ວມມື ແລະ ການເຊື່ອມໂຍງເຂົ້າກັນໃຫ້ແໜ້ນແຟ້ນ ແລະ ເພີ່ມທະວີການຮ່ວມມືໃນວຽກ ງານທີ່ສຳຄັນຕ່າງໆ, ສຸມໃສ່ກໍ່ສ້າງເຂດການຮ່ວມມື ບໍ່ເຕ່ນ-ບໍ່ຫານ ເພື່ອເປັນແບບຢ່າງໃນການສ້າງປະຊາຄົມ ຈີນ-ລາວ ທີ່ຮ່ວມຊາຕາ ກຳດຽວກັນ. ແລະ ໃນໄລຍະທີ່ຢູ່ແຂວງຫຼວງພະບາງ, ທ່ານ ຫລີ ເຄິ້ ຈ້ຽນ ໄດ້ພົບປະກັບ ທ່ານ ຂັນຄຳ ຈັນທະວິສຸກ, ເລຂາຄະນະບໍລິຫານງານພັກແຂວງ, ເຈົ້າແຂວງຫຼວງພະບາງ ແລະ ທ່ານ ວຽງທອງ ຫັດສະຈັນ ເຈົ້ານະຄອນຫລວງພະບາງ. ສ່ວນຢູ່ນະຄອນ ຫຼວງວຽງຈັນ ໄດ້ເຂົ້າຢ້ຽມຂ່ຳນັບ ທ່ານ ສະເຫລີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດລາວ.
ນັບແຕ່ເດືອນມັງກອນ ຫາ ເດືອນພຶດສະພາ ປີນີ້, ທ່າບົກ ບໍ່ຫານ ໄດ້ກວດຜ່ານຜູ້ຄົນທີ່ຂ້າມຜ່ານຊາຍແດນ ຈຳນວນ 1 ລ້ານຄົນ, ທຽບໃສ່ປີກາຍເພີ່ມຂຶ້ນ 89%; ໃນໄຕມາດທີ 1 ຂອງ ປີ, ປະລິມານສິນຄ້ານໍາເຂົ້າ ແລະ ສົ່ງອອກຕາມເສັ້ນທາງຫລວງ ແລະ ທ່າບົກທາງລົດໄຟ ເພີ່ມຂຶ້ນ 24,36 % ທຽບໃສ່ປີຜ່ານມາ; ການ ໄປ-ມາຂອງປະຊາຊົນ, ການຂົນສົ່ງສິນຄ້າ ແລະ ການໝູນວຽນຂອງທຶນ ໄດ້ໄຫລວຽນເຂົ້າໃນ ເມືອງ ບໍ່ຫານ, ຊຶ່ງ ບໍ່ຫານ ໄດ້ຊຸກ ຍູ້ໃຫ້ເກີດຄວາມກ້າວໜ້າຢ່າງມີປະສິດທິພາບ. ສໍາລັບວຽກງານການເພີ່ມທະວີເລັ່ງລັດໃນການກໍ່ສ້າງສູນຂົນສົ່ງສິນຄ້າແຫ່ງຊາດ, ການສ້າງຊ່ອງທາງທີ່ມີຄວາມວ່ອງໄວ ແລະ ກໍ່ສ້າງທ່າບົກທີ່ນຳໃຊ້ລະບົບສະໝອງກົນອັດສະລິຍະ. ໃນສອງປີຜ່ານມາ, ເຂດການ ຮ່ວມມືເສດຖະກິດ ຈີນ-ລາວ ບໍ່ເຕ່ນ-ບໍ່ຫານ ໄດ້ວາງແຜນການພັດທະນາ 04 ຮູບແບບ ຄື: “ຮູບແບບຕົວເມືອງສະຖານີ, ຮູບ ແບບຕົວເມືອງພັດທະນາ, ຮູບແບບຕົວເມືອງອຸດສາຫະກຳການຜະລິດ ແລະ ຮູບແບບຕົວເມືອງທ່າບົກ” ສົມທົບກັບສະພາບໃນປະຈຸບັນ ແລະ ຫນ້າທີ່ການພັດທະນາຂອງສວນອຸດສາຫະກໍາທີ່ແຕກຕ່າງກັນຈະຖືກວາງໄວ້ຕາມລັກສະນະທີ່ແຕກຕ່າງກັນ ແລະ ຈະສຸມໃສ່ການພັດທະນາການຄ້າສາກົນ, ການປຸງແຕ່ງ, ການຜະ ລິດ ແລະ ອຸດສາຫະກໍາການຂົສສົ່ງທີ່ທັນສະໄຫມ ແລະ ການພັດທະນາການປະສານງານດ້ານການເງິນ, ການທ່ອງທ່ຽວສາກົນ ແລະ ປິ່ນປົວສຸຂະພາບ ລະຫວ່າງປະເທດ.
