ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ໂຄງການກໍ່ສ້າງໄຟຟ້າເຍືອງທາງໃນ22ບ້ານ ເທດສະບານແຂວງອຸດົມໄຊ ແມ່ນໜຶ່ງໃນແຜນພັດທະນາ 4 ສ

ໃນໄລຍະຜ່ານມາແຂວງອຸດົມໄຊໄດ້ສຸມໃສ່ການພັດທະນາໂດຍສະເພາະໂຄງການໄຟຟ້າເຍືອງທາງເທດສະບານແຂວງເປັນໂຄງການໜື່ງທີ່ປະດັບປະດາຕົວເມືອງ ແລະ ສ້າງຄວາມສະດວກສະບາຍໃນການເດີນທາງໃນຍາມກາງຄືນ ໂດຍສະເພາະແມ່ນການຂະຫຍາຍໄຟຟ້າເຍືອງທາງໃນເທດສະບານແຂວງ ເຊີ່ງໂຄງການດັ່ງກ່າວແມ່ນປະຕິບັດຕາມແຜນພັດທະນາເສດຖະກິດ-ສັງຄົມຂອງແຂວງ ກໍ່ຄືການພັດທະນາຕົວເມືອງຕາມທິດ 4 ສ ໂດຍແມ່ນອົງການພັດທະນາຕົວເມືອງກໍ່ໄດ້ຜັນຂະຫຍາຍນະໂຍບາຍດັ່ງກ່າວໃຫ້ເກີດດອກອອກຜົນ ໂດຍສະເພາະແມ່ນ ສ ສວຍງາມ ທີ່ໄດ້ກໍ່ສ້າງໄຟຟ້າເຍືອງທາງເຮັດໃຫ້ສວຍງາມ ມີຄວາມສະຫວ່າງ, ທັງເປັນການຫຼຸດຜ່ອນຈາກຄວາມສ່ຽງທີ່ອາດຈະເກີດຂື້ນໃນຕົວເມືອງ ແລະ ໂຄງການນີ້ແມ່ນໄດ້ດຳເນີນມາຕັ້ງແຕ່ປີ 2014 ເປັນຕົ້ນມາ ໂດຍໃຊ້ທືນໃນການກໍ່ສ້າງທັງໝົດ 13ຕື້ 445 ລ້ານກ່ວາກີບ ແລະ ໄດ້ແບ່ງການກໍ່ສ້າງອອກເປັນສອງຊ່ວງ ທ່ານ ໄຊຍະສີນ ສຸວັນທອງ ຮອງຫົວໜ້າອົງການພັດທະນາ ແລະ ບໍລິຫານຕົວເມືອງ ໄດ້ໃຫ້ສຳພາດວ່າ ໂຄງການໄຟຟ້າເຍືອງທາງນີ້ແມ່ນໂຄງການທີ່ໃຫຍ່ ແລະ ເປັນໂຄງການທີ່ສະພາແຫ່ງຊາດໄດ້ອະນຸມັດທືນໃນການກໍ່ສ້າງໃນຊ່ວງປີ 2014 ເພື່ອຕ້ອນຮັບງານມະຫາກຳກິລາແຫ່ງຊາດຄັ້ງທ່ 14 ທີ່ແຂວງອຸດົມໄຊເປັນເຈົ້າພາບຜ່ານມາ. ທ່ານຍັງໄດ້ໃຫ້ຮູ້ອີກວ່າໂຄງການດັ່ງກ່າວນີ້ແມ່ນກວມເອົາຫຼາຍບ້ານ ໃນເທດສະບານ ເຮັດໃຫ້ປະຊາຊົນມີຄວາມສະດວກສະບາຍໃນຍາມກາງຄືນ, ເຮັດໃຫ້ໃນເຂດບ້ານນັ້ນໆມີຄວາມສວຍງາມ ແລະ ເພີ່ງພໍໃຈຕໍ່ການນຳພາຂອງພັກ-ລັດໃນຍຸກນີ້.  ເນື່ອງຈາກວ່າໂຄງການດັ່ງກ່າວເປັນໂຄງການທີ່ໃຫຍ່ຈີ່ງຕ້ອງໃຊ້ເວລາ ແລະ ທືນມະຫາສານໃນການກໍ່ສ້າງ ຈີ່ງພົບກັບຄວາມສະດວກ ແລະ ຄວາມຫຍຸ້ງຍາກຫຼາຍປະການທ້າທາຍ ຂໍ້ສະດວກກໍ່ຄື ໂຄງການດັ່ງກ່າວ ແມ່ນໂຄງການທີ່ສະພາແຫ່ງຊາດໄດ້ຮັບຮອງ ແລະ ປະຕິບັດຖຶກຕາມລະບຽບກົດໝາຍ ໄດ້ມີຄະນະຄຸ້ມຄອງຕິດຕັ້ງໄຟ້າເຍືອງທາງ ຄະນະຄຸ້ມຄອງພາກສະໜາມ, ສ່ວນຂໍ້ຫຍຸ້ງຍາກກໍ່ຄື ເປັນໂຄງການທີ່ຢູ່ໃນເທດສະບານມີສີ່ງກິດຂວາງຫຼາຍເຊີ່ງຕ້ອງໄດ້ໃຊ້ເວລາໃນການໄກ່ເກ່ຍ ແລະ ຍັງພົບກັບບັນຫາ ແລະ ພາລະທີ່ຈະຕ້ອງຮັບຜິດຊອບຕື່ມອີກ.

