ເພື່ອເປັນການດຈະກໍາຕ່າງໆ, ດວັນ, ເວລາມື້ຈັດງານບຸນ, ກໍານົດປະຕິບັດຕາມມາດຕະການຂອງໜ່ວຍສະເພາະກິດແຫ່ງຊາດ ໃນການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ ໂຄວິດ-19 ນັ້ນ, ແຂວງ ໄຊຍະບູລີ ຈະໄດ້ຈັດງານບຸນຊ້າງປະຈໍາປີ 2021 ຂຶ້ນຕາມຮີດຄອງປະເພນີ, ໂດຍຈະໄດ້ຈໍາກັດແຂກຄົນເພື່ອເຂົ້າຮ່ວມ, ງານບຸນດັ່ງກ່າວຈະໄດ້ຈັດຂຶ້ນໃນວັນທີ 13 ກຸມພາ 2021, ກໍານົດ 1 ວັນ.

ທ່ານ ເພັດພິໄຊ ສູນວິໄລ ຮອງເຈົ້າແຂວງ ໄຊຍະບູລີ, ປະທານຈັດງານບຸນຊ້າງ ໄດ້ຖະແຫຼງຂ່າວກ່ຽວກັບການຈັດງານບຸນຊ້າງ ໃນຕອນເຊົ້າຂອງວັນທີ 17 ມັງກອນ 2021 ທີ່ສະໂມສອນ ຫ້ອງວ່າການແຂວງ ທ່ານໄດ້ກ່າວວ່າ: ການຈັດງານມະຫາກໍາບຸນຊ້າງໃນປີ 2021 ນີ້ຖືວ່າເປັນຄັ້ງທີ 15, ເຊິ່ງຈະໄດ້ຈັດຂຶ້ນໃນວັນທີ 13 ກຸມພາ 2021 ຕາມຮີດຄອງທີ່ເຄີຍປະຕິບັດມາ; ແຕ່ປີນີ້ເປັນປີທີ່ມີຄວາມສ່ຽງສູງ, ໂດຍສະເພາະສະພາບການລະບາດຂອງພະຍາດໂຄວິດ-19 ແມ່ນຍັງສືບຕໍ່ຂະຫຍາຍຕົວເປັນວົງກວ້າງ ແລະ ຍາກທີ່ຈະຢັບຢັ້ງບັນຫາເຊື້ອພະຍາດດັ່ງກ່າວ, ຕໍ່ກັບບັນຫານີ້ແຂວງໄຊຍະບູລີຈຶ່ງຈຳເປັນຕ້ອງໄດ້ກໍານົດຈັດງານມະຫາກຳບຸນຊ້າງປະຈໍາປີ 2021 ນີ້ພຽງ 1 ວັນ, ຈະບໍ່ໄດ້ຈັດງານໃຫຍ່ແລະຈະຈໍາກັດຜູ້ເຂົ້າຮ່ວມພາຍໃນພຽງແຕ່ 200-300 ຄົນເທົ່ານັ້ນ,ຈະບໍ່ມີຕະຫຼາດນັດວາງສະແດງສິນຄ້າແລະການບັນເທີງຕ່າງໆ, ສະນັ້ນ, ຄະນະຮັບຜິດຊອບຈັດງານມະຫາກໍາບຸນຊ້າງຈຶ່ງໄດ້ຕົກລົງກໍານົດເອົາແຕ່ກິດຈະກໍາທີ່ສຳຄັນແລະຈໍາເປັນເຊັ່ນ: ກ່ອນມື້ຈັດງານມະຫາກໍາບຸນຊ້າງກົງກັບວັນທີ 12 ກຸມພາ 2021 ຕອນແລງແມ່ນຈະໄດ້ເຮັດພິທີກໍາຄອບເລົ່າສິ່ງສັກສິດເຈົ້າຫຼັກບ້ານຫຼັກເມືອງ, ໃນວັນທີ 13 ກຸມພາ 2021 ເປັນມື້ຈັດງານມະຫາກໍາບຸນຊ້າງພວກເຮົາຈະໄດ້ເຮັດພິທີຕັກບາດເພື່ືອອຸທິດສ່ວນບຸນກຸສົນໃຫ້ຊ້າງ, ແຮ່ຂະບວນຊ້າງ, ບາສີສູ່ຂວັນຊ້າງ, ຈັດອາຫານບຸບເຟໃຫ້ຊ້າງກິນເພື່ອເປັນການສ້າງເງື່ອນໄຂໃຫ້ຊ້າງມີໂອກາດໄດ້ມາພົບປະກັນ, ສໍາລັບຊ້າງທີ່ຈະເຂົ້າຮ່ວມງານບຸນແມ່ນໄດ້ກໍານົດເອົາຊ້າງຈໍານວນ 16-18 ໂຕທີ່ລ້ຽງຢູ່ພາຍໃນເມືອງໄຊຍະບູລີ,

ທ່ານ ເພັດພິໄຊ ສູນວິໄລ ຮອງເຈົ້າແຂວງ ໄຊຍະບູລີ ຍັງໄດ້ແຈ້ງມາຍັງບັນດາທ່ານແຂກທີ່ມີກຽດທ່ານຍິງ-ທ່ານຊາຍແລະນັກທ່ອງທ່ຽວ​ຊາບຕື່ມອີກວ່າ: ບຸນ​ຊ້າງຢູ່ແຂວງໄຊຍະບູລີຂອງພວກເຮົາປີນີ້ແມ່ນຈະໄດ້ຈັດຕາມຮີດຄອງປະເພນີທີ່ເຄີຍໄດ້ຈັດຕັ້ງປະຕິບັດຜ່ານມາ, ແຕ່ຫຼຸດລະດັບລົງຄືດັ່ງໄດ້ກ່າວມານັ້ນແລະຫວັງວ່າໃນຄັ້ງຕໍ່ໄປງານມະຫາກໍາບຸນຊ້າງນີ້ຈະກັບມາຄຶກຄື້ນອີກຄັ້ງພາຍຫຼັງເຊື້ອພະຍາດໂຄວິດ 19 ໄດ້ຫາຍໝົດໄປຈາກໂລກມະນຸດຂອງພວກເຮົາ.

ຂ່າວ-ພາບ: ອຸ່ນເຮືອນ ໂພທິລັກ

Loading...