ວັນທີ 30 ມີຖຸນາ 2022ນີ້, ໂຮງຮຽນນາຍສິບຊ່າງແສງປິດການຮຽນ-ການສອນໃຫ້ນັກຮຽນນາຍສິບຊຸດທີ 30 ສົກປີ 2021-2022 ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ສົມພອນ ມິດຕະພອນ ກຳມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ ມີຄະນະພັກ-ຄະນະອຳນວຍການ ພະນັກງານຄູ-ອາຈານ,ນັກຮຽນ ແລະ ແຂກຖືກເຊີນເຂົ້າຮ່ວມ.
ສະຫາຍ ພັນໂທ ສີບູນ ທຳມະວົງ ຮອງອຳນວຍການ ຫົວໜ້າພະແນກອົບຮົມ ໂຮງຮຽນນາຍສິບຊ່າງແສງໄດ້ຂື້ນຜ່ານບົດລາຍງານ ການຈັດຕັງປະຕິບັດການຮຽນ-ການສອນ ເຊິ່ງມີຈຳນວນພົນນັກຮຽນທັງໝົດທີ່ມາຈາກກຳລັງຫຼວງ ກຳລັງທ້ອງຖິ່ນ 101 ສະຫາຍ, ດ້ານການປະຕິບັດລະບຽບແບບແຜນ ນັກຮຽນທຸກສະຫາຍ ແມ່ນປະຕິບັດໄດ້ບັນດາຂໍ້ກຳນົດກົດລະບຽບຂອງ ກອງທັບ ກໍ່ຄືຂໍ້ກຳນົດຂອງໂຮງຮຽນວາງອອກ ຢ່າງເຂັ້ມງວດ. ນອກຈາກນີ້ຫຍັງໄດ້ເອົາໃຈໃສ່ດ້ານຄວາມສາມັກຄີ ແລ ຝຶກຝົນຫຼໍ່ຫຼອມຕົນເອງ ນັກຮຽນທຸກຄົນ ແມ່ນມີຄວາມຈົ່ງຮັກ ພັກດີຕໍ່ການຈັດຕັ້ງ, ມີຄວາມຜູກພັນແໜ້ນ, ສາມັກຄີຢ່າງຖືກຕ້ອງຕໍ່ພໍ່ແມ່ປະຊາຊົນ, ຢູ່ພາຍໃນມີຄວາມ ສາມັກຄີເປັນເອກະພາບກັນ, ມີຄວາມຈິງໃຈຊ່ວຍເຫຼືອເຊິ່ງກັນ ແລະ ກັນ ບໍ່ວ່າທາງດ້ານວັດຖຸກໍ່ຄືທາງຈິດໃຈ ຄົ້ນຄວ້າຮ່ຳຮຽນ, ຄູອາຈານ ແລະ ວຽກງານຮັບປະກັນ ຄູອາຈານ ແມ່ນມີຄວາມເຊື່ອມຊຶມ, ກຳແໜ້ນ ແລະ ມີສະຕິຄວາມຮັບຜິດຊອບສູງຕໍ່ໜ້າທີ່ການເມືອງຂອງ ຕົນ, ເອົາໃຈໃສ່ຄົ້ນຄວ້າແຕ່ງບົດສອນ, ຊອກຮູ້ວິທີທາງການຮຽນ-ການສອນແບບໃໝ່ໆ, ຂຶ້ນຫ້ອງສິດສອນຕາມ ແຜນການ ໄດ້ປະຕິບັດໂມງເວລາຕາມໂຄງການຫຼັກສູດ, ແບບແຜນການສິດສອນປະຈຳອາທິດ ມີໂຄງຮ່າງບົດສອນ, ແຜນການສອນ ແລະ ຕຳລາສອນຄົບຖ້ວນ.ມີພາຫະນະຂອງເຫຼົ່າຮົບ, ວັດຖຸອຸປະກອນ, ແຜ່ນພາບປາໂນ ແລະ ວັດຖຸຮັບໃຊ້ການຮຽນ ການສອນ ທັງພາກທິດສະດີ ແລະ ພາກປະຕິບັດຕົວຈິງ ເຊິ່ງເປັນເງື່ອນໄຂອັນດີ ເຮັດໃຫ້ນັກຮຽນມີຄວາມ ເຂົ້າໃຈ, ມີຄວາມຄຸນເຄີຍ ແລະ ສາມາດນຳໃຊ້ພາຫະນະຂອງເຫຼົ່າຮົບໄດ້ເປັນຢ່າງດີ, ສາມາດຕີລາຄາຜົນໄດ້ຮັບຈາກການຫັດແອບ – ຮ່ຳຮຽນ ແລະ ການຝຶກຝົນຫຼໍ່ຫຼອມ ປະເມີນຜົນການຮຽນໝົດສົກຮຽນ 2021-2022 ສະເລ່ຍຜົນໄດ້ຮັບ 2,01 ເຖິງ 10,00 ດີເລີດ (ເກດ A) ແມ່ນ ບໍ່ມີ ນັກຮຽນມີຜົນການຮຽນ ສະເລ່ຍ 8, 50 ເຖິງ 9,00 = ດີຫຼາຍ = (ເກດ B) ຈໍານວນ 20 ສະຫາຍ =19,80 %,ນັກຮຽນມີຜົນການຮຽນສະເລ່ຍ 7, 00ເຖິງ 8, 49 = ດິ = (ເກດ B) ຈໍານວນ 81 ສະຫາຍ = 80,19 %,ຈັດປະເພດດ້ານຄຸນທາດການເມືອງນັກຮຽນມີຜົນການຮຽສະເລ່ຍ 00 ເຖິງ 4,99 = ຕົກ = ແມ່ນບໍ່ມີ. – ປະເພດ (1) ແຂງຮອບດ້ານ ຈໍານວນ 41 ສະຫາຍ, ທຽບໃສ່ສົກຮຽນ 2020-2021. 41,46 %,ປະເພດ ແຂງ ຈໍານວນ 42 ສະຫາ, ທຽບໃສ່ສົກຮຽນ 2020-202. 16,66%.
ໂດຍ: ເກນ ວິໄລສານ.
