ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

   ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຕົວຈິງ

ແພດຫມໍປະຈຳສູນກັກກັນຫລັກ27ເອົາໃຈໃສ່ປະຕິບັດຫນ້າທີຂອງຕົນດ້ວຍຄວາມຫ້າວຫັນ

ໃນວັນທີ 21 ກັນຍາ 2021 ນີ້, ພັນໂທ ນາງແສງຈັນ ຜາຍຕ້າຍຄໍາ ຫົວໜ້າພະແນກ ຈຸລິນຊີ ວິທະຍາ ສະຖະບັນກັນພະຍາດ ສົງເສີມສຸກຂະພາບກອງທັບ ພ້ອມດ້ວຍທິມງານແພດທີ່ໄດ້ຮັບການແຕ່ງຕັ້ງປະຈໍາພາກສະໝາມໄດ້ລົງກວດຫາເຊື້ອໂຄວິດ-19 ໃຫ້ພະນັກງານ- ນັກຮົບ ພ້ອມດ້ວຍຜູ້ອອກແຮງງານທີ່ກັບມາຈາກຕ່າງປະເທດຢູ່ສູນກັກກັນຫລັກ27 ເມືອງໄຊທານີ​ນະຄອນ​ຫລວງວຽງຈັນ.
ພັນໂທ ນາງແສງຈັນ ຜາຍຕ້າຍຄໍາ ຫົວໜ້າພະແນກ ຈຸລິນຊີ ວິທະຍາ ສະຖະບັນກັນພະຍາດ ສົງເສີມສຸກຂະພາບກອງທັບ ໃຫ້ສຳພາດວ່າ: ໂດຍປະຕິບັດສຶບຕໍ່ສະກັດກັ້ນການແຜ່ລະບາດໂຄວິດ 19 ຂອງນາຍົກລັດຖະມົນຕີ ແລະ ເພີ່ມທະວີເອົາໃສ່ຢ່າງເຂັມງວດ ເວົ້າລວມ ເວົ້າສະເພາະ ສູນກັກກັ້ນຈໍາກັດບໍລິເວນຫຼັກ 27 ແມ່ນສູນໜຶ່ງທີ່ຈຳກັດ ບໍລິເວນເພື່ອຕິດຕາມຜູ້ທີມີຄວາມສຽງໃນການຕິດເຊື້ອໂຄວິດ 19 ເຊິ່ງ ລັດຖະບານໄດ້ມອບໃຫ້ກະຊວງປ້ອງກັນປະເທດເປັນຜູ້ຄຸ້ມຄອງ ແລະ ໄດ້ເປີດນຳໃຊ້ມາແຕ່ເດືອນມີນາ ປີ 2021 ເປັນຕົນມາໄລຍະຜ່ານມາມີຜູ້ທີ່ໄດ້ມາຜ່ານຈໍາກັດບໍລິເວນຢູ່ສູນແຫ່ງນີ້ ສ່ວນຫຼາຍແມ່ນແຮງງານທີ່ມາຈາກຕ່າງປະເທດ,​ ເພື່ອເຮັດໃຫ້ຄວາມເປັນລະບຽບຮຽບຮ້ອຍ ແລະ ບໍ່ໃຫ້ມີການລະບາດຂອງພະຍາດໂຄວິດ 19 ນັ້ນໜ່ວຍງານສະເພາະກິດຂອງກະຊວງປ້ອງກັນປະເທດຈຶ່ງໄດ້ມອບໝາຍໜ້າທີ່ໃຫ້ສະຖະບັນກັນພະຍາດ ສົງເສີມສຸກຂະພາບກອງທັບລົງໃກ້ສິດຕິດຕາມກວດກາເຊື້ອໃນແຕ່ລະວັນປະຈຳຢູ່ສູນກັກກັ້ນຈຳກັດບໍລິເວນ ຫຼັກ 27.
ພັນໂທ ນາງແສງຈັນ ຜາຍຕ້າຍຄໍາ ຫົວໜ້າພະແນກ ຈຸລິນຊີ ວິທະຍາ ສະຖະບັນກັນພະຍາດ ສົງເສີມສຸກຂະພາບກອງທັບ ໃຫ້ຮູ້ຕື່ມວ່າ : ໂດຍອີງໃສ່ມາດຕະການໃນການປ້ອງກັນຕົນເອງ ແລະ ຂອງທ່ານໝໍແລ້ວເພື່ອບໍໃຫ້ມີຄວາມສຽງໃນການຕິດເຊື້ອແລ້ວໃນການປະຕິບັດໜ້າທີ່ໃກ້ສິດກັບຜູ້ຕິດເຊື້ອ ແລະ ຈຳກັດບໍລິເວນ ທ່ານ ໝໍຈະໄດ້ປະຕິບັດຕາຫຼັກການ ການປ້ອງກັນຢ່າງເຂັມງວດ ດ້ວຍນ້ຳໃຈ ແລະ ຈັນຍາບັນຂອງແພດປະຕິວັດເຖິ່ງວ່າຕົວເລກຜູ້ຕິດເຊື້ອຈະເພີ່ມຂື້ນໃນແຕ່ລະວັນກໍ່ຕາມບໍ່ວ່າຈະຢູ່ສູນຫຼັກ 27 ກໍ່ຄືສູນ ແລະ ໂຮງໝໍແຫ່ງຕ່າງໆໃນຂອບເຂດທົ່ວປະເທດທ່ານໝໍກໍ່ຈະເຮັດໜ້າທີ່ເບີ່ງແຍງດູແລຜູ້ຕິດເຊື້ອ ແລະ ຜູ້ທີ່ກໍາລັງຕິຕາມອາກາດ້ວຍຄວາມບາກບັນດ້ວຍຄວາມຮັບຜິດຊອບສູງທີ່ການຈັດຕັງ ພັກ-ລັດ ມອບໃຫ້ມີຜົນຢ່າງຈົບງາມ.
ພາບ-ຂ່າວ : ເກນ ວິໄລສານ