ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໂຮງຮຽນກ້າວໜ້າ ສະເຫລີມຫລອງວັນຄູແຫ່ງຊາດ ຄົບຮອບ 26 ປີ

5.10.2020 ຄູ-ອາຈານ ແລະ ນັກຮຽນໂຮງຮຽນອະນຸບານ ປະຖົມ ແລະ ມັດທະຍົມສົມບູນກ້າວຫນ້າ ພ້ອມກັນຈັດກິດຈະກໍາເພື່ອສະເຫລີມສະຫລອງວັນຄູແຫ່ງຊາດ ວັນທີ 7 ຕຸລາ ຄົບຮອບ 26 ປີ (ວັນທີ 7 ຕຸລາ 1994 – ວັນທີ 7 ຕຸລາ 2020) ໂດຍການໃຫ້ກຽດເຂົ້າຮ່ວມ ທ່ານ ບຸນທັນ ແສງມະນີ ຫົວໜ້າຂະແໜງມັດທະຍົມ ພະແນກສຶກສາທິ ການ ແລະ ກິລາ ນະຄອນຫລວງວຽງຈັນ.

ໃນໂອກາດນີ້ ອາຈານ ບຸນໄຫວ ຫລວງລາດ ຜູ້ອຳ ນວຍການໂຮງຮຽນອະນຸບານ ປະຖົມ ແລະ ມັດທະຍົມສົມບູນກ້າວຫນ້າ ໄດ້ຂຶ້ນຫວນຄືນມູນເຊື້ອແຫ່ງຄວາມເປັນມາຂອງວັນຄູແຫ່ງຊາດລາວ ໂດຍສະເພາະ ປະຫວັດຂອງນາຍຄູຄຳ ເຊີ່ງເປັນຄູລາວຜູ້ທໍາອິດທີ່ມີນ້ຳໃຈຮັກຊາດ ແລະ ບໍ່ຍອມກົ້ມຫົວໃຫ້ ວັດຕູຜູ້ຮຸກຮານ ເພື່ອໃຫ້ຄູ-ອາ ຈານ ແລະ ນັກຮຽນພາຍໃນໂຮງຮຽນຂອງຕົນໄດ້ລະນຶກ ເຖິງຄຸນງາມຄວາມດີຂອງຄູຄຳ ກໍຄື ຄູຜູ້ອື່ນໆ ຂອງລາວທີ່ປະກອບສ່ວນສໍາຄັນໃນການສ້າງຊັບຳະຍາກອນມະນຸດໃຫ້ແກ່ປະເທດຊາດ.

ນອກຈາກນີ້ ພາຍໃນງານຍັງໄດ້ຈັດການສະແດງສິລະ ປະວັນນະຄະດີ ຂອງບັນດານ້ອງນັກຮຽນ ແລະ ຄູ-ອາຈານລວມເຖີງ ມອບໃບຍ້ອງຍໍ ແລະ ຂວັນໃຫ້ຄູ-ອາຈານ ທີ່ມີຜົນງານດີເດັ່ນ ໃນການປະຕິບັດວຽກງານວິຊາສະເພາະ ກໍຄືການສິດສອນໃນໄລຍະຜ່ານ, ພ້ອມມອບໃບປະກາດຈົບຊັ້ນ ປ5, ມ4 ແລະ ມ7. ພ້ອມດຽວກັນນີ້ ຍັງໄດ້ສະ ຫລຸບສົກຮຽນ 2019-2020 ເຊີ່ງໃນສົກຮຽນ 2019-2020 ການສອບເສັງຈົບຊັ້ນ ປ5 ໄດ້ຄະແນນຮອບດ້ານທັງໝົດ 5 ຄົນ, ຍິງ 2 ຄົນ, ເສັງຈົບຊັ້ນ ມ4 ສອບເສັງໄດ້ຄະແນນຮອບດ້ານ 25 ຄົນ, ຍິງ 24 ຄົນ ແລະ ໄດ້ໃບປະກາດແດງ 1 ຄົນ, ສ່ວນການສອບເສັງຊັ້ນ ມ7 ແມ່ນໄດ້ນັກຮຽນເກັ່ງຮອບດ້ານ 45 ຄົນ, ຍິງ 31 ຄົນ.

ສໍາລັບໂຮງຮຽນ ອະນຸບານ ປະຖົມ ແລະ ມັດທະຍົມສົມບູນ ກ້າວຫນ້າ ເປັນໂຮງຮຽນເອກະຊົນ ຕັ້ງຢູ່ບ້ານສີສະຫວາດ ເມືອງຈັນທະບູລີ ນະຄອນຫລວງວຽງຈັນ.