ນັບແຕ່ຕົ້ນປີນີ້ເປັນຕົ້ນມາ, ດ່ານກວດກາດ່ານຊາຍແດນເມືອງບໍ່ຫານ ໄດ້ກວດຜ່ານ ຄະ ນະນັກທ່ອງທ່ຽວທັງພາຍໃນ ແລະ ຕ່າງປະເທດທັງໝົດ 2.380 ຄະນະ, ມີ 31.763 ຄົນ, ເພີ່ມຂຶ້ນ 1,406% ແລະ 919% ທ່ຽວໃສ່ປີກາຍ ໃນນັ້ນ ໃນມື້ຫນຶ່ງ ສາມາດກວດປ່ອຍຄະນະທ່ອງທ່ຽວຂ້າມຜ່ານຊາຍແດນ ປະມານ 60 ກວ່າຄະນະ ມີ 1.200 ຄົນ, ຊຶ່ງເປັນສະຖິຕີສູງສຸດກວ່າໄລຍະຜ່ານມາ. ປີນີ້ແມ່ນ “ປີທ່ອງທ່ຽວລາວ” ລັດຖະບານລາວ ໄດ້ນຳໃຊ້ນະໂຍບາຍອຳ ນວຍຄວາມສະດວກດ້ານການທ່ອງທ່ຽວ ເພື່ອດຶງດູດນັກທ່ອງທ່ຽວຈີນເຂົ້າມາທ່ອງທ່ຽວລາວຢ່າງຫຼວງຫຼາຍ.
ນັບແຕ່ເດືອນມັງກອນ ຫາ ເດືອນເມສາປີນີ້, ວົງເງິນການຄ້າຂາ ເຂົ້າ-ຂາອອກຂອງຕ່າງປະເທດຢູ່ແຂວງຢຸນໜານ ມີປະມານ 77,17 ຕື້ຢວນ, ໃນນັ້ນ ການສົ່ງອອກບັນລຸ 27,45 ຕື້ຢວນ, ການນຳເຂົ້າບັນລຸ 49,72 ຕື້ຢວນ ແລະ ມີຈຸດພິເສດ ດັ່ງນີ້: 01. ການເພີ່ມຂື້ນຢ່າງຕໍ່ເນື່ອງຂອງຜູ້ໂດຍສານ ແລະ ການຂົນສົ່ງສິນ ຄ້າ; 02. ພື້ນຖານການຄ້າຕ່າງປະເທດ ສືບຕໍ່ມີຄວາມໝັ້ນຄົງ, 03. “ວົງຄະນາຍາດເພື່ອນມິດ” ຂອງການຄ້າຕ່າງປະເທດນັບມື້ນັບມີຄວາມຫຼາກຫຼາຍ ແລະ 04. ປະລິມານຫົວໜ່ວຍການຄ້າກັບຕ່າງປະເທດເພີ່ມຂຶ້ນຢ່າງບໍ່ຢຸດຢັ້ງ.
