ແຕ່ງຕັ້ງ ພົນຕີ ສາຍໃຈ ກົມມະສິດ ເປັນຮອງເລຂາພັກແຂວງ, ຮອງເຈົ້າແຂວງບໍ່ແກ້ວ

ວັນທີ 18 ກໍລະກົດນີ້ ທີ່ຫ້ອງວ່າການແຂວງບໍ່ແກ້ວໄດ້ຈັດພິທີປະກາດການຈັດຕັ້ງໂດຍການເຂົ້າຮ່ວມຂອງສະຫາຍພົນເອກວິໄລຫຼ້າຄໍາຟອງກຳມະການກົມການເມືອງສູນກາງພັກຮອງນາຍົກ ລັດຖະມົນຕີລັດຖະມົນຕີກະຊວງປ້ອງກັນຄວາມສະຫງົບ, ມີບັນດາຮອງລັດຖະມົນຕີ, ຫົວໜ້າກົມ, ການນໍາຂັ້ນແຂວງ-ຂັ້ນເມືອງ, ຫົວໜ້າ, ຮອງຫົວໜ້າພະແນກກ່ຽວຂ້ອງເຂົ້າຮ່ວມ.

ໃນພິທີໄດ້ຜ່ານຄໍາສັ່ງເລກທີ 154/ກລສພ, ຄໍາສັ່ງເລກທີ 08/ນຍວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່ເຫັນດີແຕ່ງຕັ້ງທ່ານພົນຕີສາຍໃຈກົມມະສິດກໍາມະການປະຈໍາພັກຮອງລັດຖະມົນຕີກະຊວງປ້ອງກັນປະເທດເປັນຮອງເລຂາພັກແຂວງ, ເປັນຮອງເຈົ້າແຂວງບໍ່ແກ້ວ.

ໃນໂອກາດນີ້, ສະຫາຍພົນເອກວິໄລຫຼ້າຄໍາຟອງໄດ້ໃຫ້ທິດຊີ້ນໍາພ້ອມທັງເນັ້ນໜັກໃຫ້ທ່ານພົນຕີສາຍໃຈກົມມະສິດເອົາໃຈໃສ່ກ່ຽວກັບແຜນພັດທະນາເສດຖະກິດ-ສັງຄົມແຫ່ງລັດກໍຄືການພັດທະນາເສດຖະກິດ-ສັງຄົມຂອງແຂວງບໍ່ແກ້ວ,ເພີ່ມທະວີວຽກ ງານປ້ອງກັນຊາດ-ປ້ອງກັນຄວາມສະຫງົບ, ປັບປຸງກໍ່ສ້າງວຽກງານຂອງພັກໃຫ້ມີຄວາມປອດໄພເຂັ້ມແຂງໜັກແໜ້ນ, ການພັດທະ ນາທ່າແຮງທີ່ບົ່ມຊ້ອນ,ຕ້ອງສໍາຫຼວດ, ຈັດສັນແລະຄຸ້ມຄອງຄືນໃໝ່, ວາງແຜນຍຸດທະສາດດ້ວຍການພັດທະນາແລະວາງນະໂຍ ບາຍໃຫ້ສອດຄ່ອງເໝາະສົມກັບທ້ອງຖິ່ນ, ຖືກຕາມມະຕິຂອງສູນກາງພັກວາງອອກ, ໃນນັ້ນຕ້ອງຈັດສັນເຂດດິນທໍາການຜະ ລິດໃຫ້ມີຄວາມເໝາະສົມສາມາດຂາຍອອກສູ່ທ້ອງຕະຫຼາດຄຽງຄູ່ກັບການພັດທະນາແຫຼ່ງທ່ຽວທ່ຽວໃຫ້ກາຍເປັນເຂດເສດຖະກິດໃໝ່ເພື່ອດຶງດູດນັກທ່ອງທ່ຽວເຂົ້່າມາທ່ຽວ, ຄຸ້ມຄອງລະບົບທີ່ດິນແລະຈັດເກັບລາຍຮັບໃຫ້ໄດ້ຕາມແຜນທີ່ກໍານົດໄວ້.

ຂ່າວ: ຄໍາເພັງສີສະຫວ່າງ