ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເພື່ອເປັນການປະກອບສ່ວນເຂົ້າໃນການຕອບໂຕ້ກັບພະຍາດໂຄວິດ-19 ທີ່ລະ ບາດຢູ່ແຂວງ ໄຊຍະບູລີ ໃຫ້ໄດ້ຮັບໄຊຊະນະ, ໃນຕອນບ່າຍຂອງວັນທີ 30 ພະຈິກ 2021 ທີ່ຫ້ອງວ່າການແຂວງ ໄຊຍະບູລີ ບໍລິສັດ ຊີເຄ ພາວເວີ ຈໍາກັດມະຫາຊົນ ຮ່ວມກັບ ໂຮງໄຟຟ້າພະລັງງານນໍ້າ ໄຊຍະບູລີ ໄດ້ນໍາເອົາເຄື່ອງປ້ອງກັນໂຄວິດ-19 ມາມອບໃຫ້ແຂວງ ໄຊຍະບູລີ, ເຄື່ອງດັ່ງກ່າວປະກອບມີ ຊຸດກວດໂຄວິດ ຈໍານວນ 1.000 ຊຸດ ແລະ ຜ້າອັດປາກ- ດັງ ຈໍານວນ 100 ກ່ອງ ( 50 ອັນ/ກ່ອງ ) ລວມມູນຄ່າທັງໝົດ 39,000,000 ກວ່າກີບ, ໃຫ້ກຽດມອບໂດຍແມ່ນ ທ່ານ ເອັດກາ ຜູ້ອໍານວນການບໍລິສັດ ໄຟຟ້າ ໄຊຍະບູລີ ພາວເວີ ຈໍາກັດ ພ້ອມດ້ວຍຄະນະ ແລະ ຮັບໂດຍແມ່ນ ທ່ານ ເພັດພິໄຊ ສູນວິໄລ ຮອງເຈົ້າແຂວງ, ຫົວໜ້າຄະນະສະ ເພາະກິດ ຄວບຄຸມ, ຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ຂັ້ນແຂວງ ໄຊຍະບູລີ ພ້ອມດ້ວຍຄະນະ, ໂອກາດດັ່ງກ່າວ ທ່ານ ເພັດພິໄຊ ສູນວິໄລ ຕາງໜ້າໃຫ້ແຂວງ ໄຊຍະບູລີ ກໍ່ໄດ້ສະແດງຄວາມຂອບໃຈຕໍ່ບໍລິສັດ ຊີເຄ ພາວເວີ ຈໍາກັດມະຫາຊົນ ແລະ ໂຮງໄຟຟ້າພະລັງງານນໍ້າ ໄຊຍະບູລີ ທີ່ໄດ້ນໍາເອົາເຄື່ອງປ້ອງກັນໂຄວິດ-19 ມາມອບໃຫ້ແຂວງ ໄຊຍະບູລີ ໃນການຕອບໂຕ້ກັບພະຍາດໂຄວິດ-19, ເຊິ່ງສະແດງໃຫ້ເຫັນເຖິງຄວາມເປັນຮ່ວງເປັນໄຍຂອງບໍລິສັດບໍລິສັດດັ່ງກ່າວທີ່ມີຕໍ່ແຂວງ ໄຊຍະບູລີ.
ຂ່າວ-ພາບ: ອຸ່ນເຮືອນ ໂພທິລັກ