ເນື່ອງຈາກໃນມື້ວັນທີ 26 ສິງຫາ 2022 ໄດ້ເກີດນໍ້າຖ້ວມໜັກຢູ່ບາງເມືອງຂອງແຂວງອຸດົມໄຊ ໂດຍສະເພາະຢູ່ເມືອງໄຊ ທີ່ເປັນເທດສະບານແຂວງ ທີ່ໄດ້ສ້າງຄວາມເສຍຫາຍໃຫ້ແກ່ຊັບສິນ ສັດລ້ຽງ ແລະ ເນື້ອທີ່ການຜະລິດຂອງປະຊາຊົນໜັກສົມຄວນ. ໃນສິ່ງເສຍຫາຍຫນັກນັ້ນ ກໍມີປຶ້ມແບຮຽນ ຊັ້ນປະຖົມແລະມັດທະ ຍົມ, ໄລຍະນີ້ເຂົ້າສູ່ໄລຍະເປີດສົກຮຽນໃຫມ່ ຫລາຍໂຮງຮຽນຈຶ່ງຂາດເຂີນປຶ້ມແບບຮຽນຫລາຍ ສະນັ້ນອຳນາດການປົກຄອງເມືອງໄຊ ກໍຄືແຂວງອຸດົມໄຊ ຈຶ່ງຂໍຄວາມຊ່ອຍເຫລືອມາຍັງທຸກພາກສ່ວນໃນສັງຄົມເພື່ອສະໜອງປຶ້ມແບບຮຽນຊັ້ນປະຖົມແລະມັດທະຍົມໃຫ້ຄູອາຈານແລະແລະລູກຫລານນັກຮຽນດ່ວນດ້ວຍ. ທ່ານໃດຫລືພາກສ່ວນໃດຢາກຊ່ອຍເຫຼືອຂໍໃຫ້ຕິດຕໍ່ໄປຫາ ທ່ານ ພົມມະສຸກ ມອນຈັນດີ, ຮອງເຈົ້າເມືອງເມືອງໄຊ ແຂວງອຸດົມໄຊ ເບີໂທລະສັບແລະເບີວັອດແອັບ 020 9998 0669 ຫວັງວ່າຈະໄດ້ຮັບນໍ້າໃຈຈາກບັນດາທ່ານ.
ຄະນະບັນນາທິການວິທະຍຸກະຈາຍສຽງແຫ່ງຊາດລາວ
1 ກັນຍາ 2022
