ໂຄງການພະລັງງານລົມ ວາງສີລາເລີກ ການການກໍ່ສ້າງເສົາວັດແທກອຸຕຸນິຍົມແຫ່ງທຳອິດຢູ່ເມືອງພີນ.

ໃນຕອນເຊົ້າວັນທີ 22 ສິງຫາ 2024 ໂຄງການພະລັງງານລົມ ໄດ້ຈັດພິທີວາງສີລາເລີກການກໍ່ສ້າງເສົາວັດແທກອຸຕຸນິຍົມ ເພື່ອວັດແທກແຮງລົມແຫ່ງທຳອິດຂຶ້ນ ຢູ່ສະຖານທີ່ຕັ້ງໂຄງການ ບ້ານນາທູ້ ເມືອງພີນ ແຂວງສະຫວັນນະເຂດ.

ໂຄງການພະລັງງານລົມ ແມ່ນໄດ້ຈັດຕັ້ງປະຕິບັດຕາມຍຸດທະສາດການພັດທະນາ ພະລັງງານສະອາດ ແລະ ຕາມທິດທາງຂອງລັດຖະບານລາວ ທີ່ມີຜົນກະທົບໜ້ອຍຕໍ່ສິ່ງແວດລ້ອມ ແລະ ລະບົບນິເວດໃນເຂດພັດທະນາໂຄງການ,ສ້າງວຽກເຮັດງານທຳຫຼາຍຢ່າງໃຫ້ທ້ອງຖິ່ນ,ປະກອບສ່ວນສ້າງລາຍຮັບເຂົ້າງົບປະມານໃນການພັດທະນາເສດຖະກິດແບບຍືນຍົງ, ເສົາອຸຕຸນິຍົມແຫ່ງທໍາອິດນີ້ ຈະຖືກສ້າງຂຶ້ນເພື່ອວັດແທກແຮງລົມ ແລະ ກວດສອບຄຸນລັກສະນະຂອງລົມ. ຂໍ້ມູນທີ່ເກັບກໍາໄດ້ຈະຖືກນໍາໃຊ້ ເພຶື່ອການສຶກສາຄວາມເປັນໄປໄດ້ຂອງໂຄງການພະລັງງານລົມ. ສ່ວນເສົາວັດແທກອຸຕຸນິຍົມແຫ່ງອື່ນໆຈະສືບຕໍ່ໄດ້ຮັບການກໍ່ໍສ້າງໃນເຂດຂອງໂຄງການໃນໄລຍະທີ່ຈະມາເຖິງນີ້,ຜູ້ລົງທຶນໄດ້ດໍາເນີນການ ແລະ ປະຕິບັດຕາມກົດລະບຽບຂອງລັດຖະບານ ແລະ ຕາມມາດຕະຖານສາກົນ.

ທຸກໆຂັ້ັນຕອນທີ່ຈໍາເປັນຕ້ອງໄດ້ສໍາເລັດກ່ອນເລີ່ມລົງມືກໍ່ສ້າງ ລວມທັງການສໍາຫຼວດສະຖານຈຸດທີ່ຕັັ້ງເສົາວັດແທກອຸຕຸນິຍົມ, ທາງດ້ານການອອກແບບ ແລະ ທາງວິສະວະກໍາ, ວິທີການຂົນສົົ່ງວັດຖຸ, ເສົາ ແລະ ອຸປະກອນວັດແທກ,ການກວດຫາ ແລະ ເກັບກູ້ລະເບີດທີ່ບໍໍ່ທັນແຕກ, ຮັບປະກັນບໍ່ໍໃຫ້ເກີດມີຜົນສະທົບຕໍໍ່ສະພາບປ່າໄມ້ ຢູ່ເຂດການກໍໍ່ສ້າງ,ໃນໄລຍະການກໍໍ່ສ້າງເສົາວັດແທກອຸຕຸນິຍົມນີ້, ຜູ້ລົງທຶນໄດ້ຮັບການສະໜັບສະໜຸນເປັນຢ່າງດີຈາກອໍານາດການປົກຄອງທ້ອງຖິ່ນ ແລະ ທັງຈາກຂັ້ັນສູນກາງ ໃນດ້ານການອະນຸຍາດ ,ການຢັ້ັງຢືນ ແລະ ອໍານວຍຄວາມສະດວກຕ່າງໆ ແລະ ຜູ້ລົງທຶນໄດ້ສະໜັບສະໜູນບ້ານ ແລະ ເມືອງ ໃນການສ້ອມແປງເສັັ້ນທາງພາຍໃນທ້ອງຖິ່ນຈໍານວນໜຶ່ງ ເພື່ອໃຫ້ປະຊາຊົນສາມາດໄປມາສະດວກໃນຍາມລະດູຝົນ.ບໍລິສັດນາແສງ-ວາໂຍ ຊັບພະຍາກອນທົດແທນ ແລະ ລົງທຶນ ຈໍາກັດ ແລະ ບໍລິສັດ UPC ຫວຽດນາມ (ສິງກະໂປ)ຈໍາກັດ(NSW-UPC) ໄດ້ລົງນາມໃນບົດບັນທຶກຄວາມເຂົ້າໃຈ (MOU) ກັບລັດຖະບານ ແຫ່ງ ສາທາລະນະລັດປະຊາທິປະໄຕ ປະຊາ ຊົນລາວ ໃນວັນທີ 13 ພະຈິກ 2023 ເພື່ອສະເໜີໂຄງການກໍ່ໍສ້າງພະລັງງານລົມ ຢູ່ເມືອງພີນ,ເມືອງວິລະບູລີ, ແລະ ເມືອງອາດສະພອນ ແຂວງສະຫວັນນະເຂດ ເພື່ອສົ່ງອອກພະລັງງານສະອາດໄປຍັງບັນດາປະເທດເພື່ອນບ້ານ ໄກ້ຄຽງ. ເສົາວັດແທກອຸຕຸນິຍົມແຫ່ງທໍາອິດ (MetMast)ແຫ່ງນີ້ ຄາດວ່າຈະໃຫ້ສໍາເລັດການກໍ່ໍສ້າງ ແລະ ຕິດຕັ້ັງໃນທ້າຍເດືອນກັນຍາ 2024 ນີ້.