ອີງຕາມຂໍ້ໄດ້ປຽບໃນການເຄື່ອນໄຫວຕົວຈິງຂອງແຂວງຢຸນໜານ, ດ່ານພາສີນະຄອນຄຸນໝິງໄດ້ເຮັດໜ້າທີ່ສະໜອງການບໍລິການໃຫ້ແກ່ບັນດາຫົວໜ່ວຍເສດຖະກິດ, ສວນອຸດສາ ຫະກຳເສດຖະກິດ, ເສດຖະກິດທ່າບົກກຢ່າງຫລວງຫລາຍ ແລະ ຊຸກຍູ້ການພັດທະນາຢ່າງ ຮອບດ້ານ, ພ້ອມນັ້ນ, ຍັງສຸມແຮງໃສ່ການພັດທະນະ ແລະ ຍົກລະດັບຢ່າງມີປະສິດທິພາບ ຂອງ ແຂວງຢຸນໜານ ແລະ ໄດ້ເຮັດໜ້າທີ່ສຳຄັນຕົ້ນຕໍ ຄື: 01. ສະໜັບສະໜູນຢ່າງເຕັມສ່ວນ ໃນການກໍ່ສ້າງສູນກາງ ເພື່ອເຜີຍແພ່ທິດທາງການພັດທະນາໄປຍັງອາຊີໃຕ້ ແລະ ອາຊີຕາເວັນອອກສ່ຽງໃຕ້; 02. ສືບຕໍ່ປັບປຸງສະພາບແວດລ້ອມແຫ່ງ ການດຳເນີນທຸລະກິດຂອງທ່າບົກ; 03. ຕັ້ງໜ້າຮັບໃຊ້ໃຫ້ແກ່ການເປີດປະຕູ ແລະ ຍົກລະດັບຕາມຊາຍແດນ; 04. ສ້າງເສັ້ນທາງລົດໄຟໃຫ້ເປັນ “ເສັ້ນທາງຄຳ” 05. ຊຸກຍູ້ການພັດທະນາທາງລົດໄຟຂອງແຂວງຂອງພວກເຮົາ.
ແຕ່ວັນທີ 16 ຫາ ວັນທີ 18 ພຶດສະພາຜ່ານມານີ້, ທ່ານ ເຊິນ ລຸ້ຍ ປິນ ຄະນະຮັບຜິດ ຊອບຕົ້ນຕໍຂອງຄະນະຄຸ້ມຄອງເຂດຮ່ວມມື ບໍ່ເຕ່ນ-ບໍ່ຫານ ໄດ້ນຳພາຄະນະໄປທັດສະນະສຶກສາ ແລະ ເຄື່ອນໄຫວສະຖານທີ່ຕ່າງໆ ຂອງ ແຂວງ ຟຸຈ້ຽນ, ເຊຍເມີນ ແລະ ຟຸໂຈ່ ເພື່ອສົ່ງເສີມການລົງທຶນ ແລະ ຊຸກຍູ້ເຂດການຮ່ວມມື ລະ ຫວ່າງ ບໍ່ເຕ່ນ-ບໍ່ຫານ, ບັນດາໂຄງການທ່າບົກ ແລະ ການເຈລະຈາລົງເລິກການຮ່ວມມືຢ່າງແທ້ຈິງ ແລະ ເປີດກວ້າງການເຄື່ອນໄຫວຊຸກຍູ້ການລົງທຶນຢູ່ເຂດຮ່ວມມືໃນປີ 2024. ໃນການກວດກາ, ທ່ານ ເຊິນ ລູ ປິນ ໄດ້ລົງເລິກບັນດາການຜະລິດຂອງວິສາຫະກິດທີ່ສຳຄັນຫຼາຍແຫ່ງ, ໄດ້ໄປຢ້ຽມຢາມສວນອຸດສາຫະກຳ, ໂຮງງານ ແລະ ສິ່ງອຳນວຍຄວາມສະດວກອື່ນໆ, ໄດ້ຮຽນຮູ້ກ່ຽວກັບຂະບວນການຜະລິດ, ຄວາມຕ້ອງການ ແລະ ເງື່ອນໄຂການຄ້ານຳເຂົ້າ ແລະ ສົ່ງອອກ ແລະ ປຶກສາຫາລືກ່ຽວກັບການຄຸ້ມຄອງຂົນ ສົ່ງ, ເຕັກໂນໂລຊີການຜະລິດ, ຄວາມຕ້ອງການຂອງຕະຫຼາດ. ການຝຶກອົບຮົມດ້ານແຮງງານ ແລະ ດ້ານອື່ນໆ ໃນລະຫວ່າງເດີນທາງໄປທັດສະນະສຶກສາ ໄດ້ ແລກປ່ຽນຢ່າງລະອຽດ, ໄດ້ແນະນຳເຂດການຮ່ວມມື ບໍ່ເຕ່ນ-ບໍ່ຫານ ຢ່າງລະອຽດ ແລະ ຕັ້ງ ໜ້າຊຸກຍູ້ບັນດາໂຄງການການຮ່ວມມື.