ໂຄງການດັ່ງກ່າວນັບວ່າເປັນໂຄງການທີ່ໃຊ້ເວລາໃນການກໍ່ສ້າງດົນພໍສົມຄວນ ນັບແຕ່ຊ່ວງທີ່ໜື່ງ ຈົນຮອດຊ່ວງທີ່ສອງ ແລະ ສຸດທ້າຍກໍ່ສຳເລັດຜົນໄດ້ເປັນຢ່າງດີ ສະນັ້ນຈື່ງຮຽກຮ້ອງມາຍັງທຸກພາກສ່ວນໃຫ້ມີສ່ວນຮ່ວມໃນການປົກປັກຮັກສາຊັບສົມບັດຂອງລັດເພື່ອໃຫ້ໃຊ້ໄດ້ດົນ ແລະ ຍາວນານ

ສຳລັບບັນຫາທີ່ວ່າໃນເມືອງພັດໄດ້ດອກໄຟໃໝ່ ເຂດຊານເມືອງພັດໄດ້ດອກໄຟດກົ່າ ນີ້ທ່ານໄດ້ໃຫ້ເຫັນຜົນວ່າ ຕາມການຕົກລົງເຫັນດີເປັນເອກະພາບໃນກອງປະຊຸມໃນຫຼາຍໆຄັ້ງວ່າ ເປັນແຜນງານຂອງໂຄງການເພາະວ່າບໍ່ສາມາດທີ່ຈະໃຊ້ວັດສະດຸໃຫມ່ໄດ້ໝົດທຸກບ້ານ ແຕ່ຈະມີການບຳລຸງຮັກສາເພື່ອໃຫ້ໃຊ້ງານໄດ້ເປັນປົກກະຕິ ແລະ ຍາວນານ ພ້ອມທັງໄດ້ຕິດຕາມກວດກາຕໍ່ກັບບັນຫາທີ່ວ່າລົດຕໍາເສົາໄຟ ແລະ ຄົນລັກສາຍໄຟ ໃນບາງຈຸດກໍ່ສາມາດຊອກເຫັນບຸກຄົນທີ່ກະທຳຜິດມາຮັບຜິດຊອບ

ພ້ອມນີ້ທ່ານຍັງໄດ້ຮຽກຮ້ອງໃຫ້ປະຊາບຊົນບັນດາເຜົ່າໃຫ້ເປັນເຈົ້າການນຳກັນ ໃນການປົກປັກຮັກສາ  ແລະ ປະຕິບັດຕາມລັດຖະບັນຍັດ 003 ວ່າດ້ວຍການເກັບຄ່າທຳນຽມຄ່າບໍລິການຕົວເມືອງ ພ້ອມທັງຈະໄດ້ລົງທາບທາມບັນດາຄອບຄົວທີ່ໄດ້ຮັບຜົນປະໂຫຍດ ໂດຍສະເພາະແມ່ນບັນດາຄອບຄົວທີ່ຢູ່ແຄມທາງວ່າຈະເຫັນດີໃຫ້ເກັບແບບໃດໃນການບໍລິການແສງສະຫວ່າງ ນ້ຳເປື້ອນນ້ຳເສຍ ແລະ ອື່ນໆ.

ໂດຍ: ແສງອາທິດ