ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໂຮງງານເຈຍລະໄນອັນຍະມະນີລາວ ປະກອບສ່ວນສໍາຄັນໃນການສ້າງວຽກເຮັດງານທໍາໃຫ້ແມ່ຍິງລາວ

ໃນໂອກາດທີ່ ທ່ານ ຄໍາເຈນ ວົງໂພສີ ກໍາມະການສູນ ກາງພັກ, ຮອງຫົວຫນ້າຄະນະໂຄສະນາອົບຮົມສູນກາງພັກ ພ້ອມດ້ວຍຄະນະ ເຄື່ອນໄຫວເຮັດວຽກຢູ່ແຂວງບໍ່ແກ້ວ ເພື່ອຊຸກຍູ້ຂະບວນການດ້ານຕ່າງໆ ເພື່ອເປັນຜົນງານຕ້ອນຮັບກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ ເມື່ອບໍ່ດົນມານີ້. ທ່ານ ແລະ ຄະນະ ໄດ້ໄປຢ້ຽມຢາມໂຮງງານເຈຍລະໄນອັນຍະມະນີລາວ ຢູ່ເມືອງຫ້ວຍຊາຍໂດຍມີ ທ່ານ ນາງ ນົງລັກ ວິໄລສັກ, ຜູ້ອໍານວຍການ ແລະ ພະນັກງານໃນໂຮງງານດັ່ງກ່າວໃຫ້ການຕ້ອນຮັບ.

ໂຮງງານ ເຈຍລະໄນອັນຍະມະນີລາວ ສ້າງຕັ້ງຂຶ້ນມາແຕ່ປີ 1992 ໂດຍແມ່ນ ທ່ານ ຈັນເພັງ ວິໄລສັກ (ຜູ້ເປັນພໍ່) ເປັນຜູ້ລິເລີ່ມເບື້ອງຕົ້ນສ້າງຕັ້ງເປັນ ສູນເຈຍລະໄນ ວິໄລສັກ. ຈາກນັ້ນໄດ້ປັບປຸງພັດທະນາ ແລະ ຂະຫຍາຍການຜະລິດເພີ່ມຂຶ້ນເລື້ອຍໆ ເພື່ອຕອບສະໜອງຄວາມຕ້ອງ ການຂອງສັງຄົມ, ທັງຍົກລະດັບໃຫ້ເທດເໝາະກັບກັບຄວາມຮູ້ຄວາມສາມາດຂອງພະນັກງານໃຫ້ມີຄວາມທັນ ສະໄໝ ຈຶ່ງໄດ້ປ່ຽນຊື່ມາເປັນໂຮງງານ ເຈຍລະໄນ ອັນຍະມະນີລາວ ໃນປັດຈຸບັນນີ້.

ປັດຈຸບັນໂຮງງານ ເຈຍລະໄນ ອັນຍະມະນີລາວ ມີພະນັກງານທັງໝົດ 10 ກ່ວາຄົນ, ໃນນັ້ນ ມີຜູ້ຊາຍພຽງ 1 ຄົນ ທີ່ເຮັດຫນ້າທີ່ເຈຍລະໄນພອຍ, ມະຫານິນ, ອັນຍະມະ ນີທີ່ມີຄ່າ, ໂດຍນຳໃຊ້ວັດຖຸດິບທີ່ມີຢູ່ພາຍ ແລະ ນໍາເຂົ້າຈາກຕ່າງປະເທດ ເຊີ່ງເດືອນໜຶ່ງສາມາດຜະລິດໄວ້ຈໍາ
ຫນ່າຍໄດ້ປະມານ 4.000-5.000 ເມັດ ແລະ ຜະລິດຕາມການສັງຂອງລູກຄ້າ 800-1.000 ກະລັດ, ເພື່ອຈໍາໜ່າຍທັງພາຍໃນ ແລະ ຕ່າງປະເທດ ເຊັ່ນ: ສປ ຈີນ, ການາດາ, ຝຣັ່ງ, ຍີ່ປຸ່ນ, ອົດສະຕາລີ, ອິນເດຍ ແລະ ປະເທດໃນອາຊຽນ.

ທ່ານ ນາງ ນົງລັກ ວິໄລສັກ ຜູ້ອໍານວຍການໂຮງງານດັ່ງກ່າວ ໃຫ້ສໍາພາດວ່າ: ໃນໄລຍະທີ່ເກີດການລະບາດຂອງພະຍາດໂຄວິດ-19 ທາງໂຮງງານໄດ້ຮັບຜົນກະທົບທັງທາງດ້ານການຜະລິດ ຍ້ອນມີບັນຫາດ້ານການນໍາເຂົ້າວັດຖຸດິບ ແລະ ຄວາມຫຍຸ້ງຍາກດ້ານການຈໍາຫນ່າຍ ຍ້ອນດ່ານສາ ກົນຖືກປິດ ເຮັດໃຫ້ບໍ່ມີນັກທ່ອງທ່ຽວເຂົ້າມາລາວ ໂດຍສະ ເພາະແມ່ນແຂວງບໍ່ແກ້ວ. ແນວໃດກໍ່ຕາມ ຍ້ອນໂຮງງານເຈຍລະໄນອັນຍິມະນີລາວ ເປັນຫົວຫນ່ວຍທຸລະກິດຂະ
ຫນາດນ້ອຍ ແລະ ກາງ ຜົນກະທົບທີ່ໂຮງງານໄດ້ຮັບຈິ່ງບໍ່ຫລາຍ ແລະ ສາມາດຮັບມືໄດ້, ພະນັງງານໃນໂຮງງານຈິ່ງໄດ້ຮັບເງິນເດືອນປົກກະຕິ ເຮັດໃຫ້ຊີວິດການເປັນຢູ່ຂອງເຂົາເຈົ້າໄດ້ຮັບການປັບປຸງດີຂຶ້ນຢ່າງຕໍ່ເນື່ອງ.