ໂຮງຫມໍຊຸມຊົນ ເມືອງປາກງື່ມ ນະຄອນຫລວງວຽງຈັນ ຍັງເຮັດຫນ້າທີ່ຢ່າງເເຂງເເຮງໃນການ ປ້ອງກັນ-ສະກັດກັ້ນ ເເລະ ກວດວິເຄາະຊອກຫາເຊື້ອພະຍາດໄຂ້ເລືອດອອກ ຫລື ໄຂ້ຍຸງລາຍໃຫ້ປະຊາຊົນ ຕີດພັນ ກັບການເເນະນໍາປະຊາຊົນ ທີ່ເຂົ້າໄປໃຊ້ບໍລິການຢູ່ພາຍໃນໂຮງຫມໍ ໃຫ້ຮູ້ຈັກຜົນຮ້າຍ,ໄພອັນຕະລາຍ ເເລະ ວິທີປ້ອງກັນ ພະຍາດໄຂ້ເລືອດອອກ ເນື່ອງຈາກວ່າພະຍາດຊະນິດນີ້ມີຄວາມອັນຕະລາຍເຖີງຊີວິດ.
ດຣ ຄໍາຫລ້າ ເພັດລາວັນ ຜູ້ອໍານວຍການໂຮງຫມໍຊຸມຊົນເມືອງປາກງື່ມ ໃຫ້ຮູ້ວ່າ:ການປ້ອງກັນ ເເລະ ສະກັດກັ້ນພະຍາດໄຂ້ເລືອດອອກ ຢູ່ໂຮງຫມໍເມືອງປາກງື່ມ ໄດ້ເລີ່ມຈັດຕັ້ງປະຕິບັດ ມາເເຕ່ເດືອນເມສາຜ່ານມາ ໂດຍສະເພາະ ໄດ້ສຸມໃສ່ ການຝຶກອົບຮົມວຽກງານສຸຂະສຶກສາກ່ຽວກັບການປ້ອງ,ກັນສະກັດກັ້ນ ວິທີປີ່ນປົວ ພະຍາດໄຂ້ເລືອດອອກໃຫ້ກັບພະນັກງານເເພດຫມໍ ເພື່ອໃຫ້ເຂົາເຈົ້ານໍາເອົາຄວາມຮູ້ໄປເເນະນໍາປະຊາຊົນ,ເເບ່ງຄວາມຮັບຜິດຊອບໃຫ້ພະນັກງານເເພດຫມໍພັດປ່ຽນກັນມາຈໍາການຢ່າງລະອຽດ ເເລະ ຕໍ່ເນື່ອງ ເພື່ອກວດຫາເຊື້ອພະຍາດໄຂ້ເລືອດອອກ ເເລະ ພະຍາດອື່ນໆ,ສົມທົບກັບພາກສ່ວນກ່ຽວຂ້ອງລົງໂຄສະນາສຸຂະສຶກສາໃຫ້ປະຊາຊົນ ທໍາລາຍເເຫລ່ງເພາະພັນຂອງຍຸງລາຍ ພ້ອມທັງກະກຽມອຸປະກອນການເເພດ ເເລະ ຢາປີ່ນປົວພະຍາດ ຈໍານວນຫນື່ງເພື່ອ ສະຫນອງໃຫ້ປະຊາຊົນ ເເລະ ວຽກງານສໍາຄັນປີ່ນອ້ອມຈໍານວນຫນື່ງ.
ຜູ້ອໍານວຍການໂຮງຫມໍຊຸມຊົນເມືອງປາກງື່ມ ນະຄອນຫລວງວຽງຈັນ ໃຫ້ຮູ້ຕື່ມວ່າ:ນັບເເຕ່ຕົ້ນປີມາຮອດປັດຈຸບັນນີ້ ທົ່ວເມືອງປາກງື່ມມີຄົນເຈັບທີ່ຕິດເຊື້ອພະຍາດໄຂ້ເລືອດອອກສະສົມທັງຫມົດ87ຄົນ ໃນນີ້ສະເພາະເດືອນກັນຍານັບເເຕ່ຕົ້ນເດືອນມາຮອດກາງເດືອນພົບເຫັນຄົນຕິດເຊື້ອພະຍາດໄຂ້ເລືອດອອກ ເເລ້ວ 7ຄົນ ເເຕ່ບໍ່ມີກໍລະນີເສຍຊີວິດ ຢ່າງໃດກໍ່ຕາມ ເຖີງວ່າການຕິດເຊື້ອພະຍາດໄຂ້ເລືອດອອກຂອງປະຊາຊົນຢູ່ພາຍໃນເມືອງປາກງື່ມມີຈໍານວນບໍ່ຫລາຍເເຕ່ ປະຊາຊົນພາຍໃນເມືອງ ຕ້ອງເປັນເຈົ້າການປ້ອງກັນພະຍາດໄຂ້ເລືອດອອກຢ່າງເປັນຂະບວນກວ້າງຂວາງເເລະຕໍ່ເນື່ອງ ໂດຍສະເພາະການເອົາໃຈໃສ່ປະຕິຫລັກການ5ປໍຂອງກະຊວງສາທາລະນະສຸກ ວາງອອກໃຫ້ເຂັ້ມງວດ ເປັນຕົ້ນ:ປິດຝາພາຊະນະທີ່ໃຊ້ເກັບນໍ້າພາຍໃນເຮືອນໃຫ້ເເຈບດີ,ປ່ຽນນໍ້າຮອງຕູ້,ຖ້ານຮອງຈອກນໍ້າ,ປັບປຸງສະພາບເເວດລ້ອມພາຍໃນບໍລິເວນເຮືອນໃຫ້ມີຄວາມສະອາດ ບໍ່ໃຫ້ມີນໍ້າຂັງຕາມກະໂປະກະປ໋ອງ ຢາງຕີນລົດເກົ່າ ເພື່ອບໍ່ໃຫ້ເປັນບ່ອນວາງໄຂ່ຂອງຍຸງ,ປ່ອຍປາຫາງນົກຍຸງເພື່ອກີນຫນອນນໍ້າຍຸງລາຍ ເເລະ ປະຕິບັດເປັນຈໍາ ໃນທຸກໆອາທິດ ສີ່ງສໍາຄັນຖ້າມີອາການໄຂ້ຫລືຮູ້ສຶກບໍ່ສະບາຍໃຫ້ໄປພົບເເພດຫມໍໂດຍດ່ວນບໍ່ຄວນຊື້ຢາມາກີນເອງ ເພື່ອປ້ອງກັນການສູນເສຍທີ່ອາດຈະເກີດຂື້ນ.
ຂ່າວ;ພາບ: ເດດອາລຸນ ແກ້ວວິໄລ
May be an image of 4 people, people standing and indoor
May be an image of 5 people, people sitting, people standing and indoor
May be an image of 2 people, child, people sitting and indoor
May be an image of 3 people, people sitting, people standing and indoor
Loading...