ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ແຂວງ ໄຊຍະບູລີ ປະດັບຫຼຽນ ໃຫ້ກົມກອງລວມໝູ່ ແລະ ບຸກຄົນດີເດັ່ນ

ໃນຕອນບ່າຍຂອງວັນທີ 13 ມິຖຸນາ 2019 ນີ້ ທີ່ສະໂມສອນຫ້ອງວ່າການແຂວງ ໄຊຍະບູລີ, ໄດ້ຈັດພິທີປະດັບຫຼຽນໄຊ ແລະ ໃບຍ້ອງຍໍຂອງລັດຖະບານ ໃຫ້ແກ່ກົມກອງລວມໝູ່ ແລະ ບຸກຄົນດີເດັ່ນ ທີ່ມີຜົນງານໃນ ການກະກຽມ ແລະ ເຂົ້າຮ່ວມງານວາງສະແດງສິນຄ້າ ຈີນ-ອາຊຽນ ຄັ້ງທີ 14 ທີ່ນານໜິງ ສປປຈີນ ປີ 2017, ເປັນກຽດເຂົ້າຮ່ວມຂອງ ທ່ານ ຈັນສີ ໂພສີຄໍາ ກໍາມະການກົມການເມືອງ ສູນການພັກ, ເລຂາທິການສູນການພັກ, ຫົວໜ້າຄະນະຈັດຕັ້ງສູນກາງພັກ, ມີທ່ານ ພົງສະຫວັນ ສິດທະວົງ, ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ມີການນໍາຂອງແຂວງ, ເຈົ້າເມືອງ 11 ເມືອງ ແລະ ພະນັກງານຫຼັກແຫຼ່ງ ອ້ອມຂ້າງແຂວງເຂົ້າຮ່ວມ.

          ໃນພິທີ ທ່ານ ນາງ ວັນນີ ແສນມະນີຈັນ ຮອງຫົວໜ້າກົມຈັດຕັ້ງ-ພະນັກງານ ກະຊວງອຸດສາຫະກໍາ ແລະ ການຄ້າ ໄດ້ຂຶ້ນຜ່ານ ລັດຖະດໍາລັດ ຂອງປະທານປະເທດ ແຫ່ງ ສປປ ລາວ ແລະ ດໍາລັດຂອງ ນາຍົກລັດຖະມົນຕີ ວ່າດ້ວຍ ການປະດັບຫຼຽນໄຊ ແລະ ໃບຍ້ອງຍໍຂອງລັດຖະບານ ໃຫ້ແກ່ກົມກອງລວມໝູ່ ແລະ ບຸກຄົນດີເດັ່ນ ທີ່ມີຜົນງານໃນການປະກອບສ່ວນດ້ານເຫື່ອແຮງ, ສະຕິປັນຍາໃນການກະກຽມ ແລະ ເຂົ້າຮ່ວມງານວາງສະແດງສິນຄ້າ ຈີນ-ອາຊຽນ ຄັ້ງທີ 14 ທີ່ນານໜິງ ສປປຈີນ ປີ 2017 ທີ່ຜ່ານມາຄື: ລັດຖະດໍາລັດ ຂອງປະທານປະເທດ 2 ສະບັບ, ວ່າດ້ວຍການ ມອບຫຼຽນໄຊແຮງງານຊັ້ນ II ໃຫ້ກົມກອງລວມໝູ່ ຈໍານວນ 2 ກົມກອງຄື: ແຂວງ ໄຊຍະບູລີ ແລະ ພະແນກ ອຸດສາຫະກໍາ ແລະ ການຄ້າແຂວງ, ປະດັບຫຼຽນໄຊແຮງງານຊັ້ນ II ໃຫ້ບຸກຄົນ ຈໍານວນ 3 ທ່ານຄື: ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ແລະ ທ່ານ ວາລະໄຊ ເລັ່ງສະຫວັດ ຫົວໜ້າພະແນກ ອຸດສາຫະກໍາ ແລະ ການຄ້າແຂວງ ໄຊຍະບູລີ, ໃຫ້ກຽດມອບ ແລະ ປະດັບ ຫຼຽນໄຊແຮງງານຊັ້ນ II ໃຫ້ກົມກອງລວມໝູ່ ແລະ ບຸກຄົນ ໂດຍແມ່ນ ທ່ານ ຈັນສີ ໂພສີຄໍາ ກໍາມະການກົມການເມືອງ ສູນການພັກ, ເລຂາທິການສູນການພັກ, ຫົວໜ້າຄະນະຈັດຕັ້ງສູນກາງພັກ, ຜ່ານລັດຖະດໍາລັດ ຂອງປະທານປະເທດ ວ່າດ້ວຍການມອບຫຼຽນໄຊແຮງງານຊັ້ນ III ໃຫ້ແກ່ເມືອງ ພຽງ ແຂວງ ໄຊຍະບູລີ ແລະ ປະດັບ ຫຼຽນໄຊແຮງງານ ຊັ້ນ III ໃຫ້ແກ່ບຸກຄົນ ຈໍານວນ 2 ທ່ານຄື: ທ່ານ ດາວຮຸ່ງ ເພັດສົມບູນ  ແລະ ທ່ານ ພູຊໍາ ບຸນທັນ, ຜ່ານ ດໍາລັດຂອງ ນາຍົກລັດຖະມົນຕີ ເລກທີ 208/ນຍ, ລົງວັນທີ 21 ມິຖຸນາ 2018, ວ່າດ້ວຍການມອບໃບຍ້ອງຍໍລັດຖະບານ, ນາຍົກລັດຖະມົນຕີ ອອກດໍາລັດ ມອບໃບຍ້ອງຍໍລັດຖະບານໃຫ້ບຸກຄົນ ຈໍານວນ 6 ທ່ານ, ໃຫ້ກຽດ ມອບ ແລະ ປະດັບຫຼຽນ ໂດຍແມ່ນ ທ່ານ ພົງສະຫວັນ ສິດທະວົງ, ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ.

ຂ່າວຈາກ: ຫ້ອງວ່າການແຂວງ ໄຊຍະບູລີ

ໂດຍ: ອຸ່ນເຮືອນ ໂພທິລັກ