ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີຖະແຫລງຂ່າວແນະນໍາຕົວແທນສື່ປະຊາສໍາພັນຫວຍແມ່ຂອງອອນລາຍ ຈັດຂຶ້ນໃນຕອນເຊົ້າວັນທີ 25 ທັນວາ 2023 ທີ່ໂຮງແຮມ ລາວພະລາຊາ ນະຄອນຫລວງວຽງຈັນ ໂດຍແມ່ນ ທ່ານ ນາງ ອາເລັກ ຊັນດຣາ ບຸນຊ່ວຍ ຊຶ່ງເປັນນັກຮ້ອງ-ນັກສະແດງ ທີ່ມີຊື່ສຽງຂອງລາວ ໄດ້ຮັບກຽດເປັນຕົວແທນສື່ປະຊາສໍາພັນໃຫ້ ຫວຍແມ່ຂອງອອນລາຍໃນຄັ້ງນີ້.
ຫວຍແມ່ຂອງອອນລາຍ ຊຶ່ງໄດ້ຮັບການອະນຸມັດຈາກລັດ ຖະບານ ສປປ ລາວ ຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບ ເລກທີ 2133/ຫສນຍ ລົງວັນທີ 3 ພະຈິກ 2023 ແລະຂໍ້ຕົກລົງຂອງລັດຖະ ມົນຕີ ກະຊວງການເງິນ ສະບັບເລກທີ 3715/ກງ ລົງວັນທີ 21 ພະຈິກ 2023 ວ່າດ້ວຍການອະນຸມັດໃຫ້ ບໍລິສັດລັດວິສາຫະກິດຫວຍພັດທະນາ ຮ່ວມທຶນກັບ ບໍລິສັດ ບຸບຜາຄຸນຊັບ ຈຳກັດຜູ້ດຽວ ໂດຍມີຈຸດປະສົງເພື່ອຈຳຫນ່າຍຢູ່ຕະ ຫລາດຕ່າງປະເທດ ໂດຍອອກທຸກວັນສຸກ ຊຶ່ງເລີ່ມຈໍາໜ່າຍແລ້ວໃນວັນທີ 22 ທັນວາ ເປັນມາຕົ້ນ.
ທ່ານ ນາງ ສຸນິຕາ ບຸບຜາວັນ, ປະທານບໍລິສັດ ບຸບຜາຄູນຊັບ ຈໍາກັດຜູ້ດຽວ ໃຫ້ຮູ້ວ່າ : ປັດຈຸບັນມີ 176 ປະເທດແລ້ວທີ່ໄດ້ ຮັບອະນຸຍາດໃຫ້ດໍາເນີນທຸລະກິດຫວຍອອນໄລ, ໃນນີ້ ສປປ ລາວ ເປັນປະເທດທີ 177 ທີ່ໄດ້ຮັບອະນຸ ຍາດເຊັ່ນດຽວກັນ. ທຸລະກິດຫວຍອອນໄລ ແມ່ນມີມາແຕ່ດົນນານ ແລະ ເປັນຮູບ ການໜື່ງເພື່ອລົງທຶນເຂົ້າໃນການພັດ ທະນາປະເທດຊາດ, ພ້ອມກັນນັ້ນ ຍັງຖືເປັນການສົ່ງອອກຜະລິດຕະພັນພາຍໃນໄປສູ່ຕ່າງປະເທດໂດຍການນໍາໃຊ້ຄວາມກ້າວໜ້າຂອງເຕັກໂນໂລຊີຂໍ້ມູນຂ່າວສານ.
ນອກຈາກນີ້ ທ່ານຍັງສະແດງຄວາມຮູ້ສຶກດີໃຈ ແລະ ຂອບໃຈມາຍັງ ທ່ານ ນາງ ອາເລັກ ຊັນດຣາ ບຸນຊ່ວຍ ຊຶ່ງເປັນນັກຮ້ອງ- ນັກສະແດງ ທີ່ມີຊື່ສຽງຂອງລາວ ທີ່ໃຫ້ກຽດເປັນຕົວແທນສື່ປະຊາສໍາພັນໃຫ້ ຫວຍແມ່ຂອງອອນລາຍເພື່ອໂຄສະນາດຶງດູດການ ຮ່ວມມືດ້ານການຄ້າ, ການລົງທຶນ ແລະ ການທ່ອງທ່ຽວ ກໍຄື ສ້າງສາຍສໍາພັນທີ່ດີລະຫວ່າງປະເທດລາວກັບປະເທດໃກ້ຄຽງ.
ໃຫ້ກຽດເຂົ້າຮ່ວມພິທີໃນຄັ້ງນີ້ມີ ທ່ານ ປະສົມເພັດ ຄຳຕັນ ຫົວໜ້າກົມປະຕິຮູບລັດວິສະຫະກິດ ແລະ ການ ປະກັນໄພ ກະຊວງການເງິນ, ທ່ານ ຄຳເພິ່ນ ບຸບຜາວົງ ຜູ້ອໍານວຍການໃຫຍ່ ບໍລິສັດລັດວິສະຫະກິດຫວຍພັດທະນາ, ທ່ານ ນາງ ສຸນິຕາ ບຸບຜາວັນ, ປະທານບໍລິສັດ ບຸບຜາຄູນຊັບ ຈໍາກັດຜູ້ດຽວ, ພ້ອມດ້ວຍແຂກຮັບເຊີນ ແລະ ສື່ມວນຊົນເຂົ້າຮ່ວມ.