ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ແຕ່ປີ 2015 ຮອດປີ 2020 ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງບໍລິຄໍາໄຊຈະສ້າງສໍາມະໂນທີ່ດິນ ແລະອອກໃບຕາດິນໃຫ້ໄດ້ 2 ໝື່ນ 8 ພັນຕອນ

ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ບໍລິຄໍາໄຊຈະສຸມໃສ່ປະຕິບັດແຜນການ 5 ປີຂອງວຽກງານຄຸ້ມຄອງທີ່ດິນ, ສ້າງສໍາມະໂນທີ່ດິນ ແລະອອກໃບຕາດິນໃຫ້ໄດ້ 2 ໝື່ນ 8 ພັນຕອນນັບແຕ່ປີ 2015 ຮອດປີ 2020.
ປັດຈຸບັນສາມາດປະຕິບັດໄດ້ 1 ໝື່ນ ກວ່າຕອນເທົ່າກັບ 40 ກວ່າສ່ວນຮ້ອຍ.
ທ່ານ ຄໍາດີ ພິມມະສອນ ຮອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງ ແວດລ້ອມແຂວງບໍລິຄໍາໄຊໃຫ້ຮູ້ວ່າ: ຜ່ານມາ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມໄດ້ເອົາໃຈໃສ່ກ່ຽວກັບການຄຸ້ມຄອງທີ່ດິນ,
ສ້າງສໍາມະໂນທີ່ດິນ ແລະອອກໃບຕາດິນ ຕິດພັນກັບການຄຸ້ມຄອງທີ່ດິນຂອງລັດໂດຍແບ່ງອອກເປັນ 8 ປະເພດຄື: ດິນໂຍທາ, ດິນກະສິກໍາ ດິນປຸກສ້າງ ດິນວັດທະນະທໍາສັງຄົມ, ດິນປ້ອງກັນຊາດ-ປ້ອງກັນຄວາມສະຫງົບ ແລະ ອື່ນໆ
ທີ່ຂະແໜງການຂອງລັດຄຸ້ມຄອງ ພ້ອມທັງຕິດຕາມກວດກາການນໍາໃຊ້ທີ່ດິນຂອງຂະແໜງການຕ່າງໆ.
ສະເພາະປີນີ້, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ບໍລິຄໍາໄຊ ສ້າງສໍາມະໂນທີ່ດິນ ແລະ ອອກໃບຕາດິນໃຫ້ໄດ້ປະມານ 1 ໝຶ່ນ 6 ພັນກວ່າຕອນ. ໃນນີ້ ການອອກໃບຕາດິນໃຫ້ 6 ພັນຕອນ ແລະ ສ້າງ
ສໍາມະໂນທີ່ດິນໃຫ້ 6 ພັນກວ່າຕອນ. ນັບແຕ່ເດືອນມັງກອນຮອດເດືອນມິຖຸນາສາມາດອອກໃບຕາດິນໄດ້ 3.000 ກວ່າຕອນ ເທົ່າກັບ 48 ສ່ວນຮ້ອຍ ແລະ ສ້າງສໍາມະໂນທີ່ດິນໄດ້ 4 ພັນກວ່າຕອນເທົ່າກັບ 52 ສ່ວນຮ້ອຍ.%