ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໂທລະພາບສູນກາງຈີນ ຈະນຳໃຊ້ນະວັດຕະກຳໃໝ່ທາງເຕັກນິກເພື່ອຖ່າຍທົດສົດງານລາຕີສະຫຼອງບຸນກຸດຈີນປີ 2020

ໃນວັນທີ 14 ມັງກອນຜ່ານມາ, ທີ່ສະຖານີໂທລະພາບສູນກາງຈີນ ຫຼື CMG, ນະຄອນຫຼວງປັກກິ່ງ, ສປ ຈີນ, ໄດ້ຈັດ ພິທີເປີດນຳໃຊ້ນະວັດຕະກຳໃໝ່ທາງດ້ານເຕັກນິກ ລະບົບ 5G+8K/4K/VR ໃນໂອກາດການສະເຫຼີມສະຫຼອງບຸນກຸດຈີນປີ 2020 ປີນີ້.
CMG ຈະທຳການຖ່າຍທອດສົດງານລາຕີປີຊວດໃນຄັ້ງນີ້ ດ້ວຍເຕັກນິກ 5G+8K ແລະ ເຮັດເປັນວິດີໂອສະບັບ 8K, ການຖ່າຍທຳເຄື່ອນທີ່ໃນລະບົບເຄືອຂ່າຍ 5G ແລະ ສັນຍານ 4K ທີ່ຖ່າຍທຳທັດສະນີຍະພາບຕ່າງໆ ແມ່ນລ້ວນແຕ່ຈະເຊື່ອມຕໍ່ເຂົ້າໃນລະບົບຖ່າຍທອດງານລາຕີດັ່ງກ່າວນີ້ເຊັ່ນກັນ ເຊິ່ງເປັນການຄ້ຳປະກັນທີ່ເຂັ້ມແຂງໃຫ້ແກ່ການຖ່າຍທອດສົດແບບອັດສະລິຍະ 4K ພາຍໃນງານ.
ຮູບພາບການຖ່າຍທຳແບບສັບປ່ຽນຜ່ານທາງເຄືອຂ່າຍຈຳລອງ ຫຼື VNIS ກໍ່ຈະຖືກນຳໃຊ້ໃນງານຄັ້ງນີ້ເປັນຄັ້ງທຳອິດ, ໂດຍຜູ້ຊົມສາມາດຊົມການຖ່າຍທອດສົດໃນລະບົບ VR ແລະ ການຖ່າຍທອດສົດໃນທຸກມຸມຂອງງານລາຕີດັ່ງກ່າວຜ່ານທາງແອັປ (App) ທີ່ມີຊື່ວ່າ YANGSHIPIN.
ການນຳໃຊ້ເຕັກນິກໃໝ່ຕ່າງໆ ເຊັ່ນ: 5G, 8K, 4K ແລະ VR ຈະເຮັດໃຫ້ຜູ້ຊົມສາມາດສຳຜັດໄດ້ກັບນະວັດຕະກຳອັນ ໃໝ່ອ່ຽມຕ່າງໆທາງດ້ານເຕັກນິກ, ຍ້ອນວ່າ ມີການເປີດເຜີຍຂ່າວໂດຍ ໂທລະພາບສູນກາງຈີນ ຫຼື CMG ວ່າ ໃນການຖ່າຍທອດສົດງານລາຕີສະຫຼອງບຸນກຸດຈີນປີ 2020 ປີນີ້ ຈະມີການນຳໃຊ້ເຕັກນິກອັນໃໝ່ໆຫຼາຍຢ່າງ.
ມາຮອດວັນທີ 14 ມັງກອນນີ້, ຕະຫຼາດຫຼັກຊັບແຫ່ງປະເທດຈີນ ກໍ່ໄດ້ມີຜົນຕອບຮັບທີ່ດີກ່ຽວກັບເລື່ອງນີ້, ໂດຍລາຄາຫຸ້ນຂອງບໍລິສັດຕ່າງໆທີ່ມີທຸລະກິດໃນຂົງເຂດວິດີໂອຄົມຊັດ ໄດ້ຖີບຕົວສູງຂຶ້ນ.