ໃນຕອນບ່າຍຂອງວັນທີ 26 ເມສາ 2022 ທີ່ສະໂມສອນຫ້ອງວ່າການແຂວງ ໄຊຍະບູລີ ໄດ້ຈັດກອງປະຊຸມ ປຶກສາຫາລືເພື່ອກະກຽມສະເຫຼີມສະລອງ 2 ວັນປະຫວັດສາດ ລາວ-ຫວຽດນາມຄື: ວັນເຊັນສົນທິສັນຍາມິດ ຕະພາບ ແລະ ການຮ່ວມມືຮອບດ້ານ ລາວ-ຫວຽດນາມ ຄົບຮອບ 45 ປີ ແລະ ວັນສ້າງຕັ້ງສາບພົວພັນການທູດ ລາວ-ຫວຽດນາມ ຄົບຮອບ 60 ປີ, ເຂົ້າຮ່ວມເປັນກຽດມີ ທ່ານ ດວງຕາ ໄຊວຸດ ຮອງເລຂາພັກແຂວງ, ມີຫົວໜ້າ, ຮອງຫົວໜ້າພະແນກການ ແລະ ພະນັກງານວິຊາການອ້ອມຂ້າງແຂວງເຂົ້າຮ່ວມ.
ໃນກອງປະຊຸມ ທ່ານ ພອນສະຫວັນ ໄຊສົມພັນ ຫົວໜ້າຫ້ອງວ່າການແຂວງ ໄຊຍະບູລີ ໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກແຂວງສະບັບເລກທີ 212/ຄພຂ.ຊຍ, ລົງວັນທີ 21 ເມສາ 2022 ວ່າດ້ວຍການແຕ່ງຕັ້ງຄະນະຮັບຜິດຊອບເພື່ອສະເຫຼີມສະຫຼອງປີສາມັກຄີມິດຕະພາບ ລາວບຫວຽດນາມ 2022, ຈາກນັ້ນ ທ່ານ ຄໍາແພງ ຕັດສະຫວັດ ຫົວໜ້າພະແນກ ພົວພັນການຕ່າງປະເທດ ກໍ່ໄດ້ຂຶ້ນລາຍງານແຜນການ ກະກຽມສະເຫຼີມສະລອງ 2 ວັນປະຫວັດສາດ ລາວ-ຫວຽດນາມ ທັງນີ້ກໍ່ເພື່ອເປັນການກຽມຄວາມພ້ອມຮອບດ້ານເພື່ອສະເຫຼີມສະຫຼອງວັນດັ່ງກ່າວໃຫ້ມີຄວາມໝາຍເລິກເຊິ່ງ ແລະ ໜັກແໜ້ນດ້ານເນື້ອໃນໃຫ້ອຸດົມສົມບູນ, ແນໃສ່ເພື່ອເສີມສ້າງ, ເພີ່ມທະວີສາຍພົວພັນມິດຕະພາບ ແລະ ການຮ່ວມມືຮອບດ້ານ ລະຫວ່າງແຂວງ ໄຊຍະບູລີ ກັບບັນດາແຂວງເພື່ອນມິດ ສສຫວຽດນາມ ໃຫ້ນັບມື້ກວ້າງ ຂວາງ ແລະ ພັດທະນາເຂົ້າສູ່ລວງເລິກ, ຍົກສູງບົດບາດການເປັນເສນາທິການ, ການປະສານງານ ແລະ ເພີ່ມທະວີການເຄື່ອນໄຫວວຽກງານການທູດປະຊາຊົນໃຫ້ໄດ້ມີການພົບປະ, ແລກປ່ຽນບົດ ຮຽນຂອງບັນດາພະແນກການ, ກົມກອງ, ຂະແໜງການຕ່າງໆ ກັບບັນດາແຂວງເພື່ອນມິດ ສສຫວຽດນາມ, ຈາກນັ້ນຜູ້ເຂົ້າຮ່ວມກໍ່ໄດ້ມີການປຶກສາຫາລື ແລະ ປະກອບຄໍາເຫັນ ເພື່ອເຮັດໃຫ້ການກະກຽມສະເຫຼີມສະຫຼອງ 2 ວັນປະຫວັດສາດມີເນື້ອໃນສົມບູນ ແລະ ຄົບຖ້ວນ.
ຂ່າວ-ພາບ: ອຸ່ນເຮືອນ ໂພທິລັກ
ນັກຂ່າວຫ້ອງວ່າການແຂວງ ໄຊຍະບູລີ
Loading...